Video

Beqir Sina
BeqirS@aol.com

2 Gusht 2008 - Mediat shqiptare dhe ato lokale në SHBA-së flasin për sukseset e fundit të karateistit kosovar Besim Murati. Karateisti nga Kosova, i cili jeton në New York, prej vitesh së bashku me gruan e tij Leonora Murati, vajzën Lejla Murati (3 vjeçe) dhe vajzën tjetër Hana Murati (18 muajshe), ka vendosur që "t'a mbajë ngritur në shtizën e fitoreve flamurin e Kosovës" shtetit më të ri të botës.

Kampioni i botës , i cili përfaqëson ngjyrat dhe flamurin e Kosovës, në të gjitha aktivitet ndërkombëtare, këtu në SHBA-së, Besim Murati, i ka deklaruar gazetës sonë se ”Kur e shohë se edhe flamuri i Kosovës, tash po valëvitet në mesin e flamujve të huajve, dhe kurë në gjoksin tim, e krah meje qëndrojnë së bashku me flamurin shqiptare edhe ai me emrin Kosova, si shteti më i ri në botë, dhe që për është më i bukuri në Botë, unë s’ka sesi të mos jem tepër i gëzuar. Të ndjehem krenar dhe të mos frymëzohem, për më shumë suksese “. Kështu, që ai edhe këtë fitore i'a ka dedikuar ngjyrave të Kosovës, vendin të cilin ai po e përfaqëson me plot krenari, dinjitet dhe sukses. E tillë ishte edhe gara e fundit e mbajtur në qytetin Syracus, të shtetit të New York, garë kjo, që e kishte nivelin e garës Ndërkombëtare "Internationale" dhe morën pjesë karateistët më të mirë në Amerikë, nga shtetet që e kanë më të zhvilluar në botë, sportin e karatesë, shtete të tilla si: SHBA-Japonia, Kina, Korea, Kanadaja,-Meksiko-Porteriko-Italia-Uzbekistani-etj.

Gara për titullin "Open empire Internationa chapionships", ishte gara ku karatisti kosovar Murati ishte gara e rradhës, ku edhe kësaj here u nderua me çmim edhe shteti më i ri i botës - Kosova, edhe me një sukses tjetër të mirë, duke e mbrojturë edhe titullin e kampionit të botës, në SHBA-së, për herë të tretë në këtë vit 2008, Besim Murati. Duke iu referuar medias lokale që ndoqi garën, mësojmë se karatisti nga Kosova, Besim Murati, "Në garën e Syracus-es, mori pjesë në konkurimet - kata si dhe në luftëra, ku në "Kata" gjoksi i tij u stolis me medaljen e vendit të tretë, atë të bronztë dhe në stilin tjetër "luftë-fight". Murati shpallet kampin bote duke marrë edhe kësaj radhe medalje, e arit dhe një kupë" duke u bërë për të tretën herë me radhë kampion bote në garat që mbahen në SHBA-së, me karateist nga e gjithë bota.. Bëhet e ditur se në stilin japonez "Kata", në kategorinë që mori pjesë edhe Murati nga Kosova, ishin 11 përfaqësues, ku në raundin e dytë duke demonstruar një mjeshtri të shkëlqyer Murati, zhvilloi në finale "dy kata", të parën me "Empy" si dhe të dytën "Onsu" dhe u renditë në vendin e tretë me medaljen e bronzet.

Sakaq, në garën më të rëndësishme "Fight - Luftë", mes tetë garuesve Murati zhvillon "luftëra" të suksesshme, kur një e nga një eliminon tre më të fortët deri sa arrin në krye deri tek finalja, ku "rrëmben" dhe vendos në gjoksin e tij medaljen e artë , Sipas renditjes në vend të parë Besim Murati, në vend të dytë, Carlos Martinez, nga Meksiko në vend të tretë Ryan Wray- nga SHBA dhe në vend të katërt Stew Martonaro, nga Kanadaja. Këta janë edhe fituesit e garës "Open empire Internationa chapionships".

Karateisti kosovar në SHBA-së, Besim Muarti i tha pas garës gazetës sonë, se" Lufta e parë ishte me karatistin e Kanadas, Chris Wray, ku e fitova me rezultatin 7-3,kurse "lufta" e dytë ishte me Ryan Wray e SHBA-së,- edhe kjo u bë një duel i fort ku fitova me rezultatin 6-4, si dhe në finale m’u desh të derdhja më shumë djersë, pasi kundërshtari ishte i fortë dhe nuk ishte fort e lehtë të fitoja dhe të merrja medaljen e arit, por, përvoja dhe eksperienca ime që kam fituar këto vitet e fundit në Amerikë, e bën të veten dhe fitova me rezultat të bukur 9-4." Murati tha se gjatë këtyre garave, "Për fat të mirë nuk kishte ndonjë lëndim të rëndë nga asnjë prej kundërshtareve dhe nga unë. Çka kishte shumë rëndësi që t'i tregojmë botës se jemi ata që dimë të luftojmë në "paqe" dhe të bëjm publikun të na ndjek edhe më tutje." Sipas, Muratit, pasi kur u krye gara, kishte gazetarë të interesuar se nga vija dhe të më urojnë suksesin si dhe ka pas interesim të madh edhe për flamurin e shtetit më të ri të botës - Kosovës, së shpallur e pavarur shtet i lirë e sovranë qysh më 17 shkurt 2008, flamur ky që unë zyrtarisht ua dorëzova organizatorëve dhe flamuri i Kosovës, valon tash edhe në mesin e gjithë flamujve të Botës. Duke folur për këto gara, Murati tregon se :"Në këto gara takova edhe një shqiptarë nga një fshat i Fushë Kosovës, që edhe ai ishte garues shumë i suksesshëm, një 17 vjeçar i cili quhet Flamurë Breznica, dhe jeton në Kanada, qytetin Hamilton. Ai ishte shumë sportist i disiplinuar dhe në këtë kampionat, u stolisë me medalje të bronztë, por ai tregoi një përgatitje të mirë edhe në "fight -luftë" megjithëse nuk mori medalje.

“Unë, tha ai isha në përkrahje të tij, kështu që në tri duele Berzenica, bëri të tregojë disa cilësi shumë interesante.” Kampioni i botës, i cili përfaqëson ngjyrat dhe flamurin e Kosovës, në aktivitet ndërkombëtare, këtu në SHBA-së, Besim Murati, thotë në fund të garës se nuk mund të le pa përmendur edhe ndihmesën e madhe të shqiptarëve të Amerikës. Atyre të cilëve, që në këtë garë morën pjesë deri në sponsorizimin e aktivitetit tim. Ata janë disa bashkatdhetar, biznesmen, dhe adhurues të këtij sporti, të cilët, kanë shprehur dëshirën të më ndihmojnë edhe në të ardhmen. Me këtë rast falënderoj dhe sponsoret që po më bëjnë përkrahjen deri tani të këtyre garave.

Louis Overseas www.louisoverseas.com travel com. -Giovanies Pizza me pronarin Gjergj Dedvukaj -Shitorja private "Mergimtari" me pronarin Flamur Mushkalaj -Burektorja "Dukagjini" me pronarin Marian -Two star Restaurant me pronar Izet Kolena -Restaurant "Mango Tropical" -Agjensia Touristike "Malsia Tour&travel' www.malsiatours.com -Insurance-invesments Sigurime-investime.BKB service Agency.inc me pronarin Pashk Berisha -Kuzhina Shqiptare Restaurant "Gurra Caffe" me pronar Jahje Dedushaj

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.