10/11/2008 1:30:52 PM

Gazeta kroate 'Jutarnji list': Radhën e ka Bosnja

E përditshmja kroate “Jutarnji list” në një editorial të gjerë shkruan se përpos Malit të Zi dhe Maqedonisë, edhe Bosnja nuk duhet të jetë më peng i kërcënimeve serbe për fqinjët e saj

info@hermesnews.org
11 Tetor 2008

Zagreb- E përditshmja kroate “Jutarnji list” në një editorial të gjerë shkruan se përpos Malit të Zi dhe Maqedonisë, edhe Bosnja nuk duhet të jetë më peng i kërcënimeve serbe për fqinjët e saj. Duke analizuar vendimin e Gjykatës ndërkombëtare lidhur me iniciativën e Serbisë për deklarim të saj lidhur me shpalljen e pavarësisë së Kosovës, gazeta në fjalë thekson se njohja e Kosovës nga Mali i Zi dhe Maqedonia është edhe një betejë e humbur e Serbisë.

Më tej gazeta shkruan se tani Bosnja e ka radhën për ta njohur Kosovën dhe se ajo nuk ka kurrfarë arsye për të pritur për një hap të tillë, e posaçërisht, pasi që Bosnja tashmë e ka nënshkruar një Marrëveshje për asocim -stabilizim me BE. Duke potencuar kandidatët të cilët do të iniconin njohjen e Kosovës në Parlamentin e Bosnjes, gazeta shkruan se kryeministri aktual i qeverisë boshnjake Nikola Shpiriç do të ishte njeriu më adekuat për një hap të tillë, duke cekur edhe përfaqësuesin e lartë për BeH Miroslav Lajçak i cili do të mund të ishte “kumbar” i kësaj iniciative. “Ky është momenti që Sarajeva përmes Prishtinës, te zere hapin për në Evropë. Edhe Beogradit është duke iu shkruar e njëjta”, përfundon e përditshmja e njohur kroate.

© 2008 HermesNews

Dërgo me email | Stampo artikullin | Artikulli është lexuar 25 here