Video

Nga Altin B. Kodra

10 Maj 2008 - Indrit Fortuzi ka ulur të premten siparin e një karriere 18-vjeçare, gjatë së cilës ai u shndërrua në ikonën e Tiranës dhe në 11 sezone me skuadrën bardheblu, ai shënoi plot 134 gola. Gjatë një karrierës së tij, ai ka provuar të luajë tre herë në Greqi, si dhe e ka veshur 25 herë fanellën e Kombëtares kuqezi, duke shënuar shënuar vetëm një gol.

Në një konferencë për shtyp dhënë në kryeqytet, 35-vjeçari ka theksuar se vendimi i tij mbështetej mbi arsyetimin se ishte koha për t'u ndarë nga futbolli. Futbollisti i Tiranës ka pohuar se, në kuadrin e zhvillimeve të këtij sezoni në kampin bardheblu, mbase kjo nuk ishte një mbyllje që ai kishte ëndërruar.

I lindur më 23 nëntor 1973, Fortuzi e nisi karrierën te Dinamo në sezonin 1990-1991, ku luajti për 3 vjet apo 60 ndeshje, duke shënuar 16 gola. Që nga ajo kohë, ai ka luajtur për skuadrën e Tiranës, duke u shndërruar në simbolin e kësaj skuadre në 11 sezone, ku shënoi 134 gola.
Gjatë një karriere 18-vjeçare, ai ka provuar të luajë tre herë në Greqi, me me Apollonin e Athinës, Iraklisin dhe Ethnikosin. Fortuzi e ka veshur 25 herë fanellën e Kombëtares kuqezi, duke shënuar shënuar vetëm një gol. Pas përjashtimit të tre titullarëve (Duro, Sina e Vrapi), klubit kryeqytetas do t'i mungojë edhe një kampion i madh sulmuesi Indrit Fortuzi, ikona e bardhebluve.

Fortuzi, i njohur ndryshe "Zogu", largohet nga Dinamo pas 18 vjetësh futboll të luajtur në nivel të lartë, duke filluar nga viti 1990. Për të kujtuar është fakti, se Fortuzi fitoi dy herë rresht "këpucën e artë" të kampionatit shqiptar si golashënuesi më i mirë i sezonit 2000-2001 (30 gola) dhe sezonit 2001-2002 (24 gola). Gjatë këtij sezoni shënoi shtatë gola.

Ai mban dhe një rekord tjetër për shënimin e golave në arenën ndërkombëtare të klubeve, me plot 10 gola. Pas tij renditen Vasil Ruci dhe Dorian Bylykbashi nga 6 gola, Panajot Pano, Gentian Begeja dhe Devis Mukaj, me nga 5 gola. I paharrueshëm është trigolëshi i tij në fitoren kundër skuadrës bjelloruse Fandok Babruysk, kur pasi Tirana kishte humbur ndeshjen e parë 4-1 në Kupën UEFA të edicionit 1994-1995, "Zogu" realizoi tre gola në pjesën e dytë (i fundit në minutën e 94-t), që solli edhe kualifikimin e Tiranës në raundin e dytë.

Fortuzi është ndër të paktit futbollistë shqiptarë të përzgjedhur në "100 Top player of Year", një listë që përfshin lojtarët më të mirë të Europës dhe i vetmi që përfaqësoi Shqipërinë në "European Football Yearbook" të vitit 2005.

Karriera

07/2007 - 05/2008 Tirana
01/2005 - 06/2007 Iraklis (Greqi)
07/2000 - 12/2004 Tirana
07/1998 - 06/2000 Apollon Smirnis (Greqi)
01/1998 - 06/1998 Ethnikos Pierus (Greqi)
07/1993 - 12/1997 Tirana
07/1990 - 06/1993 Dinamo

Golashënuesi më i mirë
2001/02 24 gola
2000/01 30 gola