Video

Beqir Sina/ New York
BeqirS@aol.com

30 Qershor 2008 - Trajneri i Voljebollit për femra, Edgar Marku nga Elbasani, është shprehur se, të qenurit shqiptar, është për atë burim frymezimi dhe e ka bërë t'a përballoj realitetin me gjakftohtësi, këmbëngulje, e me besim për të ardhmen. 'Megjithatë, thotë ai në SHBA-s, jeta ka qënë me më shumë kuptime, pasi i kam ndjere të gjitha kënaqsite që të jep ky vend i mrekullueshëm. Ardhja në Amerikë për studime, nuk e ka ndarë asnjëherë atë nga volejbolli, që tashmë është bërë pjesë e jetës së tij. Gjatë viteve të studimeve të larta e atyre pas-universitare (1995-2000), Edgar Miraku, ka qënë trajner i dytë i ekipit të femrave të universitetit qëndror të Oklahomes. Universiteti, në atë periudhë konkuronte në konferencën “Lone Star”, në kampionatin e universiteteve amerikane.'

Nga viti 2001 e në vazhdim ai ka punuar si trajner i ekipeve të femrave në katër klube të ndryshme volejbolli për moshat 12, 16, 17 e 18 vjeçare në Edmond dhe Oklahoma City. Gjatë sezonit 2002-2003 ekipi që Miraku drejtojë fitoi vend të parë në dy turne kualifikimi kombëtar - në Indianapolis mes 128 ekipeve pjesëmarres dhe në Kansas City mes 124 pjesëmarrësish. Në të njëjtin vit formon ekipin e klubit (quajtur “Elita e Oklahomes”) me vajza 16-vjeçare dhe arriti një record vjetor prej 58 fitoresh e 14 humbjesh. Drejtojë edhe Skuadra “Lady Bulldogs” e Edmond ne Oklahoma adhuron Shqipërinë . Volejbollistet e Okllahomes, u veshën edhe me fanellat "I Love Albania".

Këtë vit Miraku vendosi të bëhet trajner për shkollat e mesme gjithashtu. Dhe që ditën e parë, nuk ishte diçka e lehtë. Jo sepse, ai kishte vështirësi të adaptohesh me nivelin e lojës apo me skuadrën, por sepse ai ka një vend pune ‘full-time’ jashtë shkolle, është gjithashtu trajner i kombëtares Amerikane për ‘sitting-volleyball’. Gruaja e tij është trajnere në Cassady (nje shkollë tjetër e mesme ne qytet). trajner i dytë i ekipit Kombetar Amerikan - për Volejbollin e ulur (apo ndryshe ekipi kombëtar paraolimpik - i të gjymtuarëve fizikë , invalideve - disability).

Kush "qëndron" pas suksesve të tij?Tranieri suksesëshem shqiptaro - amerikan Edgar Miraku, që shkruam edhe vitin e kaluar, sukseset janë në majat më të larta të punës së tij me përgatitjen e të rejave amerikane në Volejboll. Miraku, tani është bërë një emër mjaft i njohur jo vetëm në SHBA por edhe në Kanada e Shqipëri. INA- e ka pasqyruar në një numër të sajë rrugën e suksesit të trainerit të rejave në Volejboll të qytetit Edmond të Oklahomës në Shtetet e Bashkuara të Amerikës. Tani ai është shpallur edhe njëri ndër trainerët më të mirë të vitit në SHBA-së, nga Federata Amerikane e Volejbollit për Femra Edgar Miraku, ka lindur në qytetin e Elbasanit, dhe sikurse e kemi biseduar dhe në një intervistë tjetër ai më parë u rritë dhe madje luajti vetë volejboll në Shqipëri, me ekipet profesioniste të qytetit të tij Elbasanit, si dhe skuadrën e Studentit.

Këto ndodhën para se ai të emigronte në SHBA. Gjithashtu, gjatë dy viteve të fundit në Shqipëri, Miraku, ishte edhe anëtar i ekipit Kombëtar për të rinjët e Shqipërisë. Lidhja e tij me volojbollin erdhi natyrshëm si rezultat e babit, të tij Ali Miraku, i cili drejtoi ekipin e volejbollit të Elbasanit, për më shumë se 20 vjet si dhe ekipin Kombëtar shqiptar, për disa vite. Ka emigruar nga Shqipëria, në janar të vitit 1995, dhe ky është viti i 13 -të që traineri shqiptar i Volejbollit, në Amerikë, drejton skuadrën e vajzave të reja në Oklahoma. Vendi ku ai u vendosa fill pas arritjes në Shtetet e Bashkuara të Amerikës. Shihet këti si një nga trainerët më të suksesëshëm të shkollës shqiptare të Volejbollit të femrave.

Mirepo, kush "fshihet" pas suksesve të tij? Ai përgjigjet, se nuk është aq e lehtë, për të dhenë një përgjigje specifike, pasi për mendimin tim do të thoja se është kombinim i bukur i disa faktoreve. Puna e palodhur, përkushtimi janë dy virtute që nuk mund t'i lë pa përmendur. Kur, unë jam gjithmonë i zënë me jetën e përditshme, bëj gjithmonë "të pamundurën" për të punuar sa më shumë në stërvitje në mënyrë që pas çdo stërvitje, çdo lojtarje të jetë pak më e pregatitur se ç'ishte një ditë më parë. Në këtë mënyrë e gjithë skuadra, është më mirë.

Por kur je i zënë përditë me stervitje dhe ndeshje, është e vështirë të ndalosh e të mendohesh për "çëlesin" e suksesit. Ai thotë se në një moment të tillë kur ne po bisedojmë për këtë temë dhe unë kam mundësi të analizoj vetveten, do të doja të shtoja se një faktor kryesor në sukseset e mija janë prindërit e mi dhe mënyra se si më edukuan e ndikuan në brymosjen time. Me trainerin shqiptarë të volejbollit, Edgar Miraku, biseda shtjellohet pas sukseseve të tija të para në drejtimin e skuadrës së femrave në Volejboll - cilat qenë rezultatet e vazhdimësis ?

Ai thotë se;" Pas fitimit të titullut kampion në sezonin e parë me "Memorial Volleyball" (për të cilin ne patëm një intervistë së bashku vitin e kaluar), unë kam vazhduar të jem shumë i amgazhuar në disa drejtime si trajner. Një nga gjërat që unë jam shumë krenar, tha ai është fakti që unë jam trajner i dytë i ekipit Kombetar Amerikan - për Volejbollin e ulur (apo ndryshe ekipi kombëtar paraolimpik - i të gjymtuarëve fizikë, invalideve - disability).

Që pas mbarimit të Lojrave Olimpike dhe paraolimpike në Athinë në vitin 2004, unë theksoi Miraku, pata shansin e mirë që të më ofrohej kjo pozitë si ndihmës trajner pranë ekipit kombëtar. Gjatë këtyre katër vjeteve kam pasur shumë aktivitete kombëtare dhe ndërkombëtare me këtë ekip, ku mu ka dhënë mundësia të zgjeroj akoma dhe më shumë njohuritë, si trajner. Midis të tjerave ne morëm pjesë në Kampionatin Botëror të Volejbollit të ulur në Hollandë në vitin 2006, në lojrat Para PanAmerikane në Brazil, dhe në një turne në Bosnje në 2007. Në Korrik të 2008 do të jemi në Kanada, për një ndeshje miqësore.

Përveç angazhimit me ekipin kombëtar unë kam vazhdur të jem trajner në ekipin e moshave në klube. Gjatë viteve të fundit bashkë me disa shokë, trajnerë kemi formuar klubin e parë që drejtohet vetëm nga trajnerë në metropolin e qytetit të Oklahomës. Kuptohet, që vazhdova edhe me ekipin e "Memorial" ku në kampionatin e sezonit 2006-07, zumë vendin e tretë. Për sezoni 2007-08 ekipi që drejton, Miraku, mësohet se ka fituar përsëri titullin kampion në shtetin e Oklahomës. Ishte më të vërtetë një sezon shumë i lodhshëm, përgjigjet Miraku, por në fund të tij "shpërblyes". Para javës së parë të fillimit të kampionatit, ekipi ynë u votua si ekipi i parë shumica e trainerëve të tjerë. Fatkeqësisht, pohoi ai që gjatë javës së parë ne pësuam një humbje në finalen e turneut të parë, ç'ka na s'postoi në vendin e dytë.

Për, koecindencë kjo javë ishte pikërisht java kur unë isha në Brazil me ekipim Kombëtar (çka e përmenda më lart) dhe ndihmës-trajnerija ime, u detyrua të drejtojë ekipin. Pas kësaj jave të parë, ne nuk mundëm gjatë githë sezonit të rikthehemi në vendin e parë. Rivalet tanë (ndaj të cilëve ne humbëm në javën e parë) ishin ekipi tjetër nga qyteti jonë, skuadra e quajtur "Ujqërit e Santa Fe-së". Para javës së fundit të play off-it, ne vazhdonim të qëndronim në vendin e dytë megjithese tashmë kishim një balanc 2-2 kundër Santa Fe. Siç pritej në finale u përballëm ne dhe Santa Fe. Ndeshje me të vërtetë e veçantë për mua dhe ekipin tim. Për faktin se pasi udhëhiqnim 2-1 me sete, ishim duke humbur 16-7 në setin e tretë. Kjo, pasi unë sapo kisha kërkuar të dy pushimet dhe me kishin mbetur vetëm katër nderrime.

Pas kësaj ekipi ishte në gjendje të rikthehej në lojë me një gjallëri dhe energji, që bëri të mundur barazimin e rezultatit 24-24. Më pas ne fituam setin 27-25 dhe titullin kampion. Fitorja ishte e veçantë për dy arsye: së pari vet faktin se ne arritëm të gjejmë forca, e të luftojmë për fitimin e setit të katërt megjithese e gjetëm veten në deficit; dhe së dyti për faktin se gjatë sezonit rivaliteti i derbit të skuadrës Edmond (Memorial - Santra Fe) ishte përfolur nga mediat lokale me shumë hollësi.

Ndërsa sesi Miraku, u zgjodh si trajneri i vitit në Oklahoma për sezonin 2007-08?...... Ai thotë se,zgjedhja si trajner i vitit ishte një arritje e veçantë për mua. Menyra e zgjedhjes, është e tillë që media merr mendime nga të gjithë trajnerët e ekipeve. Më pas media mund t'i marrë në konsideratë këto opinione, e pavarësisht nëse janë apo jo dakort me opinionet, voton për trajnerin e vitit. Duke u bazuar në artikujt, që u publikuan para zgjedhjes sime si trajner i vitit. Dukej, se fitimi i titullit kampion e kishte konsoliduar opinionin e përgjithshëm se ky nderim do të më ofrohej mua.

Ai nuk "entuziasmohet" shumë, në atë se çfarë kanë shkruar mediat atje rreth sukseseve të skuadrës dhe të tijat personalisht . Miraku, mediat, si zakonisht shkruajnë shumë, mbase disa herë kalojnë edhe në "parashikime" të panevojshme, se kush është ekip më i përgatitur e pse......!?. Gjatë këtij sezoni të fundit shpesh herë, sidomos, pas humbjes së vendit të parë në renditje nga ekipi ynë, u presupozua se Santa Fe" ishte ekipi që do të kurorëzohej me titullin kampion. Personalisht, unë nuk preferoj asnjë herë të jem gjatë gjithë sezonint në vendin e parë sepse, në këto situata media ka tendencë të "ngrejë" ekipin tonë gjithmonë më lart, bazuar në klasifikimin e momentit. Kjo, zakonisht ndikon negativisht në ekipet e vajzave që e gjejnë veten kudo në mediat lokale, e krijon një siguri "fallso".

Më pasë Miraku, flet edhe diçka rreth skuadrës , lojtarëve dhe prespektivës së volejbollisteve, Skuadra e këtij viti, tregon ai qe pa dyshim më e prirur drejt sulmit në krahasim të mbrojtjes. Si trajner historikisht, unë flet Miraku, kam qënë i prirur drejt mbrojtjes. Kjo, është parë në disa nga arritjet e mija të mëparshme. Kjo, qe edhe arsyeja për mendimin tim, që ne fillim të sezonit ne pësuam disa humbje, por, me pas skuadra e rriti nivelin e lojës. Të dy shuteret e pozicionit katër, falë përgatitjes që gezonin do të luajne në dy skuadra shumë të mira të Kategorisë së Parë, të universiteteve, si universiteti i Tulsës dhe universiteti i Crighton - që të dyja ekipe private. Miraku, çfarë parashikon për të ardhmen ? Nga ky vit në vitin e ardhshëm skuadra do të ketë më shumë ndryshime. 6 nga vajzat që u aktivizuan këte vit, nuk do të jenë më me ne. Por, unë rrefehet, Miraku në këtë bisedë, gjithmonë i pëlqej "provat", dhe shpresoj të kemi një vit tjetër më të suksesshëm.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 92 here