8/27/2008 10:33:45 AM

Miliband në Ukrainë për bisedime

Sekretari i Jashtëm britanik, David Miliband prit të mbërrijë në Ukrainë në përpjekje për të ndërtuar një koalicion kundër atij që ai e cilësoi si agresion rus në një shtet tjetër ish-sovjetik të Gjeorgjisë

info@hermesnews.org

27 Gusht 2008- Sekretari i Jashtëm britanik, David Miliband prit të mbërrijë në Ukrainë në përpjekje për të ndërtuar një koalicion kundër atij që ai e cilësoi si agresion rus në një shtet tjetër ish-sovjetik të Gjeorgjisë. Presidenti i Ukrainës, Viktor Yushchenko, që ashtu si udhëheqësit gejorgjianë, kërkon anëtarësimin e vendit të tij në NATO, e ka përshkruar vendin e tij si peng në luftën e shpallur nga Rusia. Moska provokoi reagim të ashpër të komunitetit ndërkombëtar me njohjen e pavarësisë së dy rajoneve të shkëputura nga Gjeorgjia: Osetisë Jugore dhe Abkazisë. Presidenti rus, Dmitri Medvedev nënshkroi të martën një dekret me anë të të cilit Moska njeh pavarësinë e dy rajoneve. Luftimet mes Rusisë dhe Gjeorgjisë nisën në 7 gusht pasi ushtria gjeorgjiane u përpoq të rimerrte me forcë rajonin e Osetisë Jugore. Pas kësaj, forcat ruse nisën një kundërsulm dhe konflikti përfundoi me tërheqjen e trupave gjeorgjiane nga osetia jugore dhe Abkazia, që kanë qenë de facto të pavarura - dhe me një armëpushim të negociuar nga BE.

Dënim
Vizita e Miliband në Ukrainë bëhet pasi ai i bëri thirrje Rusisë 't'i përmbahej ligjit ndërkombëtar' dhe t'i tërhiqte trupat e saj në pozicionit që mbanin para konfrontimit. Ai tha se njohja nga Rusia e pavarësisë së dy rajoneve të shkëputura 'përshkallëzonte më tej një situatë tashmë të tensionuar'. Presidenti amerikan, Bush ka kërkuar që Rusia ta rishqyrtojë atë që ai e cilësoi si 'vendim të papërgjegjshëm' për të njohur pavarësinë e rajoneve të shkëputura të Gjeorgjisë. Presidenti gjeorgjian, Mikhail Saakashvili, e ka akuzuar Rusinë se ishte përpjekur që të ndryshonte hartën e Evropës.

Pasoja
Sekretari i Përgjithshëm i OKB-së, Ban Ki-moon, tha se njohja nga ana e Moskës e dy rajoneve, mund të vështirësonte përpjekjet e Këshillit të Sigurimit për të gjetur një zgjidhje për krizën në Gjeorgji dhe mund të kishte pasoja për stabilitetin në Kaukaz. Presidenti i Rusisë, Dmitry Medvedev, tha se kishte vendosur që ta njihte Osetinë Jugore dhe Abkhazinë me qëllim që të mbronte të drejtat e popullisë së atjeshme. Ai tha se ndërsa në rastin e Kosovës nuk kishte arsye të mjaftueshme për ta njohur atë si të pavarur, në rastin e dy rajoneve të Gjeorgjisë, pavarësia ishte e nevojshme për të shmangur një katastrofë humanitare dhe për të siguruar fitoren e drejtësisë.

Sondazh/ Sipas jush çfarë dënimi i duhet dhënë të akuzuarve për pedofili?

© 2008 HermesNews

Dërgo me email | Stampo artikullin | Artikulli është lexuar 36 here