Video

Marre nga BBC
info@hermesnews.org

26 Qershor 2008- Raporti i ri i organizatës Transparency International këtë vit thotë se korrupsioni në sektorin e ujrave është shkaku rrënjësor dhe katalizatori për krizën globale të ujit që kërcënon miliarda jetë dhe shton degradimin e mjedisit. Kriza në sistemin ujor është e pamohueshme dhe sfida e korrupsionit me të cilën përballet është urgjente. Sipas po këtij raporti, Banka Botërore në Shqipëri ka përjashtuar 6 kompani dhe 5 individë pasi gjeti se ata kishin konspiruar në mënyrë të paligjshme mbi një projekt në fushën e ujit.

Çdo vit ne kemi një çështje në raportin global të korrupsionit, dhe këtë vit zgjodhëm ujin pasi uji është pjesë vitale e jetës, është shërbim bazë që çdokush kërkon dhe ka nevojë. Po bëhet gjithmonë e shumë problem në botë në përgjithësi dhe është në qendër të objektivave të mileniumit që duhen arritur deri në 2015. Është një çështje që ka lidhje me të gjithë, por është fakt se shumë vetë nuk vendosin lidhje midis ujit dhe korrupsionit. Në fjalë të tjera kur dikush mendon për korrupsionin, mendon vetëm për gjëra të tjera. Por ky raport e bën të qarte se korrupsioni është një çështje e madhe në zhvillimin dhe sigurimin e burimeve ujore dhe duhet luftuar nëse duhet të sigurojmë ujë për të gjithë në botë.

Në raport për këtë çështje mbi Shqipërinë thuhet se banka botërore përjashtoi gjashte kompani dhe 5 individë pasi në mënyrë të paligjshme kishin bashkëpunuar gjatë një projekti ujor. Çfarë do të thotë kjo?
Unë nuk i di detajet. Ato i di më mirë Banka Botërore, por kjo tregon se korrupsioni ekziston në të gjitha pjesët e botës. Por marr me mend se në Shqipëri, ashtu si edhe në vende të tjera të botës ka shumë konkurencë për ujin dhe përdorimin e ujit, saqë kur ka shumë kërkesë veçanërisht në periudha të thata dhe furnizimi është i kufizuar, disa personave i krijohen kushte për praktika korruptive dhe i ofrojnë shërbimet e tyre në çmime më të larta dhe kështu krijohet korrupsioni për të cilin po flasim.

Ju keni qenë i përfshirë në një mënyrë apo tjetrën me Shqipërinë kur keni punuar si specialist në Bankën Botërore. Ku janë zonat më problematike në Shqipëri, në Maqedoni dhe Kosovë?
Mendoj se në vendet në Ballkan, ashtu si edhe në vende të tjera të botës ka disa mënyra të rregulla ku ushtrohet korrupsioni. Më duhet të bëj me dije se në korrupsion nuk janë të përfshirë vetëm ata që paguajnë rryshfete, por edhe ata që kërkojnë rryshfete. Ka rëndësi që të shihet nga të dy drejtimet. Unë mendoj se kjo është e lidhur ngushtë me atë nëse shoqëria civile ka mundësinë ose i jepet mundësia dhe informacioni që ata që janë në fuqi dhe e keqpërdorin fuqinë të japin llogari para tyre si dhe kjo shoqëri civile të ketë mundësinë t'i marrë ata në pyetje si dhe të ketë transparencë informacioni që t'i bëjë ata që janë në krye të mbajnë fjalën e dhënë dhe të sillen në mënyrën që duhet. Mendoj se kjo është çështje që ekziston në shumë vende, por është çështje që unë kam parë në vende si Maqedonia, Kosova dhe Shqipëria.

Ky raport del çdo vit dhe çdo vit trajton çështje të korrupsionit në vende të ndryshme. Çfarë impakti ka në vendet që kritikohen? Apo ky është thjesht një raport tjetër?
Ne shpresojmë se ky nuk është thjesht një raport tjetër dhe ka rëndësi që njerëzit ta dinë se ky raport ekziston. Që organizata si Transperency International kanë degë të tyre të prezantuara në 100 vende në botë duke përfshirë këtu Ballkanin dhe Evropën lindore, ka institucione dhe raporte që mund të përdoren nga shoqëria civile dhe njerëzit në përgjithësi që të kenë dijeni se ku ekziston korrupsioni si dhe të gjejnë mënyra se si të luftojnë korrupsionin dhe ata që janë përgjegjës. Shpresoj se gjetjet e këtij raporti do t'u bashkohen gjetjeve të tjera dhe se ky do të çojë në veprime konkrete. Ne si Transperency International nuk jemi vetëm pas nxjerrjes së raporteve, por i ofrojmë informacion përfaqësive tona dhe shoqërisë civile kështu që ata të jenë më të ndërgjegjshëm dhe t'u kërkojnë llogari atyre personave që si sillen dhe si shpenzojnë paratë.

Çfarë reagimi keni marrë deri më tani pas botimit të këtyre raporteve?
Ne kemi disa tregues që përdorim si Transparency International si Indeksi i Korrupsionit, Barometri, Indeksi i perceptimit etj ku përpiqemi të shohim se çfarë po ndodh në luftën kundër korrupsionit. Është vështirë të shohësh përmirësim nga një vit te tjetri, por informacioni që po marrim ne është se ka më shumë vetëdijshmëri për çështjen e korrupsionit, në arenën ndërkombëtare shihet si çështje ndërkombëtare sipas edhe Konventës së OKB për korrupsionin dhe i kthehem përsëri asaj se njerëzit dhe shoqëria civile janë më në dijeni jo vetëm të asaj ekziston korrupsioni, ata e dinin këtë edhe më parë, por se ka mënyra me të cilat ata mund të vetëmbrohen nga korrupsioni dhe kjo është shenjë shpresëdhënëse e do të na fusë ne gradualisht në rrugën për të kufizuar korrupsionin dhe efektet e tij.

Dërgo me email |

Stampo artikullin |

Artikulli është lexuar 91 here