7/13/2010 12:36:12 PM

Korrik 2010

Parashikimi i yjeve per 12 shenjat e Zodiakut.

Dashi

Karriera: Gjatë muajit korrik nuk do të jeni shumë të interesuar për karrierën tuaj, sa që do të jeni të interesuar për t’i mbajtur në nivel marrëdhëniet brenda kolektivit, qoftë me kolegët, qoftë me eprorët tuaj. Nëse veç jeni të dhënë pas raporteve, atëherë do të ishte mirë që këtë periudhë kohore ta shfrytëzoni për t’i sqaruar disa probleme që mund t’i keni trashëguar nga e kaluara. Zgjatni dorën e pajtimit. Ndërsa duhet të dini se ky muaj për ju mund të jetë fatlum edhe kur bëhet fjalë për investime të vogla që mund të sjellin rezultate afatgjate.

Partneri: Lumturia në jetën tuaj bashkëshortore do të varet vetëm nga ju – thënë ndryshe, me pak angazhim mund të bëni që muaji në vijim të jetë i paharrueshëm. Personat e lirë të kësaj shenje do të mund të kenë fat në gjetjen e partnerit.


Demi

Karriera: Gjatë muajit korrik duket sikur do të keni një arsye të fortë për të shkuar të lumtur në punë. Gjatë gjithë muajit do të kuptoheni mirë me kolegët tuaj – sidomos me një person të gjinisë mashkullore, i cili do t’ju jep motiv shtesë për punë. Po ashtu edhe personat e kësaj shenje që janë në kërkim të punës, kanë mbështetjen e yjeve për të gjetur një angazhim të duhur profesional. Shfrytëzojeni këtë rrezatim pozitiv që keni dhe shumë lehtë mund të vini deri të një punë të cilën e keni ëndërruar që një kohë të gjatë. Megjithatë, kërkohet pak kujdes me financa, sidomos kah fundi i këtij muaji.

Partneri: shmangeni nga ajo, por bashkë me partnerin tuaj të ëndërroni dhe të përpiqeni t’i realizoni ëndrrat që keni. Personat e lirë të kësaj shenje partnerin e mundshëm nuk e kanë shumë larg prej tyre – mund të jetë kolegu i punës apo edhe eprori.


Binjakët

Karriera: Ky do të jetë një muaj i paqartë për karrierën tuaj – megjithatë, mund të thuhet në një mënyrë pozitive. Disiplina dhe udhëheqja e punëve gjatë këtij muaji nuk do të jenë në interesin tuaj – por edhe kjo gjë mund të kërkohet nga ju. Sidoqoftë një organizim më i mirë i jetës mund t’ju sjellë përfitime të majme financiare, andaj nuk do të ishte mençuri të hiqni dorë nga obligimet që ju presin. Nëse është nevoja, duhet të jeni më këmbëngulës, por gjithsesi do të dilni fitimtarë dhe do të arrini suksesin e dëshiruar.

Partneri: Gjatë muajit korrik do të jeni disi të izoluar në mendime, dhe kjo gjë mund të mos i pëlqejë partnerit tuaj. Kjo vjen nga ndikimi i Saturnit që ka mbi personalitetin tuaj. Për të shmangur ndonjë keqkuptim, do të nevojiten ca shpjegime para partnerit. Personat e lirë të kësaj shenje duhet të presin një periudhë më të favorshme për takime serioze.


Gaforrja

Karriera: Gjatë muajit korrik do ta keni mbështetjen optimale të yjeve për të përparuar në sferën tuaj profesionale, dhe që duart t’ua të marrin etiketimin e “duarve të arta” në çfarëdo pune që angazhoheni. Po ashtu periudha në vijim është e përkryer që ju ta jetësoni ndonjë ide që keni, edhe pse fillimisht mund të duket sikur ajo nuk premton shumë. Me një lëvizje të mençur mund të bëni që e ardhmja juaj profesionale të ndryshojë 100%. Po ashtu fat do të keni edhe në sfera të reja të biznesit, qoftë edhe në lojëra të fatit.

Partneri: Ndryshimi i personalitetit tuaj gjatë këtij muaji mund të jetë shumë i befasishëm për partnerin, i cili nuk mund të besojë se ju mund të shndërroheni nga një personalitet në tjetrin – dhe atë gjithnjë e më joshës. Pra, periudha në vijim mund t’ju ofrojë përmbushjen e dëshirave në dashuri. Vetëm kujdes që mos ta bëni xheloz partnerin. Personat e lirë prej datës 9 korrik do të kenë mundësi të mira për ta njoftuar personin e jetës.


Luani

Karriera: Në këtë periudhë duhet të jeni më aktiv, në mënyrë që të dilni triumfues para konkurrentëve. Edhe pse jeni bashkëpunëtor shumë i mirë dhe i kuptoni nevojat e të tjerëve, gjatë këtij muaji duhet të luftoni për pozitën tuaj – mos lejoni që kolegët t’i marrin meritat tuaja, pasi që jeni angazhuar dhe keni punuar shumë për atë pozitë. Mirëpo nuk është nevoja që punëdhënësit t’i lajkatoheni pasi që ai e din mirë se kush ka qenë më i angazhuar dhe kush e meriton të ngritet në detyrë.

Partneri: Muaji i befasive – pra, mos bëni kurrfarë planeve paraprake pasi që do t’ju realizohen të gjitha dëshirat. Andaj, duhet të jeni më syhapur dhe kujdesuni që partnerit t’i kushtoni vëmendje, dhe do të zbuloni gjëra që kurrë më parë nuk iu keni besuar. Personat e lirë janë të prirë për aventura gjatë këtij muaji, mirëpo nga data 20 korrik mund të ndodheni para personit me të cilin do ta kaloni tërë jetën së bashku.


Virgjëresha

Karriera: Çdo detyrë e përfundoni në mënyrë korrekte dhe profesionale, çdo angazhim i juaji ju dërgon drejt përfitimit material dhe jeni në kulmin e karrierës. Edhe pse ndonjëherë jeni neglizhentë ndaj obligimeve, mirëpo keni shumë fat dhe punët ju shkojnë si është më së miri- andaj edhe gjatë këtij muaji yjet ju dhurojnë shumë fat që t’i arrini qëllimet tuaja dhe të avancoheni në punë, e sidomos nga data 20 korrik duhet të jeni shumë më aktivë dhe t’i tregoni aftësitë tuaja profesionale.

Partneri: Përqendrohuni më shumë në jetën private dhe kaloni më shumë kohë me partnerin. Në këtë mënyrë do të arrini harmoninë e dëshiruar në jetën tuaj bashkëshortore. Personat e lirë nuk do të jenë ende të gatshëm për një lidhje serioze. Përkundër faktit se do të kenë nevojë për shoqëri, shumë shpejt do të bien në kundërshtim me dëshirat e partnerit eventual.


Peshorja

Karriera: Aftësia juaj për t’u prezantuar në punë, do të dalë në pah gjatë këtij muaji. Gjithashtu do të keni nevojë të dëshmoheni para bashkëpunëtorëve tuaj – kështu që do të ishte mirë nëse do të mund të gjeni një balancë kohore për jetën private dhe atë profesionale. Strategjia më e mirë do të ishte që fillimisht të hartoni një orar të angazhimeve dhe pastaj të zbuloni se ku gjenden problemet që ndikojnë në ngecjen tuaj. Vetëm në këtë mënyrë mund t’i shmangeni bllokimit në punë.

Partneri: Jeta juaj bashkëshortore në muajin korrik do të jetë tema kryesore gjatë muhabetit me partnerin. Ju do të jeni të mendimit se nevojiten disa ndryshime për të arritur lumturinë dhe harmoninë e kërkuar. Një pushim së bashku me partnerin do të ishte i mirëseardhur në këtë kohë. Personat e lirë të kësaj shenje do të mund të njoftohen me njerëz interesantë, nëse shkojnë diku për pushime. Mirëpo fillimisht duhet të sigurojnë më shumë kohë të lirë për veten e tyre.


Akrepi

Karriera: Gjatë muajit korrik do të keni një stabilitet profesional – pra, puna do të ecën pa befasi të mëdha. Obligimet e shumta, që nganjëherë për ju mund të duken të tepërta, do t’ua sigurojnë vlerësimin e duhur në kolektiv. Në këtë periudhë kohore mos prisni ngritje në pozitë, por mbajeni një ritëm mesatar, pa stres, i cili do t’iu mundësojë të përparoni më vonë. Një ritëm i tillë i punës nuk do të lejojë që kundërshtarët tuaj të kenë mundësi t’ju përgojojnë, ndërsa nuk do të lejoni as t’ju mashtrojnë lehtë me lajka.

Partneri: Gjatë periudhës në vijim priten impulse dhe përvoja të reja në dashuri. Do ta keni freskinë e nevojshme për të kërkuar gjëra të reja bashkë me partnerin tuaj. Një ide e mirë do të ishte një pushim i përbashkët me partnerin, në ndonjë vend ku nuk keni qenë më parë. Thënë ndryshe, muaji korrik mund të jetë i paharrueshëm në sferën e dashurisë. Edhe për personat e lirë ky muaj do të jetë ideal për ta gjetur partnerin e jetës.


Shigjetari

Karriera: Ana profesionale do ta dominojë në tërësi jetën tuaj gjatë muajit korrik. Do t’ju hapen rrugë për përparim të dukshëm në aspektin profesional, mirëpo duhet të jeni më të angazhuar dhe më të kujdesshëm në punë. Kujdes të shtuar kërkohet në situatat kur kërkohet mendimi juaj – që do të jetë një shans ideale të dëshmoheni sa vleni. Me një fjalë, duhet t’i shfrytëzoni rastet që do t’ju jepen gjatë muajit korrik për të përparuar në profesionin tuaj.

Partneri: Ju tashmë jeni person familjar, andaj ju nevojitet afërsia bashkëshortore për t’u ndier mirë dhe për të gjetur rahatinë në “çerdhen” tuaj. Pra, duhet të kaloni sa më shumë kohë me të dashurin tuaj. Personat e lirë të kësaj shenje nuk duhet të mbyllen në vete, por duhet të kërkojnë më shumë kontakte, në mënyrë që ta gjejnë personin e zemrës, i cili do t’i bënte të lumtur.


Bricjapi

Karriera: Duket se në profesionin tuaj çdo gjë funksionon për mrekulli. Ju do të rrezatoni energji pozitive, ndërsa nuk do mend që mund të keni edhe përfitime të mira financiare gjatë këtij muaji. Do të merrni shumë lëvdata për punën që do ta kryeni gjë që do të sjellë më shumë respekt për ju brenda kolektivit. Në këtë mënyrë do të keni nevojë të dëshmoheni në konkurrencë, sepse do të jeni më superior ndaj të tjerëve.

Partneri: Dëshira juaj është të ndryshoni diçka në jetën tuaj sentimentale, përkundër faktit se lidhja me partnerin po funksionon për mrekulli. Në njëfarë mënyrë, do të synoni një ndryshim që do ta bënte jetën tuaj më argëtuese dhe në këtë mënyrë do të mund të shmangni njëtrajtshmërinë që ju përcjellë që një kohë të gjatë. Sido që të jetë, mos hezitoni të niseni në këtë drejtim sepse do ta keni mbështetjen e yjeve. Personat e lirë të kësaj shenje duhet të lejojnë që dashuria të nisë dhe të zhvillohet në mënyrë natyrale – dhe në këtë mënyrë të binden nëse e kanë takuar personin e vërtetë.


Ujori

Karriera: Në punë jeni duke e ndjekur instinktin e përfitimit, dhe jo atë të suksesit respektivisht mundësisë për ngritje në karrierë, por me xhepa bosh. Kjo gjë do të vërehet edhe në muajin korrik, e sidomos prej datës 5 deri më 13 korrik, kur do të keni mundësi të mira për përfitime financiare. Është ky një rast i mirë që ju të analizoni pozitën ku ndodheni, dhe të realizoni përfitimet financiare që keni ëndërruar, duke u kujdesur njëkohësisht edhe për karrierën tuaj.

Partneri: Gjatë këtij muaji do të jeni të kapluar në tërësi nga ndjenjat e dashurisë. Pra, do të keni një periudhë dashurie pa pengesa – kur do të mund të përjetoni çaste të lumtura me partnerin tuaj. Personat e lirë të kësaj shenje duhet t’i shfaqin ndjenjat e tyre pa u hamendur ndaj partnerëve potencialë, për të cilët janë të interesuar.


Peshqit

Karriera: Gjatë muajit të kaluar në bazë të pozicionit të yjeve keni pasur një qetësi në karrierë, mirëpo stuhia mund t’ju përfshijë gjatë muajit korrik. Megjithatë, nuk ka vend për brenga, sepse ndryshimet pritet të jenë pozitive. Prej datës 18 deri më 25 korrik duhet të dëshmoheni me angazhimin tuaj. Në këtë mënyrë do të jeni në qendër të vëmendjes dhe më afër realizimit të synimit tuaj. Po ashtu mund të ketë lëvizje pozitive edhe në aspektin financiar. Sidomos, nëse keni planifikuar ndonjë investim, atëherë kjo është kohë ideale për një gjë të tillë.

Partneri: Gjatë muajit korrik do të keni mundësi të forconi bashkëjetesën tuaj. Në këtë mënyrë do ta keni më lehtë të planifikoni një ardhmëri me të mirë të përbashkët. Ndërkaq, personat e lirë të kësaj shenje do ta kenë mundësinë e mirë për ta njoftuar një partner të ri, apo edhe të forcojnë lidhjen e tyre që sapo ka filluar.

HermesNews - ©2010

Dërgo me email | Stampo artikullin | Artikulli është lexuar 451 here