2/3/2012 9:24:26 PM

Italia në gjunjë nga kriza, grevat dhe moti

Përmbledhja javore e ngjarjeve në Itali

Mario Monti: "puna fikse është e mërzitshme"

ITALI - Ka filluar të perëndojë dhe ylli i Mario Montit, kreut aktual të Qeverisë teknike në Itali. Gjatë periudhës së Krishtlindjeve në Itali ka patur shumë kontrolle të Financës, çfarë ka shkaktuar një farë shqetësimi ndaj kategorisë së tregtarëve, por simpatia e qytetarëve italian ndaj liderit të tyre nuk është përmirësuar aspak.

E çuditshme, por sipas një sondazhi, popullariteti i Montit është rritur me 5%, sidomos duke parë dhe grevat e javës së kaluar në Itali, kundër dekretit për privatizimet që ka mobilizuar sektorin e transportit, farmacistëve dhe agrikulturës.

Kategoritë që protestojnë po bëhen gjithnjë e më të shumta, duke përfshirë kështu dhe punonjës publik të provincave që shohin një të ardhme të turbullt me shkrirjen e enteve publike dhe nuk e kanë ende të qartë se çfarë do të bëhet me to, dhe pse nuk rrezikohet vendi i punës.

Deri tani, marëdhënia me sindikatat e punëtorëve nuk ka pësuar shumë trauma, përveçse disa grevave në gjysmën e parë të muajit Dhjetor me rastin e reformave të pensioneve, por e ardhmja duket se nuk premton asgjë të mirë në këtë front.

Lëvizjet e para ndodhën atëherë kur Ministrja për siguri sociale Elsa Fornero, kritikoi artikullin 18 të ligjit që mbron punonjësit e kompanive me më shumë se 50 punëtore.

Kritika ministrit i erdhën mbi të gjitha nga Cgil, të cilët e shtynë dhe një herë diskutimin në të ardhmen, çfarë do të thotë shumë shpejt, sepse ministrja, në prag të takimit mes Qeverisë dhe sindikatave, deklaroi se do të diskutohej nyja e Artikullit 18 në prag të nje reforme më të gjerë.

Polemikat që u ndezën, (u pa qartë dhe nëpër debate që u hapën në rrjetet sociale), kishin të bënin mbi të gjitha me deklaratat që iu drejtuan të rinjve: “Duhet ta kuptojnë se vendi fiks i punës, nuk eksiston më", tha Monti, duke shtuar se ishte "më mirë kështu sepse puna fikse është e mërzitshme".

Kjo frazë, mbi të gjitha në kohën kur u tha, në prag të tratativave më sindikatat ngriu përsëri marëdhëniet mes Qeverisë dhe të rinjve që sipas statistikave zyrtare, janë mësuar të mos e kenë më sigurinë e një vendi fiks, duke parë që 31% e tyre janë të papunë.

Gjithsesi klima në Itali është ftohur dhe jo vetëm në kuptimin figurativ të fjales, pasi vendi po përshkohet nga një turbulencë e ftohtë që ka zbardhur motin, është quajtur si më e ftohta e 27 viteve të fundit, ndaj këtyre anëve (Itali).

Shumë aeroporte, rrugë dhe hekurudha janë mbyllur. Dëbora ka mbuluar vendin, dhe deri tani janë shënuar dy viktima, ndërsa po rriten ndërhyrjet e ndihmës së shpjetë për të ndihmuar popullatën nëpër zonat më të goditura. //HermesNews - © 2012//

Doriana Metollari

Dërgo me email | Stampo artikullin | Artikulli është lexuar 37 here