Video

Rubrikat

Komunikata per shtyp & Njoftime

Sekretet e aromave të Hermesit

6/17/2012 4:39:22 PM

Konflikte

Lekë Imeraj

SHKODËR - Konfliktet në shoqëri mund të parandalohen nëse tek gjithkush ekziston dëshira për më shumë tolerancë e mirëkuptim, për më shumë arsye dhe më pak “fanatizëm” pasionant. Ky mesazh përcillet qartë në librin “Konflikte” të autori shkodran, Lekë Imeraj, i promovuar këtë fundjavë në sallën e bibliotekes “Marin Barleti” të qytetit të Shkodrës.

Ishin të shumtë personalitetet e publicistikës që vlerësuan librin “Konflikte” të autorit Lekë Imeraj, i cili në dy dekadat e fundit ka spikatur si shkrimtar dhe përkthyes i zoti nga gjermanishtja në shqip.

Dr. Zamira Çavo u shpreh se me “Konflikte” autori kërkon të shtyjë bashkëkombasit e tij drejt një kuptimi të ri të shoqërisë, drejt një komunikimi sa më aktiv, besues e tolerues njëkohësisht.

Sipas saj, trajtimi i një tematike të tillë, e bën librin të lexueshëm me një frymë, por dhe të nevojshëm për t’iu rikthyer sa herë që ke nevojë për të gjetur argumente të problematikave të ditës.

Shkrimtari shkodran Fadil Kraja, ndër të tjera tha se “një moment i bukur dhe i kapshëm në faqet e librit është përpjekja për t’i dalë përpara konflikteve, për t’i parandaluar ata pa shkuar tek e keqja. Kjo është shumë e rëndësishme, pasi në Shqipëri merren shumë me gjakmarrjen, dhjetra shoqata dhe nisma kanë qënë prezente ndër vite, por fatkeqësisht me shumë pak efekt”.

Libri “Konflikti” u konsiderua si një ftesë për tolerancë politikë krahinore, madje dhe fetare. Për autorin, Lekë Imeraj, tematika e librit është aktuale, pasi sic u shpreh ai trajton fenomentin e vetëvrasjeve, i cili fatkëqësisht gjatë kësaj periudhe rëndom ka filluar të jetë prezent në mosha të ndryshme të shoqërisë sonë.

I diplomuar për Gjuhë e Letërsi, më pas për Filozofi dhe Akademinë e Rendit, autori gjatë 20 viteve të fundit ka arritur të botojë plot shtatë libra. Ai është një njohës i mirë i gjermanishtes, pasi për një periudhë të gjatë ka jetuar atje, ndërkohë që vitet e fundit së bashku me bashkëshorten gjermane jeton në Shkodër. Lekë Imeraj ka përkthyer nga gjermanishtja një seri botimesh të fushës së psikologjisë dhe libra për fëmijë, ndërkohë që është autor edhe i shumë artikujve publicistikë të publikuar në gazeta dhe revista të ndryshme.