7/15/2008 8:59:03 AM

Dy heronj shqiptar ne New York

Hidhen ne mes te flakeve te shpetojne jeten e nje gruaje. Të dy jane shumë afër të marrin titullin 'Hero i qytetit' ne New York.

Beqir Sina
BeqirS@aol.com

15 Korrik 2008 - 'Dy puntorët e një pallati në Manhattan -New York, të dy emigrante shqiptar, shkruajne gazetat e përditshme të New Yorkut, janë shumë afër të marrin titullin "Hero i qytetit". Kjo për arsye se ata kanë bërë një gjest tepër njerëzor, në momentin që po digjej një ndërtesë në pjesën perendimore të qyetetit, ata hidhen mes flakëve të shpëtojnë jetën e një gruaje rreth të 40 -tave.'

Ata janë Endri Brahimaj 19 vjeç, dhe Izet Neljkovic 44 vjeç, të cilët megjithese punonin në një ndërtesë tjetër që ndodhej për karshi pallatit që mori flakë, u "përleshen" me flakët, për të shpëtuar jetën e një gruaje që duhej ndihmuar pasi kishte mbetur e rrethuar nga flakët. "Të ndihmojë njërëzit, kjo është detyra ime ," thotë me gjithë zemër Neljkovic, banor i qytet -lagjes Astoria, Queens, i cili ka emigruar në SHBA-ës, në vitin 1995, nga Mali i Zi dhe punonte në ndërtesën "Level Club - në Manhattan - New York".

"Me të parë zjarrin në pallatin për karshi, tha ai, vrapova me shokun tim, dhe i ramë të gjitha zileve duke u bërë thirrje njërëzve të dalin jashtë sa më shpejt, se zjarri po kaplonte ndërtesën" u tregoi gazetarëve pas ngjarjes. Një banore e vjetër e kësaj ndërtese qe ajo që shpëtoi nga flakët. Judith Rice ishte duke pirë kafen, dhe dëgjuar radion kur dëgjoi nje zhurmë te madhe.

Brahimaj shqiptari tjetër i cili mori pjesë në aksionin për shpëtimin e njërëzve në ndertesën që po digjej, kishte thene se se çdo gjë ishte shkrumbuar. "Gjithçka ka rënë për toke, tha ai.

Tetë zjarrëfikës dhe punonjës të emergjëncës u lënduan dhe janë shtruar në spitalin më të afërt St. Luke's-Roosevelt Hospital. "Zjarri filloi nga çatia dhe e përfshiu krejt ndërtesën, thanë hetuesit e kësaj çështeje të cilët po vazhdojnë të zbulojnë shkaqet.

Deshmitarët thanë se kishin parë një burrë që vraponte shpejt drejt një ndërtese, i cilli kishte marrë zjarr shkruajn të përditëshmet njujorkase sot herët në mëngjes. Ato shkruanin se një puntor i një pallati tjetër u fut mes flakëve të një pallati që ndodhej në rrugën 254 West dhe 73rdSt. Ai e bëri këtë gjest për të shpëtuar një grua e cila duhej ndihmuar pasi ishte e rrethuar nga flaka e tymi, që kishte pushtuar katin e siperm të një ndërtese antike në këtë lagje.

Punetori mësohet se është një emigrant me origjine nga shqiptarët e Malit të Zi, dhe quhet Izet Nelkovic. gruaja e cila e ka jetën e saj fale ndërhyrjes së guximshme të shqiptaro - amerikanit Izet Nelkovic, tha se 'u gjenda në një moment tepër të rrezikëshim për jetën pasi isha krejtësisht e pambrojtur'. 'Isha duke u bërë gati për punë dhe nuk kisha dëgjuar asgjë, nuk e ndjeva tymin', tha ajo teksa pashë një burrë që ndërhyri me njëherë dhe më "shqyu" derën.

Unë nuk veprova fare pasi dëgjova zërin e tij teksa thërriste me të fort "dilni mënjëher jashte - dilni menjëhere jashte". 'Sapo, unë edhe ai burri (Izet Knelkovic) që u ngjit deri tek kati, i cili po përfshihej nga fakët dhe më "përlau" mua duke zbritur fluturimthi, nëpër shkallët e ndërtesë, një shpërthim i fuqishëm i ndie kur shpërtheu një tubi i gazit'.

'Njeriu që shpëtoi jetën time, u tha gazetarve njujorkezja e cila quhet Judith Rice, një grua e të 40 tave, e vuri veten në rrezik në kohën kur ai për të më shpëtuar mua, u fut edhe vet në mes të flakëve dhe ai shpëtoi së bashku me mua edhe shpërthimit të bombolës së gazit.' Ajo tha se New Yorku, tani duhet t'i jape këtij njeriu unanimisht çmimin "Njeriu i Vitit", qytetarit njujoraks Izet Nelkovic.

'Më pas, tha ajo, pashë se në vendngjarje mberritën forcat e policisë, shërbimi i emërgjencës dhe skuadrat e zjarrëfikësve të qyetit, të cilat e vunë nën kontroll situatën dhe shmagën një katastrofë më të madhe, në orët e hershme të mëngjesit, kur i gjithë pallati pothuajse ishte në gjumë. Pesë nga zjarrëfikësit pësuan lëndime të lehta gjatë punës për shuarjen e zjarrit. '

Gazetat këtu shkruajne sot se qyteti i Nju Jorkut, për gjestin e tij me siguri ka për ti shpallur të dy shqiptaro amerikanët me titullin "Hero i qytetit". Kështu pothuajse mendojn të gjitha gazetat lokale dhe televizonet e qytetit, të cilat gjatë gjithë ditës transmetuan raporte të drejpërdrejta nga vend ngjarja.

Ky është rasti i parë që një shqiptar kryen një akt të tille - kur ai vë veten në rrezik dhe shpëton jetën e një njeriu tjetër. Gjesti i tij ka prekur thelle qytetarët njujorkeze, të cilët gjatë intervistave të tyre e quajne si të pabesueshme që një qytetar i thjeshte të futet në mes të flakëve e të shpëtojë një jete njeriu. Ngjarja duket se e rriti më shumë reputacionin i mirë të shqiptarëve në New York.







Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 348 here