Video

Rubrikat

Aleanca për Punësim, Mirëqenie dhe Integrim

Aleanca për Shqipërinë Europiane

Sekretet e aromave të Hermesit

8/22/2012 12:01:59 PM

Te mbrohemi nga i nxehti: oraret e pikut

Temperaturat ditën e sotme do të arrijnë në vlerat maksimale deri në 38 gradë dhe vlerat më të ulëta nga 14 deri në 22 gradë

TIRANË - Temperaturat e ajrit pritet të shënojnë këto sot dhe nesër vlera të larta deri në 39 gradë, ndërsa mjekët kanë apeluar për kujdes nga ndikimi i tyre në organizëm, sidomos fëmijët dhe të moshuarit.

Sipas sinoptikanëve, temperaturat ditën e sotme do të arrijnë në vlerat maksimale deri në 38 gradë dhe vlerat më të ulëta nga 14 deri në 22 gradë. Temperaturat më të larta parashikohen të regjistrohen në në Lezhë dhe Gjirokastër, ndërsa Tiranë, sipas sinoptikanëve, do të karakterizohet nga vlerat 22 gradë celcius më e ulëta dhe 37 gradë celcius më e larta.

Ndërkohë ditën e nesërmë pritet një rritje e temperaturave me 1 gradë celcius, ndërsa vendi yne ndikohet nga vlera te larta te presionit atmosferik, ku qarkullojnë masa ajri të thata dhe të nxehta. Moti do të jetë i kthjellët me vranësira kalimtare locale në mesditë. Era do të fryjë me drejtim veriperëndim dhe perëndim deri në 5m/sek, ndërsa deti do të jetë i forcës 2 me lartësi vale deri 0.7 metra. Temperaturat do të jenë në vendet malore 14/37, vendet e ulëta 19-39 dhe në bregdet 22/37.

Në këto kushte mjekët këshillojnë evitimin kur është e mundur të daljeve në orët e nxehta të ditës 11.00 – 17.00, të vishen në mënyrë të përshtatshme, të përdorin mjete mbrojtëse, të konsumojnë lëngje ose ujë në mënyrë të mjaftueshme të paktën deri 2 litra në ditë.

Po kështu, kujdes duhet të tregohet me gatimin dhe ruajtjen e ushqimeve në mënyrë të sigurtë, si dhe të tregohet kujdes për fëmijët, të moshuarit, personat e sëmurë apo edhe të vetmuar.

Efektet nga nxehtësia mbi shëndetin perfshijne nje diapazon te gjere si dëmtimet në lekure, dehidratimi (humbja e lëngjeve), dhimbjet apo ngërçet muskulare, goditja nga nxehtësia, rëndimi i një sërë sëmundjesh kronike si sëmundja e hipertensionit, sëmundjet e zemrës, astma bronkiale, bronkiti kronik, pneumopatia obstruktive kronike, diabeti, thyreotoksikoza, insuficienca e veshkave, sëmundja nervore e Parkinsonit, semundja e Alzheimer, skizofrenia, demenca, etj.