1/7/2012 11:31:09 AM

Rëndësia gjesteve

Hapësira që duhet të marrim kur flasim

Lady in Red Mënyra sesi njerëzit bëjnë gjestet varet nga hapësira që marrin kur flasin. Energjia që vihet kur bëjmë gjeste, duhet të jetë po ajo që vihet në lëvizjet tona. Nëse kërkoni të merrni sa më shumë hapësirë, atehërë duhet të filloni të luani pak më shumë me gjestet, ose me saktë t'i përdorni ato sipas bisedës që bëni.

Problemi është kur gratë nuk dinë sesi të bëjnë gjeste. Shumë femra ende nuk kanë mësuar artin e të gjestikoluarit. Arsyeja nuk më habit. Që në vogëli, gratë janë mësuar sesi ”të rrinë urtë”, të jenë të bindura dhe të mos mos bëzajnë kur të tjerët t’i thonë “të mos flasin më”, sepse kur kanë filluar të flasin "pak më shumë" të tjerët i kanë thënë se “po e teprojnë", “po tregohen emotive”, apo kanë qenë më të mira kur “nuk e bënin”.

Pas kësaj mund ta kenë lënë njëherë e përgjithmonë këtë betejë, për të qënë "më të mira" në sytë e të tjerëve, (në këtë rast të meshkujve apo eprorëve femra).

Këtyre grave, do t’u sugjeroja të mësojnë sesi të flasin me gjeste: duke filluar nga detaje si: mënyra e të krehurit të flokëve, veshja, bisedat, duart etj etj. Shumë gra, sidomos politikanet janë të përmbajtura, përdorin gjeste pak kur flasin dhe kur i përdorin janë të kontrolluara. Shikoni Jozefina Topallin, përdor gjestet e një politikani, të studiuara, përmbajtura, dhe me emocion të brendshëm i pashprehur ose më saktë i shprehur me një ritëm përsëritës që lëviz i komanduar, jo spontan.

Eshtë mëse e kuptueshme. Politikanet përdorin koncepte të perserituara, por veprimet duhet ta forcojnë konceptin, jo ta heqin vëmendjen prej tij.Prandaj, lini të lira sa më shumë energjitë tuaja. Gjestet tuaja duhet të jenë fluide, ashtu siç është biseda juaj.

Mos luani shumë me duar sidomos kur ajo lojë nuk përkon me ato që thoni, mos i mbani duart e mbledhura grusht sepse mund të shpreh ankth dhe kjo nuk është mirë. Gjestet tuaja duhet të përkojnë me dimensionin e publikut. Sa më i madh të jetë publiku, aq më të hapura duhet të jenë gjestet. Nënvizoni pikat se ku do të mbështeteni me diskutimin tuaj dhe me pas vazhdoni e qetë. Për të marrë sa më shumë hapësirë, gjestet duhet të thyejnë ekranin: vini sa më shumë energji tek ato dhe shijoni hapësirën që fituat..! //HermesNews - © 2012//

Doriana Metollari

Dërgo me email | Stampo artikullin | Artikulli është lexuar 61 here