8/30/2010 11:46:20 AM

Në kërkim të Neolitit

Sipas arkeologes amerikane, Suzan Allen, bashkëdrejtuese e ekspeditës, qëllimi i këtyre gërmimeve është hulumtimi i fillimit të periudhës së neolitit në Fushën e Korçës.

30 Gusht 2010
info@hermesnews.org

KORÇË - Në vendbanimin prehistorik të Vashtmisë, Korçë, deri tani janë grumbulluar disa qindra objekte arkeologjike si fragmente enësh prej qeramike, vegla bujqësore prej stralli, kocka kafshësh shtëpiake e të egra, trupi i një figurine në qeramikë, një bri lope etj, bëjnë të ditur përfaqësues të ekspeditës arkeologjike që ka nisur kërkimet në fillim të muaj gusht dhe që është afër përfundimit.

Sipas arkeologes amerikane, Suzan Allen, bashkëdrejtuese e ekspeditës, qëllimi i këtyre gërmimeve është hulumtimi i fillimit të periudhës së neolitit në Fushën e Korçës, ku mendohet të jetë një nga vendbanimet prehistorike më të vjetra në Ballkan dhe Evropë. "Nga gërmimet ka mjaft gjetje për mënyrën e jetesës së banorëve të këtij vendbanimi prehistorik, për kafshët shtëpiake, por edhe për kafshët e egra që gjuanin," - thotë Allen.

Bashkëdrejtuesi tjetër i këtij projekti, arkeologu shqiptar, Ilir Gjipali, thotë se materialet e grumbulluara do të analizohen në SHBA për të vërtetuar hershmërinë e tyre. Në laboratorët amerikane do të testohet analiza e karbonit C-14 dhe ADN-ja, thonë specialistët.

Gërmimet në vendbanimine Vashtmisë kryhen nga një ekspeditë e Institutit Arkeologjik të Tiranës në bashkëpunim me një grup arkeologësh të universitetit të Cincinatit nga SHBA. Gërmimet e para arkeologjike në vendbanimin prehistorik të Vashtmisë, për periudhën e neolitit të hershëm, i ka kryer në vitin 1974, arkeologu shqiptar Myzafer Korkuti. Vendbanimi prehistorik i Vashtmisë daton 6000 vjet para erës së re. Lajmet e Hermesnews dhe në Facebook.

HermesNews - ©2010

Dërgo me email | Stampo artikullin | Artikulli është lexuar 109 here