Video

Laureta Roshi

20 Korrik 2008 - Në Sarandë vazhdon edicioni i 9/të i Festivalit Ndërkombëtar të Teatrit, "Butrinti 2000". Pas suksesit te Trupes se Teatri Kombetar te Shqiperise me "Trojanet" kanë interpretuar aktorë të teatrit Kombëtar të Nishit Serbi, komedine "Dundo Maroje" nga Irfan Mensur.

Mbrëmja e dytë e festivalit teatror vijoi në Butrint me shfaqjen e komedisë "Dundo Maroje" shkruar nga Irfan Mensur, me regji të Irfan Mensur, interpretuar nga Dejan Cimcilovic, Aleksader Krtic, Aleksander Mihalovic, Mirljub Nedovic, Nada Nedovic etj.

Bota e mirë e njerëzve të thjeshtë dhe bota që ngatërrohet nga magjistarët që drejtojnë vendin, ishte boshti ku vërshoi humori i komedisë "Dundo Maroje". "Dundo Maroje", nje nga personazhet e komedisë është një personazh që e gjen jo vetëm në një grup peshkatarësh të Dubrovnikut por edhe në njëe grup peshkatarësh në Sarandë, pasi bota ballkanase një është, me problematikate ngjajshme të shoqërive.

Paraja, hipokrizia për ta patur atë, dhe ndruyshimi i natyrës njerëzore përballë fuqisë së saj ku natyrisht ngatërrohen ndjenjat dhe dialogu para dashuri krijon situata mes personazheve.

Gjatë konferencës për shtyp pas shfaqjes, aktorët serbë pohuan se komedia u ndërtua mbi bazën e një shfaqjeje që shfaqet, pra ne miniaturë aktorët në skenë ndërtojnë një shfaqje ku përcillet humori i aktrimit dhe paradokset e situatave.

Ne skenën antike të Butrintit, nën titrat e përkthimit të gjuhës serbe vërshoi harmonia e lojës aktoreske përgjatë një shfaqjeje në qiell të hapur, nën hënën e plotë të fund korrikut.

Fjala, muzika, lëvizjet, të ndërthurura mjeshtërisht nga regjisori krijuan një ansambël uniform, ku shpesh publiku humbiste titrat e përkthimit, duke ndjekur lopjen e pantonimës.

"Faleminderit që na ftuat, skena e Butrintit na bëri të inspirojmë më fort. Që kurt e pamë, duke punuar për skenografinë, na mbeti ne mendje detaji se muret antike kishin një ngjyrë me skenografinë e ideuar për skenën. Na ndihmoi shumë akustika edhe natyrisht publiku, i ngjajshëm me publikun serbë" pohoi pas shfaqjes, Dejan Cimcilovic.

"Na kishin thënë kolegët tanë që kanë qënë në edicionet e tjera se këtu është bukur dhe vërtet u ndihem mirë si në Butrint dhe në Sarandë, madje natën e mbrëmshme pas shfaqjes e kaluam deri në të gdhirë em miqtë tanë nha Saranda", shtoi aktori.

Aktorët e Nishit kanë përfunduar një pjesë Akademinë e Arteve të Bukura në Prishtinë, kanë marrdhënie miqësore me kolegët shqiptarë, vecanërisht me Enver Petrovcin. "Ne në Ballkan jemi si një familje, dhe me kulturën mund të lidhemi më fort", pohoi aktori Aleksander Krstic.

Per aktorin Mirush Kabashi, kolegët serbë kishin një mimikë profesionalisht të arritur si ansambël. Teatri i Nishit, prej 20 vitesh teatër, shënon një ndërthurje të aktrimit nga dy shkolla, shkollës ruse dhe angleze, të teksnikës dhe ndjenjës. Sipas miqve serbë, në premierat e tyrte dominojnë pjesët kombëtare dhe klasike. Ne edicionet e mëparshme trupat serbe janë paraqitur me "Antigonën", "Shtrëngatën" etj.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.