2/8/2012 12:35:52 PM

Wafa, 9 vjet e burgosur ne tualet

I ati e burgos ne shtepi pa pare driten e diellit

Edison Myrteza
alb_journalist@hotmail.com

PALESTINE- Është liruar një ditë më parë falë një operacioni të shpejtë nga policia palestineze, një vajzë e cila prej vitesh ishte e burgosur nga i ati në shtëpinë e tyre në Kalkilya në Cisjordani.

Pa dritë
Sipas agjencive palestineze të shtypit, Wafa, vajza e cila është e moshës 20 vjec, ka rezultuar të jetë e burgosur në tualetin e shtëpisë për 9 vjet, pa parë gjatë gjithë kësaj kohe dritën e diellit.

Në dispozicion kishte vetëm një dyshek dhe një batanije. Për agjentët e policisë sipas vajzës, babai i ka thënë se do ta mbyllë vajzën për “sigurinë familjare”. Një uebsajt, thekson se i ati i Wafas është një qytetar arab nga Izraeli, 49 vjec, që ndërkohë është i kërkuar edhe nga policia izraelite.

Qëllimi
Disa muaj më parë, Zyra Qëndrore Palestineze e Statistikave, ka publikuar një kërkim alarmant mbi nivelin e dhunës nga ku gratë dhe të miturit janë të dhunuar nga familjarët e tyre në zonën e Cisjordanisë dhe rripit të Gazës. Sipas këtij kërkimi, mes adoleshentëve të moshës nga 12 deri në 17 vjec gjatë vitit 2010, janë vënë re dhunime psikologjike dhe më pak fizike nga ana e të paktën njërit prej prindërve.

HermesNews-©2012

Dërgo me email | Stampo artikullin | Artikulli është lexuar 29 here