Video

"LE MONDE"

- MBRETËRIA E BASHKUAR PËRBALLET ME RECESIONIN MË TË THELLË QË PREJ VITIT 1958
GDP-ja në Britaninë e Madhe ka rënë me 2,4 për qind në tremujorin e parë të vitit 2009. Gjatë një viti, ajo ka rënë me 4,9 për qind.

- GJYKATA KUSHTETUESE GJERMANE PEZULLON PROCESIN E RATIFIKIMIT TË TRAKTATIT TË LISBONËS
Ky vendim pritet të ketë një pasoja të kufizuara: parlamenti pritet të votojë shpejt një ligj në përputhje me vendimin e Gjykatës Kushtetuese.

- KOREJA E JUGUT E SIGURT SE PHENIANI PO PËRPARON NË PROGRAMIN E TIJ BËRTHAMOR
Koreja e Veriut duket se po vë në jetë kërcënimet lidhur me zhvillimin e një programi bërthamor ushtarak me bazë uraniumin e pasuruar, thekson ministri koreanojugor i Mbrojtjes.

"LE FIGARO"

- SUEDIA KËRKON NJË PRESIDENCË "TË KONTROLLUAR" NGA BE-ja
Presidenca gjashtëmujore e Suedisë, që fillon sot, pritet të dominohet nga lufta kundër ngrohjes së klimës dhe mobilizimi kundër papunësisë.

- KËSHILLAT "BOMBË" TË SARKOZY NDAJ NETANJAHUT
Presidenti francez mendohet ta ketë këshilluar kryeministrin izraelit të distancohet nga ministri i tij i Jashtëm ultranacionalist. Informacione që shkaktojnë një "stuhi" në Izrael.

- KATASTROFA E AVIONIT A310: VETËM NJË I SHPËTUAR DERI TANI
Një vajzë 14 vjeçe është gjetur e gjallë, pas rrëzimit të avionit
Airbus të kompanisë jemenase në afërsi të brigjeve të Komoreve me 153 pasagjerë në bord, 66 prej të cilëve francezë.

- ITALI: SHPËRTHEN NJË TREN QË TRANSPORTONTE GAZ , 16 VIKTIMA
Një tren mallrash që përfshinte disa çisterna gazi doli nga shinat në veri të vendit duke shkaktuar një shpërthim të madh, një zjarr dhe shembjen e disa ndërtesave. Bilanci, ende i përkohshëm, është 36 të plagosur, 14 prej të cilëve rëndë.

"IL CORRIERE DELLA SERA"

- KATASTROFË NË VIAREXHO, VDESIN DY FËMIJË, 16 NUMRI I VIKTIMAVE
Shpërthen një tren që transportonte gaz duke shkatërruar dy ndërtesa dhe dëmtuar shumë të tjera. Mes viktimave, bilanci i përkohshëm i të cilëve është 16, dy janë fëmijë.

- HONDURAS, NDËRHYN OKB-JA: PRESIDENTI TË KTHEHET NË VENDIN E TIJ
Të 192 shtetet anëtare të OKB-së kërkuan të mos njihet asnjë qeveri në Honduras përveç asaj të presidentit të larguar Manuel Zelaya.