Video

Beqir Sina/ New York
BeqirS@aol.com

26 Qershor 2008 - Eshtë futur në listën e të kërkuarave ndërkombëtar, basketbollisti sërb, i cili më 4 maj ka rrahue keqaz një student të kolegjit "Brooklyn College", dhe është larguar në drejtim të paditur.

Autoritet amerikane të policisë, Byroja Federale e Hetimeve - FBI, mendon se qeveria e Beogradit, me anë të diplomatëve të saj në Amerikë, ka mundësuar largimin dhe fshehjen e tij nga SHBA-të.

Ngjarja nga ndodhur pasi studenti serb, ka folur me shokun e tij për çështjen e pavarësisë së Kosovës. Ky debat e ka çororditur studentin serb, i cili i egërsuar shkon dhe e rreh brutalisht një student amerikano - hebre duke e lënë atë në gjendje kritike për jetën.

Agjentët e Policisë Federale, shpresojnë se do t'a arrestojnë shumë shpejt sërbin Miladin Kovacevic, 20 vjeç, megjithse ai është larguar përtej oqeanit.

Departamenti i Shtetit, ka prova të mjaftueshme se ai ka paguar duke postuar 100 mijë dollarë amerikanë, lënë peng (bail) si dëm shkaktuar ndaj viktimës, dhe me ndihmën e diplomatëve serb në New York, ka mundur të largohet me një pasaport fallso.

Policia shpërndau dje lajmërimin me fotografinë e tij dhe e vendosi atë në vitrinat e dyqaneve, stacionet e trenit dhe të autobusve, shtyllat e rrugeve të New Yorkut. Ai përshkruhet se është i gjatë 6-foot-9, dhe peshon 280-pound. Luan basketboll. Akuzohet se më 4 maj në një bar rrahu dhunshëm studentin amerikano - hebre Bryan Steinhauer.

Steinhauer, 22 vjeçar, ka qënë student i shkelqyer dhe këtë verë do të punonte për një firmë financiare prestigjoze, por tani ndodhet në gjendje koma, ka ende dëmtime të rënda të gjymtyrve nga goditjet. Eshtë nën trajtimin intensiv të mjekeve në rrezik për jetën.

"Jam i dërrmuar shpirtërisht kur e shoh në këtë gjendje tim bir, thotë babai i viktimës, Richardi, për gazetarët amerikan pranë shtëpisë së tij në një lagje këtu në Brooklyn- Fort Green.

Senatori demokrat Chuck Schumer i New Yorkut, i ka kërkuar urgjentisht autoriteteve federale, të bëjnë të mundur arrestimin e serbit dhe të kryehet ekstradimi i tij i menjëherëshëm "Kjo do të ishte e mjaftueshme për familjen Steinhauer" tha senatori Schumer.

Ai përsëriti se Departamenti amerikan i Drejtësisë, Byroja Federale e Hetimeve, Policia e New Yorkut, duhet të bëjnë maksimumin të kthejnë menjëherë në SHBA, autorin e këtij krimi racist.

Shokët e viktimës treguan se ngjarja ndodhi më 4 maj, kur serbi Kovaçeviç së bashku me katër shok të tjerë iu drejtua në një barSteinhaur.

"Kovaceviç ... fillon dhe e godet ashpër dhe me egërsi studentin amerikano - hebre, Steinhauer duke i shkaktuar fraktuara në trup e fytyrë dhe dëmtuar sytë", tha hetuesi policisë Binghamton Police, kapiteni Alex Minor.

Minor tha se edhe pasi Steinhauer kishte rënë për tokë, Kovaçeviç vazhdonte ta godiste me shqelma në fytyrë. Sërbi dhe dy shokët e tij tentuan të largosheshin, por gjersa po përlesheshin me dy të rinj te tjerë, mberriti policia dhe i arrestoi ata. Kovaçeviç më pasë pagoi 100 mijë dollarë (bail) për tu gjykuar i lirë.

Më 6 qershor, konsulli i përgjithëshëm sërb Igor Millosheviç, postoi 20.000 dollare kesh, dhe 80.000 të tjera i dërgoi nëpërmjet bankës në gjykatën Broome County Court , të lironte nga burgu sërbin Miladin Kovaçeviç. Sipas ligjeve amerikane ai tani dënohet me 25 vjet burg.

Autoritet amerikane janë duke hetuar konsullatën serbe. Miladin Kovaçeviç, me ndihmën e një pasaporte fallse, me 10 qershor rezulton se ka kaluar kufirin me Kanadanë. Dhe të nesërmen çdo gjë ka qënë e përgatitur që me anë të aerokompanisë Lufthansa të ketë ateruar në Frankfurt-Gjermani. Autoritet amerikane janë të befasur sesi ka mundësi që me para sërbi të lihej i lirë, pasi kishte kryer një krimë kaq të rëndë.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 79 here