Video

18 Prill 2009
info@hermesnews.org

Deri ne ditët tona ka mbërritur trashëgimia politiko-kulturore e Greqisë së Lashtë. Që tashmë është bërë pronë e Gjithësisë Njerëzore. E themi kështu (madje e cilësojmë me gërma kapitale), sikurse themi edhe për thesarin e trashëgimisë të popullit latin....

E njëjta gjë, - fatërisht- ndodhi edhe me thesarin e Greqisë së Lashtë me zhdukjen (fizike) të popullit latin , derisa në Greqinë e sotme , gjithë trashëgimia politiko-kulturore e Greqisë së Lashtë simbolizohet ( e thjeshtëzuar) në Akropolin e sotëm.

Ngaqë, disa dhjetëra metra më larg Akropolit, në parlamentin e Greqisë së sotme, ajo retorikë e Demokracisë së Greqisë së Lashtë, sot autopolitizohet për të hetuar përditë e përditë skandalet ekonomike të politikanëve të sotëm grekë.

Kaq të lodhur nga skandalet e përditshme (ekonomike) të politikanëve të sotëm është vetë populli grek , saqë në votimin mbarëpopullor për të përzgjedhur personalitetin më të madh kombëtar (te emisioni i tv SKAI O MEGALITEROS ELINAS) në 10 personalitete, të shumtët janë Aleksandros i Maqedonisë, Platonas, Sokratis, Periklis.

Pra, sot populli grek voton si personalitete më të mëdha të kombit grek thuajse të gjithë filozofët e Greqisë së Lashtë.

Derisa sot....

Personalitetet politike të Greqisë së sotme janë në bangën e hetusisë për skandale ekonomike.....Derisa të vejn turp me vetveten , sa mund të ndihesh krenar për historinë e së kaluarës?

Kjo është ndjesia e sotme që përjetojmë në Greqinë e ditëve tona. Në Greqinë e hetimeve të komisioneve hetimore të parlamentit grek.Dëgjoni, lexoni edhe broshurat e agjencive të lajmeve greke. Fund e krye kanë vetëm një lumë fjalësh.

E mbushi apo nuk e mbushi xhepin me qindramijëra evro rrushfet ministri i Karamanlis? Po skandalet politiko-ekonomike të mëparshme, a janë harruar vallë?

Skandalet e bursës ekonomike, të SIEMENS e cila korruptonte të gjithë partitë e politikanët greke, të Monisë Vatopedhisë ku akuzohen drejtpërdrejt 4 ministra të qeverisë të Karamanlis, të përgjimit të telefonave të Vodafonit, të korrupsionit të Mevgal ( ku të akuzuarit politikanë u dënuan nga 15 vjet burg me ...kusht) .

Tek e parafundit...

Skandali i Monisë të Vatopedhisë. Ku me vulën e 4 ministrave të Karamanlis një prift arriti të pronësojë gjysmën e territorit të Greqisë së sotme .Në bazën e fermanëve të Perandorisë Osmane...Ju lutem, as mos qeshni nësa lexoni.Nuk është shaka, derisa Drejtësia greke me vulën e saj ligjësoi pronar të gjysmës të territorit të Greqisë së sotme priftin .

Dhe derisa edhe parlamenti grek që e shqyrtoi gjashtë muaj çështjen arriti që të pafaqësojë ...vulat e 4 ministrave grekë. E dini vendimin e parlamentit grek të sotëm? Të katër ministrat e qeverisë të Karamanlis u dëftuan ( unë ua përkthej në kuptimin e gjuhës shqipe) ....idiotë derisa ua hodhën disa ...nëpunës të thjeshtë. Domethënë , ministrat grekë janë të pafajshëm ngaqë si idiotë firmosën shkresat që ua servisën nëpunësat e thjeshtë....

Kaq thjeshtë.... palagur shpëtuan të 4 ministrat e qeverisë të Karamanlis.
Pavarësisht që edhe qytetari më i thjeshtë grek sot ka bindjen që miliona e miliona evro ndërruan thjesht xhepa....

Parlamenti i Greqisë së sotme ato milionat e evrove që ndoshen sot në llogaritë bankare të priftit i cili ka pronësi ( me fermanët e Perandorisë Osmane ) gjysmën e territorit të Greqisë së sotme , nuk guxoi dot që ti hapte.... Nga frika se do të mësonte edhe xhepat që u mbushën....

Nuk e di a është thejsht një simbolizon i aktualizmit edhe historia e Sokratit, i votuar sot nga populli grek si një nga personalitetet më të mëdha kombëtare të Greqisë.

Sokrati , babai i filozofisë botërore , u detyrua që të pijë helmin e vdekjes –sipas vendimin të gjykatës të Athinës së atëhershme- ngaqë u akuzua nga ajka politike e Athinës për filozofinë, krikikat, sarkazmën , ironinë publike që ushtronte ndaj kastës politike.

Edhe populli grek sot , si Sokrati po helmohet. Derisa parlamenti i sotëm grek-si gjykata e Athinës së Lashtësisë- në seancat e pambarimtë me çfarëdo justifikimi banal është kthyer në një lavatriçe e korrupsioneve ekonomike të politikanëve .

Parlamneti i sotëm grek nuk është kuvendi i debatit të politikës më.Është një mekanizëm lavatriçe e skandaleve ekonomike.

Qeveria e sotme e Karamanlis, me 151 deputetë është rob i fajësisë të korrupsionit të deputetit të saj Pavlidhis, i cili me cilësinë e ministrit për të dhënë një tender ku do të vendoste se cili nga bismenmenët do të fitonte tenderin e linjës detare në ishujt e Egjeut, kërkoi dhe mori 100.000 evro.

E kuptoni që po qe se komisioni hetimor (i dyti komision hetimor i parlamentit grek brenda gjashtë muajve të fundit që heton skandalet ekonomike të ministrave të qeverisë të Karamanlis) i parlemntit grek do të pranojë –sikurse dëshmojnë dëshimtarët dhe faktet e pakundërshtueshme- fajësinë e korrupsionin e deputetit dhe ishministrit Pavlidhis, automatikisht rrëzohet qeveria e Karamanlis.

Etja pushtetore e politikanëve sotëm të qeverisë greke a nuk është po ajo smirë e egërsirë pushtetore e ajkës politike të Athinës së Lashtë që për të ruajtur pushtetin e injorancës dënoi me vdekje jo thjesht Sokratin fizikisht?Dënoi me vdekje vetë filozofinë, e nga e cila ndriçonte barazia shoqërore.

Kjo politikë qeveritare (e Karamanlis) që përditë hetohet në komisionet parlamentare mund të krahasohet vetëm me Pavllidhis-tanin....Me shtete që janë akoma në mjegullën e korrupsioneve politiko-ekonomike.

Ja, mbas disa ditëve përsëri në parlamentin grek do të ngrihet komisioni parlamentar i hetimit të korrupsionit ekonomiko-politik të SIEMENS, ku partitë politike greke dhe politikanët grekë kanë pranuar miliona evro si rrushfet ekonomik nga viti 1997-2004 .

E ndërsa gjithë sistemi politik në mbarë botën përditë përpiqet që të gjejë rrugëzgjidhje nga kriza e madhe ekonomike....

Ku kanë krizë ekonomike llogaritë bankare të politikanëve grekë? Derisa kanë kthyer në lavatriçe gjithë sistemin politiko-parlamentar në Greqi që të pjellë vendimin e pafajësisë të politikanëve grekë për shkak të ...idiotizmit politik. ( të mos më keqkuptoni që përdor termin e idiotizmit politik. Ky term gjyqësor u dha nga vetë kryeprokurori i sotëm grek Salidhas ku shfaqësoi ligjërisht ministrat e qeverisë të Karamanlis në skandalin e pronësisë të gjysmës të territorit grek nga Monia e Vatopedhisë ). Unë thjesht e ...ripërtëris cilësimin e idiotizmit të polikanëve grekë si shkalla e vërtetësisë të pafajësisë të tyre politike në korrupsionet ekonomike, sikurse thotë edhe populli ynë.Që kur i zoti therr kaun, ty mbaji bishtin.....