7/20/2008 4:59:30 PM

Denohet kerkesa e prokurorise se Hages per arrestimin e presidentit sudanez

Ministrat e jashtëm të Lidhja Arabe kanë dënuar veprimet e kryeprokurorit të Gjykatës Ndërkombëtare të Krimeve që bëri thirrje për arrestimin e presidentit të Sduanit, Omar al-Bashir

info@hermesnews.org

20 Korrik 2008- Ministrat e jashtëm të Lidhjes Arabe kanë dënuar veprimet e kryeprokurorit të Gjykatës Ndërkombëtare të Krimeve që bëri thirrje për arrestimin e presidentit të Sduanit, Omar al-Bashir, nën akuzat për krime lufte dhe gjenocid në Darfur. Ministrat thanë se kjo përbënte ndërhyrje në punët e brendshme të Sudanit dhe se gjykatat e vendit kishin juridiksion për çështje të tilla.Sekretari i përgjithshëm i Lidhjes Arabe, Amr Moussa, tha se ai do të shkojë në Sudan të dielën me një plan veprimi të rënë dakord nga ministrat arabë. Ai nuk pranoi të thonte se çfarë ishte në plan pa e diskutuar atë me udhëheqësit sudanezë. Ai gjithshtu tha se kërkesa për arrestimin e presidentit të Sudanit kishte ardhur në një kohë krize në vend:

"Ne do të vendosim - Lidhja Arabe dhe Unioni Afrikan në konsultime me OKB se çfarë duhet bërë, cila është rruga më e mirë për t'u marrë me situatën në mënyrë që të ruhet dhe të mos kërcënohet siguria në Sudan dhe procesi paqësor atje. Në Sudan ka më shumë se një proces paqësor. Ne shpresojmë që as procesi, as paqja midis veriut dhe jugut, as Darfuri nuk do të preken pasi ne duam që këto procese të kenë sukses. Ne duam të krijojmë kushtet që do të çojnë drejt ruajtjes së paqes, inkurajimit të një zgjidhjeje dhe ky është qëllimi ynë."

Dërgo me email | Stampo artikullin | Artikulli është lexuar 28 here