6/23/2009 10:28:31 AM

Bakojanis mesazh Turqisë: 'Zbatoni protokollin për emigrantët e paligjshëm'

Në një intervistë dhënë në kanalin televiziv turk shefja e diplomacisë së jashtme greke z. Bakojanis ka theksuar edhe njëhere se është e nevojshme zbatimi i marrëveshjes dy palëshe.

Nga Shpëtim Zintziria
23 Qershor 2009

ATHINE (GREQI) - Shefia e diplomacisë së Jashtëme z. Dora Bakojanis i ka kërkuar Turqisë që të bashkëpunojë për zbatimin e marrëveshjes lidhur me emigrantët e paligjshëm.

Në një intervistë dhënë në kanalin televiziv turk shefja e diplomacisë së jashtme greke z. Bakojanis ka theksuar edhe njëhere se është e nevojshme zbatimi i marrëveshjes dy palëshe. “Dua të shpresoj se me ardhjen e z. Erdogan në Greqi na jepet rasti edhe njëherë për të biseduar dhe rënë dakord, pasi jemi të detyruar që të ruajmë marrëveshjen, për të luftuar grupet e trafikimit klandestin, për të dërguar një mesazh se nuk ka asnjë mundësi të pranojmë emigrantë të paligjshëm”...

Rreth 150 mijë emigrantë të paligjshëm të ardhur nga brigjet turke janë futur në tokën greke në tre vitet e fundit, duke bërë që marrëdhëniet ndërmjet dy vendeve të tensionohen.

Turqia vitin e kaluar ka pranuar për riatdhesim 1940 emigrantë të ekstraduar nga Greqia, në një kohë kur nga ky vend kanë ardhur mbi 40 mijë emigrantë. Për këtë Greqia në takimin e fundit të krerëve të 27 të vendeve të BE-se, në Bruksel ka kërkuar ndihmë ushtarake të misionit FRONTEKS, por edhe ndihmë ekonomike, pasi është një nga vendet më të rënduara me emigrantë të paligjshëm. Për këtë javën tjetër mberrin në Athinë misionari Zhak Baro për të parë nga afër këtë problem.

Dërgo me email | Stampo artikullin | Artikulli është lexuar 149 here