Video

21 Maj 2008 - Sipas njoftimit më të fundit nga jeta e shqiptarëve të Amerikës, njoftohet se më 25 maj, emigrantët shqiptarë nën drejtimin e organizatës "Massachusetts Albanian" në Boston, po organizojne për të dielën një tubim për të dhenë edhe ata kontribute sado modeste, për zonat e prekura nga tragjedia e 15 Marsit në Gërdec - Vorë.

Këta bashkëatdhetarë, shprehën në një njoftim për medien këtu në SHBA-së, se megjithëse jetojnë e punojnë shumë larg atdheut, të tyre Shqipërisë, përsëri ata qëndrojnë së bashku me atdheun dhe me popullatën në zonat e prekura nga fatkeqësia.

Ata shpresojnë, se duke realizuar një tubim për mbledhjen e ndihmave, shumë e cila do të bëhet publike pasi të realizohet tubimi i tyre ditën e Djelë 25 Maj, 2008 (Ora 6.00pm) ata do të të japin kontributin e vet për punën e shpëtimit nga fatkeqësia.

Me këtë rastë, organizata "Massachusetts Albanian" në Boston, fton të gjithë bashkëatdhetarët tanë në këtë zonë, që të marrin pjesë në një mbrëmje fondmbledhese në ndihmë të fëmijeve viktima të tragjedisë së Gërdecit në Shqiperi.

Të gjitha fondet do të përdoren për të ndihmuar fëmijet e prekur nga tragjedia e 15 Marsit në Gërdec, në afërsi të Tiranës, e cila mori jetën e 26 vetëve dhe plagosi rreth 250 njerëz të tjerë si dhe shkatërrojë e dëmtojë mbi një mijë shtëpi.

Deri më tani, kontributet e shqiptarë për zonat e prekura nga tragjedia e 15 Marsit në Gërdec - Vorë kanë qënë në të gjitha shtetet ku jetojnë e punojnë më së shumti emigratët shqiptarë në SHBA-së. Në New York është hapur prej ditës që ndodhi ngjarja, edhe fondi për mbledhjen e ndihmave për të dëmtuarit në fatkeqësinë e Gërdecit.

Komuniteti shqiptarë në SHBA ka shprehur dhimbjen per tragjedine e Gerdecit dhe po bënë thirrje vazhdimisht për të mbledhur ndihma për banorët e tragjedise. Federata, PanShqiptare e Amerikës, Vatra, Kisha Katolike Shqiptare në Amerikë, Komuniteti Musliman Shqiptaro Amerikanë, organizata, degë partie, biznesmen të fuqishëm janë të përfshirë në një aksion në ndihmë të popullsisë së Gërdecit - Tiranë.

Organizata e Gruas Shqiptare në Amerikë - AAWO "Motrat Qiriazi" ka bërë të ditur se është në koordinim me qeverinë shqiptare, për tu ardhur në ndihmë popullsisë së Gërdecit.

Këtu në SHBA-së, prej ngjarjes qëndrojnë të hapura dy fondacione, të mëdha të cilat kanë edhe numërat e xhirollogarive bankare, nga ku mund të kalojnë edhe ndihmat e mërgimtarve shqiptarë, tek të dëmtuarit nga fatkeqësia e Gërdecit.

Çeqet duhet shkruhen në emrin "Vatra Foundation" dhe të dërgohen në adresën:2437 Southern Blvd., Bronx, NY 10458. Të gjithëve do t'u postohet deftesa përkatëse dhe kur të jetë përfunduar fushata dhe të jenë dërguar fondet në Shqipëri, lista e plotë e ndihmave dhe dokumenti i dërgimit do të botohet ne gazetat "Illyria" dhe "Bota Sot".

Ndërkaq, tek fondacioni i Organizata e Gruas Shqiptare në Amerikë - AAWO "Motrat Qiriazi", çekun në AAWO-Memo:Tragedy Fund, ose me postë në adresën: AAWO - Tragedy Fund, 676A Ninth Ave, Suite 425, New York, NY 10036 . Të gjitha ndihmat në emër të fondacioneve mund të zbriten lirisht edhe nga sistemi i taksave.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.