10/10/2008 2:45:46 PM

Ministrat e G7-ës takohen për krizën

Uashington- Minsitrat e financave të shtatë vendeve më të industrializuara të botës, G7, priten të takohen të premten në Uashington për të diskutuar krizën financiare globale

info@hermesnews.org
10 Tetor 2008

Uashington- Minsitrat e financave të shtatë vendeve më të industrializuara të botës, G7, u takuan të premten në Uashington për të diskutuar krizën financiare globale. Në prag të takimit ka vazhduar situata e paqëndrueshme në tregjet financiare. Vlera e aksioneve ka vazhduar të bjerë në bursat e mbarë botës. Që në hapje, tregjet në Azi ndoqën fenomenin që u vu re më herët në New York, ku një rënie e papritur gjatë orës së fundit të tregtimit e la indeksin kryesor të bursës, Dow Jones në nivelin më të ulët të 5 vjetëve të fundit.

Në Tokio, indeksi Nikkei shënoi një rënie të shpejtë që në hapje dhe në mesditë ra me dhjetë pikë. Rënie të ngajshme njoftohet se ka patur dhe gjetkë në Azi.Ndërkohë, ministrat e Financave nga shtatë vednet më të industrializuara të botës po përgatiten për një takim në Uashington.Ata do të përballen me thirrje të reja për të ndërmarrë veprime të përbashkëta.

Thirrja e Brown
Kryeministri britanik Gordon Brown, ka bërë thirrje për masa të përbashkëta për përballimin e krizës aktuale financiare. Ai tha se një problem global, kërkonte një zgjidhje globale. Në një artikull në gazetën Times, Brown i bëri thirrje vendeve në mbarë botën, që të pasojnë Britaninë me hartimin e planeve direkte shpëtimi për sistemin bankar. Hollësitë e planit të, Brown priten të bëhen publike kur ai të takojë ministrat e Financave në takimin e G7-ës në Uashington. Në artikullin e tij në Times, Brown thotë se bankave në vështirësi u duhen ofruar fonde si garanci në vlerë qindra miliardë dollarë për t'i binduar që të fillojnë të japin sërish hua.

© 2008 HermesNews

Dërgo me email | Stampo artikullin | Artikulli është lexuar 27 here