1/23/2012 9:31:00 AM

Kroatët i thonë 'po' BEsë

Tashmë, traktati i anëtarësimit që Kroacia ka nënshkruar në dhjetor pritet të ratifikohet nga secili prej 27 shteteve anëtare të BE-së që të miratohet integrimi i saj në bllokun evropian i parashikuar për më 1 korrik 2013

KROACI - Kroatët i thanë "po" dje, të dielën, anëtarësimit të vendit të tyre në Bashkimin Evropian, por pjesëmarrja ishte shumë e dobët në referendumin e vlerësuar si "themelor" nga autoritetet e kësaj republike të rej, 20 vjet pas pavarësisë së saj në ish-Jugosllavia.

"Po"-ja fitoi me më tepër se 66 për qind të votave, sipas rezultateve të nxjerra nga numërimi i 99 për qind të fletëve të votimit të rreth 6 750 qendrave të votimit që ishin hapur, njoftoi Komisioni Zgjedhor.

Tashmë, traktati i anëtarësimit që Kroacia ka nënshkruar në dhjetor pritet të ratifikohet nga secili prej 27 shteteve anëtare të BE-së që të miratohet integrimi i saj në bllokun evropian i parashikuar për më 1 korrik 2013.

Pas Sllovenisë në 2004, Kroacia do të jetë e dyta ndër gjashtë ish-republikat jugosllave që anëtarësohet në BE, një perspektivë që i është ofruar të gjitha vendeve të Ballkanit Perëndimor.

Në Bruksel, presidentët e BE-së dhe të Komisionit Evropian, përkatësisht Herman Van Rompuy dhe Jose Manuel Barroso, shprehën kënaqësinë për përfundimin e votimit dhe u shprehën në një komunikatë të përbashkët se vendimet e kroatëve do të sjellin "mundësi të reja dhe stabilitet e begati për kombin e tyre".

HermesNews - © 2012

Dërgo me email | Stampo artikullin | Artikulli është lexuar 17 here