Video

Ndini R. Bardhi

1 Korrik 2008 - Pozita, që mban morali njerëzor në jetën artistike është një mrekulli, por më i mrekullueshëm është njeriu (artist) në tërësinë e tij.

Njeriu është në gjendje të njoh shumë mirë jetën dhe vlerat e tij, ç’është e mirë dhe ç’është e keqe dhe të veproj në raport të drejt me të gjitha forcat e mundësit e tij natyrale. Me logjikën e tij, ai ndërton moralin humanist të bazuar mbi mirësinë e lindur të njeriut (artist).

Njerëzit e moralit humanist shpjegojnë bukur se natyra e njeriut është e tillë, që e bën të ketë prirjen të jetë miqësor dhe human. Njeriu artist nga natyra është i mirë se priret për mirësi dhe vlera njerëzore, kundër armiqësisë, xhelozisë dhe zilisë primitive.

Historia e njeriut nis nga e mira dhe se prirjet e tij janë të mira që nga mosha fëminore e deri në vdekje. Njeriu artist është dinjiteti, forca dhe mirësia natyrale. Lirinë dhe besimin, të drejtën për të jetuar e solli dhe e ruan njeriu.

Natyra njerëzore ka sjell mirësinë e njeriut dhe aftësinë për të jetuar me dinjitet. Njeriu jeton jetën e tij dhe në të njëjtën kohë përbën zgjedhjen themelore të moralit në këtë jetë. Është një zgjedhje midis efektivitetit dhe fitores, midis punës dhe mirëqenies, midis virtytit dhe mirësisë. Të gjitha mirësitë drejtohen pro jetës dhe ruajtjes së tyre deri në fund të saj. Njeriu artist ngul këmbë për lirinë shpirtërore të njeriut, të drejtën, por edhe detyrimin e tij për t’u ballafaquar me vetveten në artin, që bën. Nuk pushon asnjëherë së akuzuari ligësinë e lindur dhe të fituar të njeriut, të cilat e çojnë në dobësinë e tij shpirtërore dhe fizike. Për shpëtimin e njeriut lufton e shkëput nga arroganca e tij dhe i fut ndjenjën e vetkorigjimit, të fajit që ka, të pendesës dhe besimin e tij tek vetvetja dhe të tjerët.

Të gjitha këto përbëjnë një çelës në humanizmin modern. Ideja për forcën dhe dinjitetin e njeriut ka ardhur nga mendimi përparimtar njerëzor, se njeriu është universi i jetës dhe i gjithë botës. Njeriu, si individ, artist është shumë i rëndësishëm, sepse gjen në çdo kohë të realizuar vetveten dhe bindjet e tij.

Idetë humane i ka në tru, zemër e në shpirtin e tij, i bashkon bukur e qartë me një filozofi demokratike, i shkrin në format e tyre më brilante dhe ca më shumë në ndjenjë humane. Me ndërgjegje, njeriu artist, beson tek forca dhe dinjiteti i njeriut si njeri por, në të njëjtën monedhë beson edhe tek dobësia dhe ligësia e tij, sidomos tek vetvetja, duke e shpjeguar dhe drejtuar natyrës humane të njeriut, për t’i dhënë vlerën e dobishme shoqërore.

Duke besuar tek logjika, të drejtat e njeriut, mbrojmë vlerat e tij natyrore prej sulmeve antihumane dhe djallëzore. Njeriu artist prej brumi natyror është aktiv dhe plot vitalitet, sepse ka rrugën e veprimtarisë shoqërore.

Prirja e lindur e njeriut të mirë për mirësi është tek instinkti i dashurisë për njeriun, për jetën dhe vetveten. Njeriu në këtë jetë të trazuar është luftëtar i zoti, për të luftuar në fushë beteje, për jetën dhe sfidën ndaj vdekjes. Ato, janë pjesë biologjike dhe forca shtytëse, që prodhojnë energjinë e nevojshme për njeriun në këtë botë.

Jeta e njeriut është duel i përhershëm.

Njeriu është qenie thellësisht e mirë që udhëhiqet prej forcash të kundërta. Jeta dhe vdekja, dashuria dhe urrejtja, lufta dhe paqja, dita dhe nata, buka dhe uria e të tjera, janë simbioza e tij.

Natyra njerëzore me mirësitë e saj, ka treguar aftësitë e saj humane të njeriut, të cilat vetëm shpirti i vetëdijshëm dhe aspiratat dinjitoze mund ta vlerësojnë.

Njeriu, çdo ditë, duelin e shikon pikënisje dhe zgjidhje të fundit të problemeve akute apo të përhershme. Për të, duel do të thotë, mbrojtje dhe sulm drejt jetës, por, në të njëjtën kohë, përgatitet edhe për katastrofën, të cilat, i konsideron fenomene të barasvlershme të lindura apo të fituara bashkë me jetën e tij.

Në këtë rast, ve përballë problemeve, shqetësimin e tij, se në ç’mënyrë është e mundur të thyhen ato, duke i vënë karakterin e tij të fortë si njeri dhe moralin human të jetës njerëzore. Ai jep një përgjigje, që i përshtatet moralit humanist dhe bëhet i besueshëm drejt prirjes për jetën e vërtetë. Këtë e zgjidh nëpërmjet njohjes së natyrës konfliktuale dhe forcave të kundërta, që e krijojnë atë.

Si qenie, njeriu ka bërë zgjedhjen dhe zgjidhjen më energjike, moralin, i cili përbën themelin e jetës së tij. Me moralin human realizon dëshirat dhe kërkesat jetike, të cilat i shërbejnë ruajtjes së vlerave të jetës. Në raport me shkallën e efektivitetit, që ka arritur të zhvilloj, del edhe virtyti i baraspeshuar si njeri. Ai bëhet synimi dhe qëllimi i vetëm në veprimtarinë e një shoqërie të caktuar, në mënyrë efektive. Orientimi, në këtë drejtim, përbën bazën për moralin, lirinë, virtytin dhe lumturinë.

Me një refleks tepër aktiv, largon të keqen dhe faktorët pengues, për të krijuar kushte normale të efektivitetit të vlerave morale, si qenie njerëzore. Morali e ka mbushur njeriun me ide dhe vizione për të mirën, e cila për t’u arritur, kërkohet përpjekje e madhe dhe sakrificë, se njeriut i duhet të luftojë në çdo hap. Po qe se nuk do ta bënte këtë gjë, virtyti do të zbehej dhe përpjekja do të dukej vërtetë e vështirë. Nga ana tjetër, kur harmonizon bukur energjinë e karakterit, tashmë të konsoliduar me virtytin, arrin suksesin e kërkuar, në mënyrë afektive.

Tjetër, në qenien e tij, njeriu brenda vetes, ka mundësi dhe rezerva aktive të lindura dhe të fituara gjatë jetës, që e ndihmojnë në çdo çast, për largimin e vështirësive dhe pengesave të papritura. I ndërgjegjshëm për mundësitë e tij energjike, futet aktivisht në luftë me rrezikun, duke përfituar gjithnjë e më shumë forcë, besim dhe sukses. Nga ky moment, ai ka krijuar një gjendje të virtytshme dhe motivimi.

Ardhja e së mirës, sigurohet nga një frymë dashamirësie dhe morali human, që shoqëron çdo veprim të njeriut në mënyrë efektive. Në këtë mënyrë e në shumë të tjera, njeriu, kontribuon në civilizimin dhe edukimin moral të një shoqërie të caktuar. Të gjitha, këto, sa thash më sipër, janë të vlefshme edhe për ne piktorët. Këtu, jam edhe unë, si njeri dhe piktor. Vepra e njeriut dhe artistit në këtë jetë është t’i jap vetvetes identitetin, kontributin, personalitetin e tij dhe të gjykohet objektivisht se deri në ç’masë ka kryer detyrën e vet. Vlerat morale e artistike kanë një karakter human dhe jetësor për çdo njeri në këtë botë.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 60 here