10/10/2008 2:23:41 PM

Mali i Zi nuk planifikon dëbimin e ambasadorit të Serbisë nga Podgorica

Mali i Zi nuk do ta largojë ambasadorin e Serbisë, Zoran Llutovac, nga Podgorica

info@hermesnews.org
10 Tetor 2008

Pogorice- Për dallim nga Serbia, Mali i Zi nuk do ta largojë ambasadorin e Serbisë, Zoran Llutovac, nga Podgorica, përveç nëse një gjë të tillë do ta bëjë Beogradi, ka thënë shefi i diplomacisë malazeze, Millan Roçan. Pas njohjes së Kosovës, ministri i Jashtëm i Serbisë Vuk Jeremiq ka thënë se Qeveria e Serbisë dëshiron ta njoftojë Podgoricën se prania e përfaqësuesit të saj zyrtar në Beograd, më nuk është e mirëpritur.

Ndërkohë, për shkak të njohjes së pavarësisë së Kosovës nga Mali i Zi, opozita proserbe në këtë vend ka paralajmëruar protesta gjatë 72 orëve të ardhshme. Pushteti malazez ka vlerësuar se protesta është e drejtë e tyre qytetare, mirëpo ka porositur se assesi nuk do të lejohet destabilizimi i gjendjes së sigurisë dhe të arriturave demokratike në këtë vend.

© 2008 HermesNews

Dërgo me email | Stampo artikullin | Artikulli është lexuar 22 here