Video

27 Qershor 2008 - Me një audiencë prej më shumë se 600 pjesmarrës, si rrallë herë takime të tilla me fermerë që punojnë drejtpërsëdrejti në sektorin e bujqësisë në Qarkun e Fierit, ministri Gjana, u ndodh në një atmosferë emocionuese, jo vetëm për nga pjesmarrja, por nga koloriti i problemeve që u pozuan dhe dinamika e ndryshimeve që ka pësuar bujqësia këto vitet e fundit.

Ai theksoi nevojën reciproke të takimeve direkte me njerëzit e punës. Fermerë apo biznesmenë qofshin ata, takimet janë tepër të dobishme, në mardhënje të ndërsjellta, për të njohur gjëndjen dhe për të ndërhyrë për ta ndryshuar atë, aty ku ekzistojnë mundësitë.

Nga vizitat që ka realizuar ministri Gjana, me ekipe të gërshetuara sipas problematikave, në disa komuna e rrethe të vëndit, si në Shkodër, Malësi e Madhe, Burrel, Vlorë, Sarandë, e në Fier, vërejmë me kënaqësi se është rritur interesimi i pronarëve të tokave për ta vënë tokën nën kulturë, sipas interesave private që kanë fermerët.

Duke eksploruar në thellësi zonat fushore, kodrinore dhe ato malore, rezulton se Qarku i Fierit është zona më intesive e bujqësisë së vëndit, me prodhimtarinë më të lartë në fermat bujqësore. Rajoni i Fierit ka 1/5 e tokës bujqësore nën kulturë, ku ¼ e numurit të fermerëve janë të angazhuar në bujqësi, në zona fushore dhe kodrinore.

Duke u ballafaquar me realitetin në bazë, ministri Gjana shpalosi bilancin e veprimtarisë së MBUMK, se çfarë kemi bërë mirë, çfarë nuk e kemi bërë si duhet dhe çfarë kemi bërë keq në këto 3 vjetë të qeverisjes demokratike. Bujqësia në Shqipëri këto vite ka pësuar progres, por ka edhe shumë probleme e nevoja për t’u zgjidhur. Situata në tërësi ka ndryshuar dhe është përmirësuar në sensin pozitiv.

Prodhohet dhe tregëtohet më shumë prodhimi vëndas në tregjet tona. Fushat janë të zëna me një mozaik kulturash bujqësore, sipas destinacionit që kanë përcaktuar vetë fermerët. Janë 420.000 ferma private, prej të cilave 360.000 e punojnë dhe shfrytëzojnë tokën në rrugë intensive.

Konstatojmë se ka më shumë nevojë për informacion të saktë dhe koherent. Bujqësia ka parametra të konsiderushëm në strukturën e prodhimit vëndas dhe ze 20% të tij. Është pozitive dhe inkurajuese për zhvillimin e sektorit të bujqësisë me strukturën e sotme të popullsisë, ku 50% e saj jetojnë e punojnë në fshat.Kriza globale ka përfshirë edhe bujqësinë. Edhe vëndet e zhvilluara kanë ndjeshmëri të spikatur, siç është rasti i Francës, ku Presidenti i saj, Sarkozi, deklaroi se bujqësia po bëhet sektor strategjik.

Është pozitive që Shqipëria plotëson sot 80% të nevojave të vëndit. Ka komente negative e tedencioze. Mediat shpesh herë transmetojnë se tokat janë të pa mbjella, kur realiteti është krejt ndryshe. Nuk duhet të mbjellim pesimizëm. Shteti dhe donatorët i kanë orientuar subvencionet në ata sektorë që janë rentabël dhe favorizues.

Ministria e BUMK, i ka përcaktuar katër prioritetet kryesore që janë: vreshtaria, perimtaria, pemtaria dhe blektoria (kryesisht miniferma blektorale). Shqipëria nuk mund të prodhojë të gjitha produktet bujqësore, por ato kultura që kanë efektivitet dhe leverdi ekonomike. (ska interes fermeri të mbjellë panxhar, oriz, luledielli, apo edhe drithëra, atje ku ka kushte për kultura më rentabël. Mbështetja financiare nga shteti, do të jetë për sektorë prioritarë. Vitin e kaluar filloi subvencioni në masën 10.miljon$, ndërsa vitin tjetër do të shkojë në 20.miljon$.

Por këto mundësi do vijnë në rritje, deri në 3-4 fishim po të futemi në BE. Fonde të tjera do çlirohen me mbarimin e investimeve për rrugët, nga ku do thithi një pjesë të konsiderushme edhe bujqësia. Me këto premisa që krijohen në të ardhmen, do mund të furnizohet tregu vëndas dhe krijohen hapësira për të dalë në tregun Ballkanik e atë Evropian.

Vëmëndje e vazhdushme duhet treguar për riabilitimin e kanaleve kryesore, kanaleve të dyta e të treta. Por është e rëndësishme të ndërgjegjësohet komuniteti, se shteti nuk do vijë të pastrojë kanalet, ato duhet t’i pastrojnë vetë pronarët e tokës. Kujdes i veçantë duhet treguar edhe për rrjetin kullues, mirëmbajtjen e digave e rezervuarëve.

Shqipëria ka gjëndje 650 rezervuarë. Një problem që ministri Gjana tërhoqi vëmëndjen e fermerëve, ishte kontrolli i imputeve që vijnë nga jashtë, që shpesh herë futen kontrabandë, të pa kontrolluara dhe fermerët bien viktimë e matrapazëve.Nuk duhet të blihen fara e fidana të pa çertifikuar, si dhe plehra e herbicide pa rekomandimin e specialistëve.

Perspektiva e zhvillimit të bujqësisë, është kooperimi. Është imperativ i kohës të bashkohen tokat dhe fuqia puntore, për t’i dhënë një hop cilësor fermave të vogla, fragmentare. Për këtë do ndimoj edhe mbyllja e proçesit të ndarjes së tokës. Ka fermerë që e punojnë tokën, ka të tjerë që e lenë djerrë, ka që e japin me qira, por ka që s’e japin me qera dhe as e punojnë vetë. Një dukuri e rëndësishme është që tërë faktorët shtetërorë, shoqërorë, në qëndër dhe në bazë, duhet të harmonizohen dhe të bashkëveprojnë në tërë veprimtarinë e tyre për të mbështetur rritjen e prodhimit.

Në këtë sfond ministri Gjana, u bëri apel të gjithë aktorëve lokalë si DRBUMK, QTTB dhe Bordeve të Kullimit, si institucione të MBUMK, të rrisin frymën e bashkpunimit dhe të jenë sa më afër fermerëve, njerëzve të punës dhe pushtetit lokal në komuna e bashki, ku me kontaktet e përditshme, të bëhen faktorë të nxitjes dhe zhvillimit të prodhimit bujqësor e blegtoral.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.