Video

Ergys Kavaja/ Shkoder
ergyskavaja@gmail.com

16 Korrik 2008 - Mali i Taraboshit është përfshirë nga flakët e zjarrit. Ka qene ora e 18 e 30 e dites se shtune kur ne malin e taraboshit ka nisur te
perhapet nje zjarr i cili i ndihmuar edhe nga era eshte ka shkrumbuar afro 1 ha e gjysem pyje. Menjehere ne vendngjarje kane shkuar efektivet e drejtorise se sherbimit pyjor te cilet kane lokalizuar vatren e zjarrit dhe kane bere te mundur shuarjen e tij.

Afro 16 efektive te drejtorise se sherbimit pyjor te ndihmuar edhe nga banoret te cilet mbledhin sherbele kane luftuar me flaket e zjarrit per disa
ore duke bere te mundur edhe izolimin e vatres se zjarrit nga pjesa tjeter. Nderkohe menjëherë makinat e zjarrfikësve kanë shkuar në vendin e ngjarjes për të shuar flakët e zjarrit.

Gjatë rrugës ata kanë hasur vështirësi në ngjitje për shkak të terrenit të vështirë dhe nuk kane mundur ti afrohen zjarrit. Vatra e zjarrit per shkak te thatesires se madhe te shoqeruar edhe me temperatuara te larta, eshte perhapur me shpjetesi ne shkurret dhe pishat e ketij mali.

Ende nuk dihen shkaqet e renies se ketij zjarri por mendohet se behet fjale per nje pakujdesi te mbledhesve te sherbeles. Ne kete zone operojne nje
numer i konsiderueshem banoresh te cilet mbledhin sherbele por ndonje pakujdesi e tyre mund te kete shkaktuar edhe djegien e 1 ha e gjysem pyjeve. Nderkohe, qe nje grup hetimor po punon per zbardhjen e rrethanave te renies se zjarrit.

Qe prej fillimit te sezonit te veres ky eshte zjarri i pare qe bie ne pyjet e rrethit te Shkodres. Nga efekti i piromanisë në stinën e nxehtë gjate vitit 2007 jane rregjistruar plot 1036 vatra zjarri, në pyje dhe kullota nga njerëz të papërgjegjshëm. Sipas burimeve zyrtare në Ministrinë e Mjedisit, Pyjeve dhe Administrimit të Ujërave, bëhej e ditur se vlerësimi aktual i situatës së dëmeve te shkaktuar gjate stines se veres gjate vitit 2007 ishtë llogaritur në shifrat e 787 milionë lekëve të reja, ose rreth 8 milionë dollarëve.

Ky bilanc zjarresh, që nuk kurseu asnjë territor të gjelbër të vendit nga veriu në jug dhe nga lindja në perëndim, numëronte rreth 1036 raste zjarresh, ku 980 prej tyre përfshinë kurorat e pyjeve të larta, që nga specialistët konsideroheshin si më të vështirat për t'u rikuperuar. Ndërkohë që numri i zjarreve në kullota arriti në 56 të tilla, në bilancin e bërë për këtë situatë nuk ka munguar as sipërfaqja e gjelbër e dhënë me bollëk nga natyra, por e shkrumbuar çmendurisht nga dora e njeriut.

Ishin djegur plot 1100 hektarë pyje të larta, si dhe 3050 hektarë pyje të ulëta dhe shkurre. Por nuk kishin munguar as personat-piromanë, që përfunduan në duart e organeve të rendit dhe ligjit. Edhe ata ishin konsideruar pjesë e këtyre statistikave, si një fatkeqësi natyrore gjenetike. Kështu, përfaqësuesit e ministrisë bënin të ditur se ishin plot 180 raste zjarrvënësish që ishin dërguar pranë organeve të prokurorisë për t'u ndjekur më pas nga organet e drejtësisë.

Shkak i zjarrvënieve në zona të ndryshme të vendit ishin bërë konfliktet mes
personave të ndryshëm, inatet personale, madje edhe kureshtitë për të
parë avionët që tentonin shuarjen e tyre. Ndërkohë që ky fenomen i zjarrvënies ka filluar të intensifikohet vit pas viti në vendin tonë e megjithate mbetet shpresa qe gjate kesaj vere te mosperseritet panorama e vitit te kaluar ku bilancet ishin negative per te gjithe.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.