10/11/2008 1:33:59 PM

Aksident automobilistik në Pejë, tre të lënduar rëndë

Një aksident automobilistika ndodhur në magjistralen Pejë-Prishtinë pikërisht në fshatin Gllarevë, komuna e Klinës

info@hermesnews.org
11 Tetor 2008

Peje- Një aksident automobilistika ndodhur në magjistralen Pejë-Prishtinë pikërisht në fshatin Gllarevë, komuna e Klinës, ku ishin të përfshira tri automjete rezultoi me tre të lënduar rëndë bën të ditur njësia për Trafik Rajonal në Pejë.

Dyshohet se deri te aksidenti kishte ardhur përderisa Mini Busi Ford Tranzit duke mos ia përshtatur shpejtësinë kushteve të rrugës hyn në tejkalim në vijë të plotë dhe në kryqëzim të rrugëve, me ç’rast ka goditur automjeti Pasat. Mini Busi Ford Transit vazhdon lëvizjen në anë të gabuar të rrugës edhe për një distancë tjetër dhe godet me pjesën ballore veturën Opel Vectra e cila vinte nga ana e kundërt. Lëndime të rënda trupore kanë pësuar tre personat të cilët ishin në veturën Opel Vectra, ndërsa i katërti i cili ishte në veturën Passat ka pësuar lëndime të lehta.

Vetëm 9 muajt e parë të këtij viti janë regjistruar 59 aksidente fatale , krahasuar me periudhën e njëjtë të vitit të kaluar janë më pak për 6 raste, por numri i viktimave është për një më i madh se vitin e kaluar. Kjo vjen edhe si pasojë e shpejtësisë së madhe dhe mosvënies së rripave të sigurisë të ngasësit apo pasagjerëve gjatë lëvizjes.

© 2008 HermesNews

Dërgo me email | Stampo artikullin | Artikulli është lexuar 21 here