Video

info@hermesnews.org

30 Qershor 2008 - Kemi kohë që dëgjojmë rënkime, që si uragan vijnë nga thellësit e gjirit të Vlorës .Deti proteston me dallgë të tërbuara ,njerëzit me fjalë të zemëruara.

Vlora vendi me pasuri prrallore,natyrore.Sa hapen portat te ura e Vjosës për të hyrë në Vlorë mrekullohesh nga monumentet natyrore,që si rrallëkush i ka të vendosura në rresht si ushtar me uniformë të gjelbërt. Nga grykëderdhja e Vjosës takon dorën me bukuri befasuese që shkel pragun e Vlorës të natyrës bujare , duke filluar nga rezervati pyjorë i Pishë Poros dhe ecën në një mjedis tundues, rrethues nga ishuj e gadishuj, laguna e manastire, që s’të lëshojnë të ikësh vullnetarisht.

Rruga bregdetare e Vlorës që pushon në Qeparo të josh me plazhet e virgjëra , me lagunat e pasura të Nartës, të Dukatit, manastiret si ai i Zvërnecit , shpellat e shkruara me me fjalë latine e Greke, amfiteatrin e Orikumit,gjeoparkun e Llogarait, plazhet e përkëdhelura të Dhermiut, Himarës ,Qeparoit, që kundërmojnë nga aroma e portokalleve e luleve të maleve, që u rrinë mbi krye fshatrave si kurorë mbretërore.

Vlora një rreth që laget nga dy dete , deti Jon dhe ai Adriatik , që laget nga shumë lumenj e që popullohet nga një faun dhe florë shumë e pasur. Eshtë i vetmi vend në Shqipëri që njërën faqe e lanë me ujët e detit Jon dhe tjetrën me ujin e Adriatikut . Këtë dhunti të natyrës, duhet ta ruajmë e trajtojmë si një pasuri të çmuar kombëtare.

Ajo s’është pronë e asnjë politikani e asnjë qeverie e asnjë biznesmeni që do ta përvetësojë. Ajo është pronë e të gjithë Shqiptarëve, e atyre që janë sot dhe e atyre që do të vijnë në të ardhmen. Mos biem pre e interesave të ngushta të spekullatorëve që shfrytëzojnë konjukturat politike. Duhet më shumë vëmëndje,më shumë nuhatje,më shumë ndershmëri, më shumë patriotizëm , më shumë zgjuarsi, që të mos biem në kurthin e skenareve mafioz të përtej Adriatikut , të fqinjëve tanë xhelozë që jua verbon shikimin kjo perlë e mesdheut .

Në rast se ne do të tregojmë pakujdesi , një ditë do të pendohemi për një krim që kemi bërë pa dashje , por që brezat nuk do na i falin .Natyra kjo arqitekte e pazëvëndësueshme , na ka dhënë me bollek elementë natyrorë: duke filluar nga detet, malet, pyjet që nuk i ndërton dot dora e njeriut , qoftë edhe arqitekti më i talentuar, ndaj duhet ti ruajmë me fanatizëm e të bëhemi të përgjegjshëm.

Jo! Blerje te pronave nga te huajt

Në vendet e huaja prona është gjëja më e shtrenjtë . Në Shqipëri prona është gjëja më e lirë. Kjo vjen se ato që bëjnë pazare me pronat nuk ju dhimbsen, se nuk i kanë pronat e tyre .

Pronat që bleu shteti Italian , kur e pushtoi Shqipërinë nga ish pronarët, ishin të shumta në të gjithë vendin .Si kudo edhe në Vlorë ai bleu pronat e Llakatundit , fushën e aviacionit , fabrikën e vajit ( e quajtur distiliria) etj . Këto prona me fitoren e demokracisë në 1991, kaluan pronën e shtetit Shqiptarë. Sot këto prona i kanë marrë ata ish pronar që ja kishin shitur Italianëve. Pra , vajti prona tek i zoti . Vendi ynë, një vend i vogël , me sipërfaqen më të pakët për frymë në Evropë, nuk duhet të shesë tokë të huajve. Toka duhet të jepet me qera .

Le të kujtojmë faktin se rreth 37% e territorit Grek është pronë e Shqiptarëve. Ka shumë Shqiptarë të Korçës , Kolonjës , Gjirokastrës Sarandës e Vlorës etje. që kanë toka në Greqi , por që as nuk bëhet fjalë as për tu a njohur pa le më për tu a dhënë nga qarqet e qeverisë Greke. Çamët, Greku jo vetëm që i përzuri barbarisht nga trojet e tyre , por edhe sot nuk jua njeh dhe nuk ju jep as viza për të vizituar varrezat e të parëve të tyre. Vendosja e AMBOS në Vlorë ka një prapavijë ekonomike që të bënë të dyshosh për afera korruptive ?!.

Me gjithçka ka ndodhur dhe po ndodh në Shqipëri në këto 17 vjet të pluralizmit, të bën të dyshosh për të gjitha. Kompania e Petroliferës, u kontestua fillimisht dhe më vonë gradualisht u amortizua në të gjitha strukturat shtetrore, duke filluar nga Bashkia e qytetit dhe qarku i Vlorës, e deri në organet e larta shtetrore .Të bësh biznes nafte në Vlorë, në mbretërinë e turizmit , është një minim që i bën të ardhmes së atij vendi. Natyrshëm lind pyetja : a mund të bashkëjetoi nafta me ujin e detit ?!... Cili prej tyre ndot njëri- tjetrin ?.

Nafta e nxin ujin e detit , apo uji i detit e nxin naftën . Në këto alternativa duhet të shihet më racionalja, midis humbjes dhe fitimit . Nuk duhet të skllavërohemi nga interesat e çastit , por të shohim interesat e prespektivës . Në vendin e të parëve tanë , nuk jemi kalimtarë , por të përjetshëm në breza. Në rast se e shohim sot Nartën , Himarën, apo gjithë bregdetin të boshatisur, nuk do të jetë e largët dita që emigrantët me kursimet e tyre , do investojnë dhe do ta popullojnë e lulëzojnë atë perlë të vendit, si rrallëkush që mund të shpresojë te të huajt ?

Në demokracitë e zhvilluara pjesmarrja e komunitetit në vendimmarrje, është një e drejtë për çështje madhore, legjitime . Reagimet e komunitetit të Vlorës, organizimi i tyre në aleancën qytetare per mbrojtjen e gjirit të Vlorës, si dhe referendumi popullor, janë element inkluziv të parimeve demokratike . Zëri i komunitetit vëndas duhet dëgjuar dhe alternativat që ata përcjellin duhen vlersuar e marrë në konsideratë për efektshmërinë e tyre . Sa do pak të ndihet influenca e Petroliferës në ndotjen e mjedisit Vlonjat , është një fenomen që duhet të sensibilizoi gjithë organet e vendimarrjes. Argumentat që sillen për leverdinë ekonomike , nuk ka pse të kushtëzohet për tu instaluar në Vlorë , kur ka plot hapsira të tjera më opurtune .

Fakti që insistohet për tu vendosur në Vlorë, na bën të dyshojmë se fqinjët tanë Italianë e Grek, e largojnë nga vetja dhe e bien në gjirin e Vlorës , si vendi me resurset më të mëdha turistike, për ta paralizuar atë si konkurent . Mjafton një ndotje e rastit nga një pakujdesi, që të ngordhin gjithë gjallesat dhe të varfërohet mikroflora.Vlora vendi i ullirit, agrumeve , vreshtit , pyjeve dhe kullotave të pasura malore, i detit të kristaltë , nuk duhet të bëhet “koshi i plerave “ të fqinjëve tanë perëndimor dhe jugorë. Një turizëm elitar kërkon mjedis të pastër dhe të garantuar . Gjiri i Vlorës për vetë popzicionin e tij strategjik le të ketë oferta për porte mallërash , transporti , pasagjerësh që sjellin gjallëri dhe krijojnë aktivitete të dobishme ekonomike . Për investime madhore në Vlorë ka tentativë të disa biznesmenëve të fuqishëm , që sjellin transformime rrënjësore dhe çuditërisht pengohen .

Ëndrra ne sirtar e «Geges se Vlores “

Virgjëria e bregdetit të Vlorës, është çelësi që do të bëjë të mundur që të afrohen ose të largohen biznesmenët e huaj në këtë rajon . Shqipëria me politikat e saj frenuese, ka humbur shumë kohë për futjen e investimeve të huaja aq të shumëpritura. Ligji 7501 për tokën, është bërë barrierë për të qëndruar larg shumë investitorë të fuqishëm, vendas dhe të huaj.

Një tentativë këmbëngulëse prej 13 vjetësh, e Shqiptaro –Australianit Bajram Murati,një luftë sa ndjenjash aq edhe nervash e ka zhgënjyer dhe deziluzionuar, njeriun ikonë të patriotizmës.

Familja e tij ka ardhur nga Shqipëtarët e Hotit dhe Grudës , para viteve 1900 dhe është instaluar në Vlorë.Ndaj edhe e thërrasin « gega i Vlorës » I lindur e rritur në Vlorë, është larguar para 60 vjetësh në Australi , për një jetë më të mirë .Atje jetoi gjatë , krijoi familje , por vendëlindjen nuk e harroi kurrë në mëndje dhe në zemër.Me ardhjen e demokracisë, mendoi se ëndrra e tij për disa dekada të bëhet realitet, që të prek vendëlindjen dhe të investoi për ta bër atë sa më të bukur e të begatë. Por nuk qe e lehtë që kjo ëndërr të realizohesh.

Por ai përsëri s’tërhiqer nga synimet dhe qëllimet e tij fisnike. Megjithëse në moshë të thyer, ambicja për të realizuar ëndrrën e tij, nuk e lë të qetë .Idenë e tijë për të bërë një qytet superelitar, të emërtuar « Aulona » e hodhi në letër, në një projekt madhështor, që u hartuar nga specialist të zotë, vendas e të huaj. Këtë projekt e paraqiti dhe prezantoi para një audience të gjerë intelektualësh, jo vetëm të kryeqytetit, por edhe të komunitetit të Vlorës, ku do të implementohet ky projekt Ky projekt për analogji ngjan me Sidnein. Një investim madhështor .

Qytetet gjigand që nis nga Narta dhe përfundon në Pish Poro, duke zënë një sipërfaqe prej 869 ha . Do të ketë një popullsi prej 150.000 banorë, nga të cilët 100.000 banorë do të jenë nga 10 shtete të Evropës dhe botës. Me veprimtarinë turistike të qytetit punësohen 150.000 vetë . Ngritja e këtij qyteti ka disa përparësi për zonën . Përmirëson mjedisin , sistemohet myzeqeja e Vlorës dhe lidh Vjosën me sistem kanali me Nartën .

Vetëm gjoli i Nartës rrit 50.000 ton peshk .Të ardhurat janë në burime të ndryeshme . Vetëm nga sigurimi i jetës i të huajve, do futen 10 miljard euro, që ka të drejtë ti përdor shteti Shqiptarë. Shuma e përgjithshme e të ardhurave vjetore shkon në 2.7 miljard në vit .

Qyteti do të ketë një infrastrukturë moderne dhe institucione prestigjoze si banka , spitale , stadiume kinema, hipodrome,porte dhe aeroporte të rinj, Universitete , muzeume , kisha e xhamia për të gjithë sektet fetare. Projekti presupozon që Brenda 25 vjetësh numri i pushuesve të shkoi 2.5- 3 milion në vit. Një qytet i përmasave botërore bashkohore, siç u prezantua “Aulona”, kërkon një mjedis të pastër ekologjikisht .Është kjo arsyeja që edhe një grup intelektualësh, jo vetëm profesorë të Tiranës por dhe të Vlorës, sipas një platforme të hartuar nga Profesor Niko Pano , dhe të miratuar nga 36 profesorë si Alfred Frashëri, Kristaq Pata, Gjovalin Gruda, etjerë, ju dërgua në formën e një promemorje Kryeministrit të Shqipërisë, ku kërkohet që të ruhet e pastër zona e Vlorës .

Po të ruhet i pastër bregdeti i Vlorës dhe ti hapet rruga turizmit elitar , përfitimet janë kolosale . Mjafton të sjellim në kujtesën e lexuesit një shëmbull nga turizmi Turk . Valiu i Antalies Bahhaedin Gynei, gjatë një vizite në Vlorë 1987 , tregoi se nga një metër katror merret një fitim prej 100 dollar . Dhe sot Turqia, me turizmin siguron të ardhura të mëdha . Duke parë këto resurse të pastra që ka Vlora , Bajram Murati ndihet i zhgënjyer dhe aludon se dikush pengon në zhvillimin e Shqipërisë dhe sytë i ka nga fqinjët që duan ta lënë në prapambetje, duke e parë si konkurente për vetë kushtet e favorshme natyrore, për një turizëm elitar. Situatën që trashëguam në këto 17 vjetë , ku gjejmë rrallë biznesmenë Shqiptarë nga vendet e huaja që kërkojnë të investojnë kapitalet e tyre në Shqipëri , e përligj fakti se nuk u janë krijuar hapësirat e nevojshme që ata të gjejnë ngrohtësi e garanci për të investuar për vendin e lindjes apo të origjinës së tyre .

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.