5/18/2013 9:22:30 AM

Krem karamel me lule kamomili

nga Brunhilda Cela

Sekretet e aromave të Brunhildës Kjo është një recetë shumë e thjeshtë që unë e bëra me aromën e kamomilit. Mund ta bëni me aromë jasemini, me aromë lule akacie, me aromë trëndafili etj. Mund ta bëni thjesht pa aromë, rëndësi ka të ruani masat që po ua jap:

400+ 200 ml qumësht
2 lugë gjelle kamomil të thatë (këto i vë në 200 ml qumësht të ngrohtë rreth 70-80 gradë temperaturë dhe e lë të pushojë sa të marrë gjithë aromën e kullon në një nape ose sitë).
200 ml krem pana (ajkë qumështi)
320 gr qumësht panda të kondesuar
5 vezë mundësisht veëe fshati organike
1 sheqer vaniljeje (me vanilje të vërtetë pra sheqer me esencë bishtaje të vërtetë vaniljeje) ose merrni esencë vanilje ose një bishtajë vanilje të cilës ia hiqni tulin.

Lëkurat e një portokalli bio (unë përdora nga Dr.Oetker lëkura të thata plot aromë në mungesë të njeëportokalli bio)
1 gotë sheqer jo plot për karamelin
Kamomil i freskët për dekor dhe lulet mund të konsumohen fare mirë me kremin, janë lule të ngrënshme.

Përgatitja: Në një tas hedhim vezët, shtojmë me radhë qumështin panda, qumështin me aromë kamomili, qumështin, kremin pana, esencën e vaniljes, lëkurat e portokallit. I rrahim në mikser të gjitha së bashku, nëse nxjerr shumë shkumë lart mundohemi t'ia heqim shkumën me lugë.

Në një tenxhere shkrijmë sheqerin dhe e sheqerin e shkrirë e hedhim në një formë ku do vëmë karamelin ose në forma të vogla ose të rrumbullakët unë përdora formën drejtkëndeshe. Aty shtojmë dhe qumështin e rrahur.

Në një tavë hedhim ujë të nxehtë dhe vëmë formën. Forma duhet të jetë tek 2/3 e mbuluar me ujë, pra jo të mbulohet plotësisht, e fusim në furrë të piqet në 150 gradë rreth 1 orë e gjyesëm ose 2 orë. E provojmë me thikë nëse është mpiksur, nëse fusim thikën dhe del e pastër masa është mpiksur.

Duhet lënë të ftohet e të lidhet mirë rreth 3 orë por djali im i vogël nuk më la nuk duronte dot dhe u detyrova pas gjyesëm ore ta përmbys. Mirë është të mos nxitoni. Po kështu mund të bëni dhe me qumësht kokosi të ëmbëlsuar në vend të kremit panda kuptohet pa aromë kamomili por do i shkonte aroma e rumit dhe aromë liker kokosi.

Mund ta bëni dhe në kombinacion me fruta ekzotike si mango ose ananas, unë do provoj herë tjetër të shtroj feta ananasi të karamelizuara në sheqer e pak gjalpë, pastaj do hedh sheqerin e djegur sipër dhe qumështin e rrahur (kuptphet qumësht të përzier me qumësht kokosi) dhe do veproj njësoj si sot.

Kur të përmbys do dalin fetat e ananasit bukur dhe tek boshllëqet sipërfaqja e lëmuar që krijohet nga sheqeri i djegur. Së shpejti do ia bëj djalit dhe këtë variant. Ju bëftë mirë nëse e provioni, keni për të parë që është shumë kollajllëk.

HermesNews - ©2013

Dërgo me email | Stampo artikullin | Artikulli është lexuar 46 here