Video

Rubrikat

Komunikata per shtyp & Njoftime

Sekretet e aromave të Hermesit

6/9/2012 6:36:07 PM

Pite të holla të mbushura me spinaq (Gözleme)

nga Brunhilda Cela

Gatuaj me ne Receta për rreth 10-12 pite të holla është:
Për brumin:
Miell 500 gr
Ujë rreth 325 ml (kjo varet edhe nga lagështia e miellit)
Pak kripë
Për mbushjen:
Spinaq rreth 500 gr
Djath të bardhë 100 gr
Kripë vaj ulliri 2 lugë gjelle ,50ml -100 ml ajkë qumështi
1 tuë e vogël qepë të njoma të grira hollë
1 tufë të vogël dhjozëm (nenexhik) të njomë ose kopër

Këtë recetë e kamparë kur isha me pushime në Turqi, biles në foton më sipër kam fotografuar një zonjë turke duke e gatuar. Gratë turke i hapnin petet për lezet aq shpejt me okllai mbi një sofër druri, sa u mahnita. Pastaj e mbushnin të freskët me përbërës të ndryshme si p.sh: djath të bardhë përzier me dhjozëm të njomë, kungull, ose me lakra të egra, spinaq apo mish të grirë.

E piqnin mbi një pllakë gize të trashë e cila nxehej me gaz. Kisha kaq kohë që doja ta provoja këtë recetë dhe më në fund u bëra mbarë. Në fillim zemë brumin si për byrek.

E punojmë mirë dhe e lemë të pushojë.Pastaj e ndajmë në 10-12 kuleçë. Kuleçët unë i mbuloj me një pecetë të lagur dhe i le të pushojnë pak përpara se të filloj të hap petët. Mbushjen e përgatisim në këtë mënyrë:

Shtrydhim spinaqin me pak kripë dhe ja kullojmë lëngun e tepërt (në fakt unë nuk e derdh po e pi vetë, pasi nuk ia lejoj vehtes që të hedh vitaminat dhe mineralet që përmban lëngu i spinaqit).

Aty shtoj qepët e njoma të grira hollë edhe përbërësit e tjerë me radhë, mund t'i vemë dhe vezë po të duam. Hapim petët e byrekut një nga një me pec ose me dorë si ta keni për kollaj.

Vini zgarën elektrike ose një tigan të trashë që nuk ngjit të nxehet por jo në temperaturë të lartë, ndërsa zgarën elektrike nëse e përdorni tek temperatura e mesme. Petëve të hapura u hedhim mbushjen duke e spërkatur nëpër të.

Petën mund ta spërkasni pak me vaj por unë nuk i bëra pasi i hodha mbushjes dhe vaj dhe ajkë dhe nuk doja që ta bëja shumë të lyrshme.

I palos si në figurë dhe i pjek në zgarë ose në tigan ngadalë. Bëhen shumë të mira: spinaqi brenda del shumë i shijshëm dhe ngelet një ngjyrë jeshile e bukur. Serviren të ngrohta me një gotë dhallë. Ju bëftë mirë !

* Autorja punon farmaciste në Austri: hobi i saj është gatimi, fotografia dhe dekorimet: recetat mund t'i shikoni dhe në profilin e saj facebook-ut "Të gatuajme së bashku" Receta të tjera të Brunhildës: Rosto viçi me makarona të çastit Bukë lule Buding me bukë të bardhë të mbetur dhe mollë Peshk me arra dhe shege Qofte zgarë me bukë pite dhe salcë kosi Sallate me lakra te egra (ose rukola), shege dhe djath i skuqur Pule me arra Makarona me salcë salmoni Shishqebap me gjoks puledeti Byrek me qepë Pite te mbushura me tre djathra Tortë 'Sharlotë' Peshk në brumë me salcë bernaise Byrek me hithra Torta Mimoza Roladë me mish viçi dhe salcë Qofte me hithra dhe salcë kosi Qofte me qiqra Krem Brulee (Krem Katalan) Role buke me salcë kërpudhash Zogj me patate të marinuara Embëlsirë me vishnje e sfoliat Biskota trëndafil Leçenik Trendafila brumi te mbushur me krem Japrak me gjethe rrushi Marmaladë me petale trëndafili Torte me luleshtrydhe Shurup me bar blete Jahni me mish qengji

* Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi