Video

3 Qershor 2009
info@hermesnews.org

TIRANË - Numri i vendeve të prekura nga virusi A (H1N1) ka arritur të mërkurën në 66, nga 53 që ishte ky numër në fund të muajit maj (sipas raportimit të Organizatës Botërore të Shëndetësisë të datës 29 maj).

Bazuar në të dhënat e OBSH-së, sipas raportimit të fundit të OBSH-së (3 qershor), numri i rasteve të prekura me këtë virus është 19.273 (nga 15.510 në 29 maj). Nga këto, 117 janë raste me vdekje, duke perfshirë dhe 2 raste vdekje të reja.

Meksika, vendi ku dhe u shfaq rasti i parë me virusin A (H1N1), është dhe më i prekuri, me 97 të vdekur. Numri i të prekurve në Meksikë nga ky virus në total është 5029, ndërsa nuk ka raste te reja.

Shtetet e Bashkuara të Amerikës kanë konfirmuar deri tani 10.053 raste në total, nga të cilat 17 vdekje. Për rajonin e Ballkanit të dhënat e fundit nga OBSH flasin për 5 raste të konfirmuara me virusin A (H1N1), në Greqi, një prej të cilëve rast i ri.

Shqipëria nuk është prekur nga ky virus, ndërkohë që janë marrë të gjitha masat shëndetësore për përballimin e ndonjë situate të mundshme, në zbatim të rekomandimeve të OBSH.