Video

TIRANË - Në këtë atmosferë mitingjesh, mbledhjesh, me ngjyra e flamuj nga të gjitha llojet, është e pamundur të rrish indiferent ndaj prezantimit të kandidatëve të ndryshëm për në fushatën elektorale, të liderve të partive të ndryshme si dhe më së shumti të ndjekësve nëpër mitingje...simpatizantët e shumtë të këtyre fushatave.

Midis ngjyrave të flamurëve e banderolave; blu, rozë, të kuq, të gjelbër...dallojnë edhe ngjyrat e politikaneve tane ...veshja dhe prezantimi i tyre i përditshëm ne takim me elektoratin që gjithmonë e me tepër po bëhet i njëjtë me atë që e voton duke shkurtuar distancat...
Imazhi i një lideri sot ka filluar të ndryshojë duke pesuar dhe ai ndryshimet që pëson gjithe shoqëria.

Ai vendos nje komunikim me zgjedhesit e vet dhe ky realizohet nepermjet disa elementeve, nder te cilet edhe një komunikim i fshehtë që nuk ndjehet, por vepron po aq fuqishëm sa dhe fjala edhe pse ndodh pavetëdijshëm -- komunikimi i veshjes.

Për ata që dinë dhe njohin gjuhën e simboleve sheh një larmi paraqitjeje nga njëra mbledhje në tjetrën, nga njëri miting tek tjetri. Figura e një lideri sot në botë shihet si përcjellës i fuqisë, pushtetit, besimit.

Ai dhe në imazhin e tij duhet të krijojë këtë besueshmëri ne menyre qe stili, veshja e realizuar, modelimi, prerja duhet t`i përgjigjet këtij qellimi, sigurisht duke mos neglizhuar personalitetin dhe karakteristikat individuale. Jemi mësuar që të shohim lider në veshje formale, me një stil klasik të përcaktuar që në fillim të shekullit `20, dhe kjo për më tepër ka funksionuar në Shqipëri ndër vite, shumë më e theksuar para viteve `90.

Por sot, vihen re disa ndryshime; keta personalitete ndonjëherë braktisin gravatat, xhaketat dhe ambientet e mbyllura duke i dhene edhe portretit një clirësi dhe një shkujdesje për të zbutur distancën që i mban larg nga njerëzit dhe kjo është një formë emancipimi.

Përvec këtyre që janë më të dukshme kanë filluar të largohen nga “bardh e zi”-ja e perhershme, kemishë e bardhë, pantallona e xhaketë e zezë, ose gri e errët edhe pse ata të një brezi më të rritur vazhdojnë të ndjekin këtë rryme.

Ka prezantime ku i largohen kontrastit klasik, për të sjellë kontraste më te zbutura. Gjithsesi, ndonjëherë për meshkujt, edhe pse mund të punojnë me ndonjë specialist në përcaktimin e veshjes së tyre, gjithmonë mbetet dicka për t`u rregulluar, sepse edhe krijimtaria është e limituar për ta, dhe nuk dalin dot jashte nje kuadrati.

Rama dhe Berisha respektojne rregullat e lojes

Sa i përket figurave të njohura të politikës vihet re një respektim i rregullave në veshje dhe sipas situatave diku me të clirët në një mjedis te hapur, diku me te ngurtësuar ne nje takim me te organizuar, por ne te dy rastet dine te bejne vlerësimin e duhur te situates dhe kjo per te dy lideret kryesore Rama -Berisha.

Meta sportiv guxon me ngjyrat dhe përzien stilet

Ka edhe nga ata lider qe nuk i njohin fare zyrtarizmat por edhe kjo nuk i ben me pak popullore, si ne rastin e Metes qe ne stilin e veshjes mbetet perhere sportiv, guxon me ngjyrat ndonjehere dhe duke i përzier stilet.

Sazan Guri, surpriza e fushates

Ndonjë prej kandidateve zgjedh të luajë me ngjyrat e ngrohta gjë që e afron me publikun, duke hequr dorë nga bluja, grija e zeza dhe zgjedh për çudi një lloj të verdhë më të gjelbër e kombinuar me të bardhë që vjen e papritur per nje fushate elektorale, por gjithsesi eshte kendshem, sepse rrezon nje largesi mes zgjedhesit dhe te zgjedhurit duke e zbritur nga podiumi dhe duke e afruar me pranë. Një zgjidhje e tille do te ishte mire gjithmonë për ata që kanë tipare të theksuara për të zbutur portretin dhe për të ekulibruar situaten...

Te rinjte sportive, por jo me ndryshe se te vjetrit

Ka një ndryshim midis kandidateve me te rinj ne politike dhe atyre me me pervoje...ata qe sapo jane integruar kane nje prezantim me pa konturime....me nje veshje qe duan te japin nje pamje me sportive, me rinore per te qene prane nje brezi me te ri zgjedhësish, nga edhe vijne, por nuk eshte se sjellin dicka me shume se kaq ... menga e përveshur, pantallonat xhins apo jeleku nuk ka ndonje natyrshmëri apo afrimitet me shume...

Secili prej tyre ka krijuar nje lloj fizionomije me te cilen arrin te prezantohet dhe te imponohet edhe pse kur kete rol nuk e luan veshja mund ta luajne faktore te tjere ndihmes sic jane lëvizjet, mimika etj...

Femrat bejne diferencen

Ndërsa për kandidatet femra është më ndryshe... Ato jane treguar më të kujdesshme ne këtë fushatë, pasi pr nga vete larmia e veshjeve dhe impenjimi i gjere i modes për to, kanë më teper mundësi për t`u prezantuar ne forma te ndryshme dhe gjithmonë ne nje nivel te kenaqshem.

Ndër vite kemi patur zonja klasike tek te cilat mbizotëronte klasikja, në përzgjedhjen e ngjyrave, në modelimin, dhe në simbolikën e tyre, zonja që përfaqësonin nënën, gruan...por larg ikonës së modës.

Edhe pse tek-tuk ka patur ndonjë prirje për të dalë jashtë formalitetit, kanë qenë shumë të rralla dhe jo fort të ndjeshme. Jozefina Topalli vjen me e sofistikuar ne veshje dhe prerje, spikat përdorimi i materialeve te shtrenjta, duke bërë ndërhyrje te vogla ne modelim, por vazhdon të mbetet ne stilin klasik dhe pa sjellë risi.

Mimi Kodheli gjithmonë me nje pamje teper te rregullt te nje gruaje te forte dhe te vendosur. Majlinda Bregu edhe pse nje ndjekëse e modes ben gjetjen e duhur duke percjelle imazhin e nje gruaje moderne, por jo me pak te vendosur dhe kembengulese.

Tek ajo shihet një tendencë e dukshme për të sjellë diçka të re, në mënyrën e përzgjedhjes së ngjyrave herë duke krijuar kontraste, herë duke ruajtur një monokromë në reliev, të përdorimit të materialeve të thjeshta duke eliminuar ndonjëherë edhe një xhaketë të një stili të vjeteruar.

Kandidatja Erisa Xhixho vjen më “fashion” ne kete fushate elektorale duke sjelle tendencat e reja te modes dhe nje fryme krejtesiht te re qe perkojne sigurisht dhe me preferencat e saj, por spikat ne përdorimin e materialeve dhe elementeve dekorative elegant dhe aspak ekstravagante, një përzgjedhje të zgjuar dhe jo të tepruar, duke mbetur gjithmonë shik dhe duke vijuar një prirje futuriste. Por, nuk mbeten pas dhe kandidatet e tjera femra te cilat pa diskutim do sjellin nje ere te re te gruas politikane si Juliana Hoxha, Erla Mehilli, Vasilika Hysi etj.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.