6/22/2008 10:00:52 AM

Presidenti Sejdiu foli para Këshillit të Sigurimit të OKB-së: 'Populli i Kosovës është sovran'.

'Kosova ka vullnetin e mirë të ketë marrëdhënie me çdo vend fqinj. Si fqinj të mirë edhe Serbininë.

Beqir Sina/ New York
BeqirS@aol.com

22 Qershor 2008 - Në adresimin e tij para KS të OKB, Presidenti i Republikës së Kosoves Fatmir Sejdiu bëri të ditur se prezanton Kosovën si vend sovran dhe se vendimet për Kosovën nuk mund të merren pa pajtimin e saj.

Presidentit Fatmir Sejdiu në KS të OKB nder tjera, falenderoi OKB-ne per punen e bere qe nga viti 1999 si dhe përsëriti premtimin se Koosva do ta zbatojë planin e të dërguarit të OKB-së për statusn e Kosovës Marti Ahtisarit, perfshire ketu edhe obligimet per përmbushjen e të drejtave të minoriteteve.

Ban Ki Moon në adrersimin e tij ka thënë se UNMIK-u më nuk mund të kryej detyrat administrative. Në diskutimet e tyre presidneti serb Bors Tadis, sikur edhe perfaqesues rus paraqitën qëndrime identike, duke mohuar edhe konstatimet e Presidentit Sejdiu por edhe ato të Sekretarit të Përgjithshëm të OKB Ban Ki Mun.

Në fund të mbledhjes Presidentit i Republikës së Kosovës Fatmir Sejdiu në KS të OKB -së, iu përgjigjë interesimit të madh të gazetarëve nga e gjithë bota. Gazeta kombëtare Bota Sot, në New York, ndoqi mbledhjen drejpërsëdrejti nga selia e Kombeve të Bashkuara, dhe përgatiti të plotë në fund të këtij takimi debatin me gazetarët, e akrdeditur në OKB.

Republika e Kosovës ka parasyshë inisiativën e Sekretarit të Përgjithëshëm të OKB-së, zotit Ban Kin Moon për fillimin e këtij procesi. Ne kemi përkushtim tonë që Kosova të funksionojë e plotë si shtetet demokratik, sovran dhe i lirë, shtet i të gjithë qytetarëve të saj, shqiptarë, serb, rome, boshnjak e të gjitha pakicat e tjera.

Ne çmojmë atë të cilën bënë Kombet e Bashkuara dhe Bashkimi Europian, ta vendosin Kosovën në rrugën e së ardhmes së saj. Gjithashtu, promovojmë edhe përkushtimin tonë të përbashkët, megjithë sfidat e mëdha që kaluam.

Shpallja e Pavarësis së Kosovës dhe Kushtetuta e saj janë një shprehje e të gjitha atyre arritjeve që Kosova ka bërë deri tani , një provë e mirë edhe e institucioneve dempkratike që kemi ngritur.

Përfitoj nga ky rast të falemnderojë edhe të gjitha ato vende që kanë njohur deri tani Republikën e Kosovës. Edhe gjithashtu ato vende të cilat kanë shpreshur vullnetin e mirë të ndihmojnë Kosovën drejt integrimit europian, pjesë e së cilës Kosova është gjithmonë.

Kosova, është ndërtuar dhe e zhvilluar si faktor i rëndësishëm i stabilitetit dhe i paqes në rajon. Qasja jonë është të ndërtojmë dhe të kemi marrëdhënje të mira, me të gjitha vendet përfshi këtu fqinjët tanë tradicional, përfshirë këtu edhe Sërbinë ne kontekstin e dy shteteve sovrane e të lira.

Për njohjen e Kosovës, çdo shtet i ka procedurat e veta ne jemi të hapur për këdo prej tyre që dëshiron të vendos marrdhëie të mira dhe të barabarta. Për këtë arsye ne i kemi drejtuar nga një kërkesë pothuajse të gjithave shteteve anëtarë të OKB-së. Dhe mednojmë se ky proces nuk ka përfunduar, është një vazhdimësi.

Secesioni nuk është i pranushëm për ne, dhe nuk është temë për ne. Kosova siç e sipër citova është pjesë e të gjithë qytetarëve të saj, pa dallime pakicë apo shumicë. Përsërisë se Kosoav është një shoqëri, multietnike, dhe e integruar me popullsinë e saj. Kosova është e gatëshme të mbrojë të gjitha të drejtat e qytetarëve të saj me Kushtetutën e saj, e cila hyri në fuqi më 15 qershor. Shembulli i Kosovës është i pakonstetushëm në të gjithë botën, për të drejtat e barabarta të të gjithë qytetarëve të saj.

Me Sërbinë i kemi përfunduar të gjitha proceset e negociatave. Çdo gjë është konsumuar në maksimum. Asnjë lloj negociate, e cila zë në "gojë" statusin e marë të Kosovës deri tani nuk e pranojmë kurrë më dhe as që do të ketë negociata të këtilla ose të këtyre llojeve me kërkënd në botë.

Në këtë këndëvështrim ne jemi të interesuar të kemi marrëdhënie të mira të kooperimit edhe me Sërbinë ashtu si me çdo vend fqinjë - si fqinjë të mirë. Në të njëjtën kohë kërkojmë që edhe Sërbia të mbajë të njëtin qëndrim me fqinjin e saj. Dhe ti ndihmojë e instrumentalizojë sërbët në Kosovë, të integrohen në shtetin ku jetojnë - në Kosovë.

Sërbet e Kosovës duhet që t'i kthehen realitetit, pasi kanë të gjithë mundësit dhe kanë më shumë përvilegje dhe garancione se çdo qytetar i Kosovës. Këto janë të grantuara edhe me Kushtetutën e re, një Kushtetut thellësisht demokratike e moderrne. Ne kemi ligje dhe përkushtim për integrimine qytetarve tanë. Për të funksionuar me të gjitha kapacitetet si shtet i lirë, demokratik, i pavarur e sovranë. Një pjesë e sërbeve janë të prezantuar edhe në jetën tonë, deri në qeveri.

Qytetarët e zakonëshëm i janë kthyer jetës normale. Mendojë se procesi i bashkëpunimit me çdo vend me Kosovën duhet të jetë tepër intensivë. Dhe procesi i konfigurimit të rolit të OKB-së, në Kosovë duhet të jetë një afat i limituar. Ndërsa përsa i përket prezencës së ELUEX-it, ne e shohim se një pjesë ndihmëse në proceset e rëndësishme që ka hyrë tani Kosova, pas shpalljes së pavarësisë dhe bërjes së saj me Kushtetutën e re.

ELUEX-in në e quajm një afrim më shume për tu integruar ne si Kosovë më shume me të gjitha strukturat europiane. Ekonomikisht Kosova ka shumë shance të heci përpra e të zhvillohet më shumë. Dhe kjo hedhë poshtë çdo alibi se "Kosova ka qënë gjithmon e varur nga Sërbia, dhe smundet të jetëoj vetëm". Fundja ka qënë Sërbia ajo që e ka shfrytëzuar Kosovën. Dhe fatëmirëshsit kjo histori ka përfunduar. Është populli i Kosovës ai që do të qeverisë Kosovën dhe do të ndërtojë prespektivën e tij.

Ban: Rikonfigurimi i UNMIK-ut, e drejtë e imja

SHBA-të, Britania dhe Franca e mbështetën propozimin e Ban Ki-Moonit gjatë takimit të Këshillit të Sigurimit për Kosovën. Rusia dhe Serbia kundërshtuan planet për ndryshimin e pranisë ndërkombëtare në Kosovë.

Në diskutimin e tij, Sekretari i Përgjithshëm, Ban Ki-Moon, vlerësoi se Kombet e Bashkuara në Kosovë ballafaqohen me një realitet të ri dhe u shpreh se synon, në bazë të konsultimeve me Beogradin dhe me Prishtinën dhe në pritje të udhëzimeve të Këshillit të Sigurimit, që t'i harmonizojë aspektet operative të pranisë ndërkombëtare civile në Kosovë.Ai tha se këtë do ta bëjë sipas mandatit që e ka.

"Kjo është pjesë e mandatit të gjerë që më është dhënë nga Karta e Kombeve të Bashkuara dhe nga Rezoluta 1244, që e miratoi Këshilli i Sigurimit në vitin 1999", tha Ban Ki-Moon.

Nëse ky realitet i ri nuk kihet parasysh, zoti Ban tha se "mund të ketë rritje të tensioneve, përfshirë tensionet ndërmjet bashkësive në Kosovë, e kjo do të kontribuonte në krijimin e rrethanave të pavolitshme për praninë civile ndërkombëtare".

Sekretari i Përgjithshëm theksoi se "oferta e Bashkimit Evropian, që ta marrë një rol të rëndësishëm operativ", është e një rëndësie të veçantë, pasi do të "mundësonte ndarjen e përgjegjësive".

Ambasadori amerikan, Zalmay Khalilzad, tha se Shtetet e Bashkuara e përshëndesin raportin e Sekretarit të Përgjithshëm, Ban Ki-Moon, për rikonfigurimin e UNMIK-ut në Kosovë.

Në këtë kuadër, ai u shpreh se është e drejtë e tij që ta bëjë këtë veprim."Shtetet e Bashkuara besojnë se Sekretari i Përgjithshëm ka të drejtë të vendosjes për ta rikonfiguruar UNMIK-un dhe ne e mbështesim nismën, që ai ka ndërmend për ta bërë", tha ambasadori Khalilzad.Por, ambasadori rus në Kombet e Bashkuara, Vitaly Churkin, tha se Rusia e konsideron ilegal misionin e BE-së në Kosovë.

"Ne e konsiderojmë jolegjitime vendosjen në Kosovë të të ashtuquajturit mision të sundimit të ligjit të Bashkimit Evropian dhe ndërtimin e Grupit Drejtues për Kosovën, që ka filluar pa vendimin e domosdoshëm të Këshillit të Sigurimit. Kjo është kundër Rezolutës 1244 dhe parimeve të pajtuara për Kosovën", tha Vitaly Churkin, ambasador i Rusisë në Kombet e Bashkuara.Ambasadori amerikan, Khalilzad, tha se Këshilli i Sigurimit duhet të jetë i inkurajuar nga suksesi i shpejtë që ka arritur Kosova, prej se është bërë e pavarur.

Më tej ai tha: "Fakti se qeveria demokratike dhe multietnike e Kosovës tash është e gatshme të qeverisë, është një dëshmi për suksesin e Kombeve të Bashkuara në ndërtimin e institucioneve", tha Khalilzad.

Por, këtë konstatim e kundërshtoi presidenti i Serbisë, Boris Tadiq."Nuk ka institucione multietnike në Kosovë, bile as sot", tha ai.

Tadiq tha se Beogradi nuk mund t'i mbështesë planet e Sekretarit të Përgjithshëm, Ban Ki-Moon, për rikonfigurimin e misionit aktual të Kombeve të Bashkuara në Kosovë.Ambasadori amerikan, Zalmay Khalilzad, u shpreh se Beogradi nuk po i inkurajon serbët e Kosovës që të bashkëpunojnë me shqiptarët.

“Beogradi hapur ka vendosur t'i shfrytëzojë lidhjet me serbët, që t'i dekurajojë serbët e Kosovës nga bashkëpunimi ose edhe që të bisedojnë me fqinjët e tyre shqiptarë në Kosovë", tha zoti Khalilzad dhe shtoi se institucionet e Kosovës kanë miratuar legjislacionin për mbrojtjen e pakicave, që mbështetet në planin e Martti Ahtisaarit.

Kosovën në mbledhjen e Këshillit të Sigurimit e përfaqësoi presidenti Fatmir Sejdiu.Lidhur me planet për rikonfigurim ai tha: "Republika e Kosovës e ka parasysh propozimin e Sekretarit të Përgjithshëm për rikonfigurimin e UNMIK-ut dhe ka po ashtu përkushtimin që Kosova të zhvillohet si shtet demokratik e sovran "Kosova është ndërtuar, është zhvilluar dhe është njohur si faktor i rëndësishëm i stabilitetit dhe paqes. Qasja jonë është që të kemi raporte të mira me gjithë fqinjët tanë, përfshirë dhe Serbinë, por gjithmonë si dy shtete sovrane", tha Sejdiu.I pyetur se a ekziston mundësia që të bisedohet përsëri me Serbinë, presidenti Fatmir Sejdiu tha: "Jo, ne e kemi përfunduar procesin e negocimit me Serbinë. Asnjë negociatë që ka të bëjë me statusin dhe biseda të atij lloji nuk do të ketë."




Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email | Stampo artikullin | Artikulli është lexuar 76 here