10/20/2011 3:38:45 PM

Taksisti anglez i mumifikuar si faraon

Taksisti anglez Alan Billis në një intervistë në kanalin televiziv britanik Channel 4 para se të vdiste. Gruaja fillimisht ishte kundërshtare me këtë mendim. Tani thotë se është e kënaqur që 'është e vetmja grua në vend që ka një mumje për burrë'

LONDER - Dy shkencëtarë britanikë të universitetit të Jorkut kanë testuar teoritë e tyre mbi teknikat e mumifikimit të egjiptianëve të lashtë duke mumifikuar një trup “të vërtetë” në laborator. Kufoma është ajo e Alan Billis, një taksist i Torkuarit (Torquary 50°28′45″N, 3°31′50″W), qytet në jug të Anglisë, që para se të vdiste vendosi të ia dhurojë trupin e tij shkencëtarëve.

Alan Billis dhe e gruaja e tij, Jan

Teoritë janë shumë dhe me dallime mendimesh, mbi mënyrat të cilat u kanë lejuar egjiptianëve të lashtë të ruajnë trupat kaq gjatë. Shkencëtarët Stephen Buckley, kimist, dhe Jo Fletcher, arkeolog janë të bindur se trupat për t’u balsamosur zhyteshin në një tretësirë të lëngshme me bazë natroni (sodë natyrore, që në Egjipt ishte i gjendshëm në disa vendmbledhje), për të thithur ujin nga indet, dhe që më pas fshiheshin (thaheshin). Kërkuesit kanë ndjekur të njëjtën mënyrë mbi taksistin duke punuar për reth tre muaj. Rezultatet janë shumë të kënaqshme, dhe të vlerësuara plotësisht nga e veja e Billis. //HermesNews - © 2011//

Hans Benussi

Dërgo me email | Stampo artikullin | Artikulli është lexuar 98 here