Video

nga Elton Bullaj

(Autori eshte Student ne Fakultetin e Shkencave Politike ne Alessandria)

26 Qershor 2008 - Kjo direktive me pak fjale permban:
Arrest “administrativ” deri me 18 muaj te klandestineve.
Riatdhesimin edhe per minorenet klandestine.
Ndalim hyrje ne Bashkimin Europian per 5 vjet per ato persona qe kapen si klandestine.
Une i drejtohem z. Barroso (duke qene se ishte nje nga iniciatoret e kesaj direktive):

“Zoteri i Nderuar,
Kjo direktive eshte anti ligjore, anti morale dhe anti europiane! Ju po shkelni te drejtat e njeriut, dhe shkelet Karten e Nices nga ju e hartuar. Me kete fjale te bukur ( “ Arrest Administrativ ” ) ju po i beni nje atentat te drejtes themelore te njeriut, LIRISE. Si mund te mbani plot 18 muaj te mbyllur ne te ashtuquajturat kampe per klandestinet (qe ne fakt jane burgje), persona qe nuk kane bere asnje krim, sepse ne vetvete akti i te hyrit ilegalisht ne nje vend nuk perben krim??? Por edhe ne qofte se ky akt mund te quhet krim, si mund ta privosh nje njeri nga liria e tij, pa bere me pare nje proces gjygjesor ndaj tij, ku te jete gjykatesi sepse vetem ai e ka te drejten tia heqe lirine nje personi???

Z. Barroso ju shkuat dhe me tej, arritet dhe i kerkuat qeverise italiane te ndryshoje qendrim ndaj emigranteve dhe kush, pikerisht ti qe do te largosh nga Bashkimi YT Europian edhe femijet. Po ato pse??? Ato nuk jane as potenciale kriminele, as vrases, as demtojne ekonomine, ato jane thjeshte femije qe jane bere burra para kohe, duke kaluar detin me gomone ose duke kaluar doganat te fshehur neper maune. E pra z. Barroso femijet nuk duhet ti mbyllesh ne ato “burgjet tuaja administrative”, ato duhej ti edukonit me ate frymet tuaj europeiste qe me aq dashuri e reklamoni!

Z. Barroso ai Bashkimi Juaj Europian me keto reforma dhe direktiva qe po beni mua po me duket se po behet gjithmone dhe me i vogel. Kete gje e deshmon dhe disfata juaj e fundit: JO-ja irlandese per Traktatin e Lisbones, pa harruar dhe JO-te franceze dhe hollandeze me 2004. Shpresoj qe keto disfata t’ju bejne te reflektoni dhe te mendoheni mire ne ate cka beni sepse po ju reshket situata nga duart.

Me respekt BASHKIMIT EUROPIAN
Klandestini
Me kete leter perdora ironine sepse e gjithe kjo mua me duket sikur duan te na vene ne loje. Nuk e bera sepse dua te mbroj klandestinet, perkundrazi edhe sjellja e tyre ka pjesen e vete te fajit qe coi ne hartimin e kesaj direktive, por duhet te evitojme gjeneralizimet. Jo te gjithe klandestinet jane njesoj, ka te mire dhe te keqinj dhe eshte detyra e Bashkimit Europian te beje dallimin (gje spo e ben).

Mua nuk me shqeteson fakti i hartimit te kesaj direktive, por pasojat qe ajo mund te sjelli. E para e punes I trembem rritjes se urrejtes kundejt emigranteve qe mund te arrije deri ne ate pike qe mund te krijoje probleme te medha sociale. Dhe sigurisht kjo ka pasoja per ate emigrantin e rregullt qe punon, jeton po mbi te gjitha paguan taksat. Ketij emigranti ky duel EMIGRANTI vs EUROPIANI ia veshtireson integrimin madje e shtyn ne polin tjeter qe mund te sjelle edhe krijimin e GHETTO-ve.

Dhe se dyti po nga do te dalin gjithe keto para?! Sepse mbajtja e burgjeve, riatdhesimi kerkojne para, dhe duke menduar se klandestinet qe do te riatdhesohen jane plot 8 million (sipas statistikave te fundit te Bashkimit Europian), atehere problemeve te rritjes se cmimit te naftes, rritjes se infracionit etj…do ti shtohet edhe nje tjeter.

Po e mbyll duke shpresuar qe asgje cka thashe me siper te mos ndodhe sepse ne te kundert ai Bashkimi Europian ku neve shpesojme te anetaresohemi se shpejti, do kete shume gjasa te mos jete me…

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 66 here