1/24/2012 5:04:43 PM

Një stuhi diellore godet Tokën

'Stuhia shkaktoi erupsion me intensitetit të mesëm, që shpërtheu në Diell të dielën. Shkëlqimi nuk ishte spektakolar, por shkaktoi dëbim koronal masiv, i cili, me grimca diellore energjetike, lëviz me shpejtësi prej 6,4 milionë kilometrash në orë', deklaroi fizikani amerikan, Dagh Biseker

SHBA - Stuhia më e fuqishme diellore që prej vitit 2005 goditi Tokën, ndërsa kulmi i saj pritet të arrijë sot, çka do të mund të provokojë prishjen e komunikimeve satelitore, njoftuan autoritetet amerikane.

Stuhia do të ndihet edhe gjatë ditës së nesërme. Qendra amerikane për parashikimin e ndryshimeve kohore në hapësirë parashikon se në dy ditët e ardhshme puna e satelitëve, rrjetet elektrike, qarkullimi i avionëve, por edhe ekspeditat hulumtuese në Arktik, ka mundësi të kenë ndryshuar.

"Stuhia shkaktoi erupsion me intensitetit të mesëm, që shpërtheu në Diell të dielën. Shkëlqimi nuk ishte spektakolar, por shkaktoi dëbim koronal masiv, i cili, me grimca diellore energjetike, lëviz me shpejtësi prej 6,4 milionë kilometrash në orë", deklaroi fizikani amerikan, Dagh Biseker.


Pasoja më e madhe, sipas tij, është radioacioni, i cili në planetin tonë arrin në formë të protoneve diellore. Efekte më të fuqishme të kësaj stuhie do t'i ndjejë pjesa veriore e Tokës.

Vështirësitë serioze të shkaktuara nga stuhitë diellore janë shumë të rralla.
Megjithate, në të kaluarën janë hetuar disa raste.

Në vitin 1989, mbi gjashtë milionë kanadezë mbetën pa energji elektrike në mes të dimrit, ndërsa stuhia e fuqishme në vitin 1972 shkaktoi ndërprerje të komunikimeve telefonike në shtetin federal amerikan Ilinois.

Maksimumi diellor pritet vitin e ardhshëm dhe disa shkencëtarë parashikojnë se mund të ketë pasoja katastrofike.

HermesNews - © 2012

Dërgo me email | Stampo artikullin | Artikulli është lexuar 67 here