1/25/2012 5:01:48 PM

Suksesi i aktivizmit elektronik

Nënshkrimi i peticioneve në formë elektronike është një fenomen që po tërheq vëmendjen kohët e fundit

Bota PINKNë botë po qarkullojnë shumë peticione për të drejtat LGBT, duke filluar që nga Rusia dhe duke përmendur suksesin e fundit të Ekuadorit. Aktivizmi sot mund të marrë shumë forma, dhe nënshkrimi i peticioneve në formë elektronike është një fenomen që po tërheq vëmendjen kohët e fundit.

Të bashkohesh me një kauzë sot është më e thjeshtë se kurrë, nënshkruan një peticion dhe e ndan atë me rrejtin tënd të miqve në forma të ndryshme elektronike, që nga email e deri tek rrjetet sociale. Në këtë mënyrë përfshin dhe përfshihesh në kauza që të takojnë, që mund t’i kesh për zemër dhe jep një kontribut konkret për to.

Shembulli më i fundit i aktivizmit elektronik është suksesi i Fundacionit Causana. Kjo organizatë për të drejtat e minoriteteve seksuale punon në Ekuador, ku ekzistojnë klinika që mund të ‘shërojnë’ homoseksualizmin. Në këto klinika, shtroheshin gra dhe vajza kundra vullnetit të tyre për t’i shëruar nga të qënit lesbike. Në këto klinika ndodhin abuzime psikologjike dhe fizike që përbëjnë një shkellje të mirfilltë e lirive dhe të drejtave themelore të njeriut.

Fundaciun Causana nisi një peticion për mbylljen e këtyre klinikave, mbasi kishte 10 vite luftë të vazhdueshme me Ministrinë e Shëndetësisë ekuadoriane. Mbas mbledhjes së 113, 761 nënshkrimesh të peticionit në mbarë botën, Ministria e Shëndetsisë ekuadoriane, vendoi t’i takonte përfaqsuesit e kësaj organizate dhe të merrte përgjegjësi për shkeljen e të drejtave të personave LGBT në territonrin e tyre.

Ky sukses na përfshin të gjithëve ne që luftojmë, mbështesim apo thjesht jemi pjesë e minoriteteve seksuale, sepse na dërgon një mesazh për të mos u dorzeuar kurrë dhe për të mbështetur kauza të tilla në të gjithë botën. Peticioni është shpërndarë dhe në rrjetin LGBT në Shqipëri nga Ambasada PINK, dhe disa nga firmat kanë ardhur dhe nga mbështetësit e kauzës LGBT në Shqipëri.

Për të ndjekur historinë e këtij peticioni dhe për t’u informuar më tej, ju lutem vizitoni: http://www.change.org/petitions/ecuador-minister-of-health-close-remaining-ex-gay-torture-clinics-in-ecuador

* Autorja është asistente e komunikimi në Ambasadën Pink

Enida Bogdani

Dërgo me email | Stampo artikullin | Artikulli është lexuar 39 here