7/5/2008 5:57:18 PM

Danimarka, në Konferencën e donatorëve për Kosovën, do të dhurojë 15 milionë euro.

Në takimet me presidentin Sejdiu, kryeministrin Thaçi dhe homologun Hyseni, Moller ka theksuar nevojën e zbatimit të marrëveshjes së Ahtisarit në të gjithë territorin e Kosovës.

Beqir Sina/ New York
BeqirS@aol.com

5 Korrik 2008 - Shefi i Diplomacisë daneze Per Stig Moller ka shprehur se Danimarka, në Konferencën e donatorëve për Kosovën, do të dhurojë 15 milionë euro. Duke shprehur mbështetjen e shtetit të tij për Kosovën, Muller ka theksuar se 15 milionë euro do të jepen për projekte kryesisht në fushën e shëndetësisë dhe arsimit.

Në takimet me presidentin Sejdiu, kryeministrin Thaçi dhe homologun Hyseni, Moller ka theksuar nevojën e zbatimit të marrëveshjes së Ahtisarit në të gjithë territorin e Kosovës. Moller tha se kjo marrëveshje u njeh serbëve kulturën gjuhën dhe traditën prandaj nuk ka arsye të ketë struktura paralele.

Shefi i diplomacisë daneze, Moller ka shprehur perspektivën evropiane të Kosovës dhe gjithë rajonit duke dërguar mesazhin që të lihet jashtë e kaluara konfliktuale. Ai gjithashtu bëri të ditur se ndihma e shtetit të tij për Kosovës do të vazhdojë si me praninë ushtarake përmes EULEX-it, po ashtu edhe në planin e zhvillimit të vendit.

© 2008 HermesNews

Dërgo me email | Stampo artikullin | Artikulli është lexuar 81 here