Video

Rubrikat

Komunikata per shtyp & Njoftime

Sekretet e aromave të Hermesit

2/5/2012 3:44:28 PM

Moti i keq, akse rrugore ende të bllokuara

Ulen temperaturat, sërish vështirësi qarkullimi në rrugët kombëtare

TIRANË - Për shkak të kushteve që këqija meteorologjike disa nga akset kryesore rrugore vazhdojnë të jenë të bllokuara, apo janë të kalueshme vetëm me zinxhirë.

Policia e Shtetit njofton se, në qarkun e Kukësit aksi Bajram Curri - Qafë Morinë dhe pjesa më e madhe e akseve të tjera janë të pakalueshme, ndërkohë që me zinxhir mund të kalohet në aksin Morinë - Kalimash, Kukës - Krumë dhe Kukës- Topojan.

Në qarkun e Dibrës situata paraqitet më e lehtësuar, ku pjesa më e madhe e akseve kalohen me zinxhirë, ndërsa në qarkun e Shkodrës akset Fushë Arrës - Qafë Mali- Qafë Shllak, Bogë - Theth, Selcë - Vermosh, Qafë Mali - Dardhë - Fierz, Fushë Arrës - Iballë janë të pakalueshme.

Në qarkun e Lezhës, në të gjitha akset rrugore nacionale lëvizja e automjeteve është e kalueshme, ndërsa në qarkun e Tiranës, aksi në drejtim të Qafë Krrabës është i kalueshëm pa zinxhirë, ndërsa ai në drejtim të Dajtit është i kalueshëm me zinxhirë.

Në qarkun e Elbasanit, i vetmi aks i bllokuar është ai Librazhd – Bulqizë, ndërsa në të gjitha akset e tjera rrugore lëvizja është normale. Në qarkun e Korçës aksi rrugor Kapshticë - Korçë - Qafë Thanë është i kalueshëm pa zinxhirë, ndërsa ai Boboshticë – Dardhë dhe Korçë – Voskopojë janë të kalueshme me zinxhirë.

Në qarkun e Beratit dhe të Gjirokastrës të gjitha akset rrugore kalohen pa zinxhirë. Ndërsa në qarkun e Vlorës, në segmentin rrugor Vlorë – Llogora lëvizja e automjeteve kryhet pa zinxhirë dhe në të gjitha akset e tjera rrugore lëvizja e mjeteve bëhet normalisht pa probleme.