Video

Rubrikat

Aleanca për Punësim, Mirëqenie dhe Integrim

Aleanca për Shqipërinë Europiane

Sekretet e aromave të Hermesit

2/22/2013 12:35:47 PM

Një pikë uji në një vizion, 'Haute Couture 2012-13'

nga Danny Wise

MILANO - Si një pikë uji, fare e vogël, shumë biles, e thjeshtë, transparente dhe e pastër, duket bosh nga brenda, po ti e ndjen dhe pse nuk e sheh kurrë. Të tjerët e shohin në ty, ti e shikon tek të tjerët.

Si një pikë loti, klas, i thjeshtë deri në transparencë, pastërti dhe një forcë të thellë. Nga një pikë loti në shkretëtirë lind një bimë, nga një pikë loti në dashuri lind një fëmijë.

Një pikë loti shërben për të kujtuar një moment të bukur, për të përshëndetur dike për zemër, një pikë loti është në dukje bosh por i plotë, i mbushur me energji, aq sa të mund të gjenerojë një jetë, por "loti" që bie në kontakt me materialet, bëhet Blu Wise.

Udhëtimi im 20 vjeçar nisi nga Milano dhe mbërriti inë Moskë, me klasin e femrave milaneze që rrethohen nga ngjyra gri të qytetit, dimrin plot mjegull… pikërisht aty ku zbresin dhe "lotët e engjëjve".

Kur i shohin të zbresin nga qielli, të vdekshmit i quajnë flokë dëbore. Lotë dhe flokë dëbore, në sintoni me udhëtimin e ditës, nën rregullsinë e ngjyrës gri, mjegullës. Ato veshin zemrën e femrës në klasin e tyre nën një tailleur të hapur.

Një lot dashurie në koleksionin DW Haute Couture 2012-13 ka simbol Lule Peonia-n, me hijeshinë e bukurisë së saj. Peonia si lulja e Maison Danny Wiese është lulja origjinale e atyre vendeve, Peonia (peonis), i përket Apollonit perëndisë së luleve, sepse zgjodhëm më të mirën, për të përfaqësuar koleksionin e fundit, që i drejtohet një klientele ndërkombëtare.

Një klientelë që e ndjen vlerën e zgjedhjeje të përsosur, përmes vizionit të një pike uji, aq e vogël sa thuajse asnjë nuk arrin t’a shohë. Të gjithë shkencëtarët e kanë kërkuar dhe tentuar ta prodhojnë në mënyrë artificiale, por nuk kanë arritur kurrë. Ne, po.

Duke filluar nga materialet që përdorëm (foto) si Tyl kinez, Tyl maroken, Saten mëndafshi, Ottoman, Mëndafsh me përberje Diamanti, Mëndafsh me mikrodiamantë të zinj të ardhura nga Italia, Franca, Anglia, Skocia nëpërmjet ngjyrave si e bardhë opak, e bardhe me ndriçim, rosa cipria, rosa pelle, Blu Wise,pjeshkë, kajsi, në punime të bëra krejtësisht me dorë.