Video

Albert Zholi
a_zholi@yahoo.com

(vijon nga dje)

20 qershor 2008 - Në vijim të intervistës me deputetin e Partisë Socialiste Gramos Rucci dhënë ekskluzivisht për gazetën “Telegraf”, vijon argumenti i debateve politikë për tragjedinë e Gërdecit, problematikat ekonomike, spastrimet në administratë dhe deri tek interesi i opozitës për fitoren e zgjedhjeve të 2009-ës.

N.q.s Gramozi do të ishte Kryeministër si do të vepronte në rast se do t’i ndodhte një ngjarje si ajo e Gërdecit?

Nuk bëhet fjalë të themi sikur. Për t’ju përgjigjur pyetjes do të gjeja me vend t’ju përgjigjesha që, klasës politike shqiptare i mungon morali, morali i vërtetë. I madhi Çurçill ka thënë që politika s’ka moral, por brenda imoralitetit të plolitikës ka një moral, dhe unë mendoj se ky moral brenda këtij imoraliteti, duhet të ekzistojë edhe në rastin konkret. Pra do të jepja përgjigje jo sikur unë të isha, por çdo të ndodhte në një vend të BE të shoqërisë demokratike, ku ne duam të aspirojmë dhe duam të aderojmë. Do të ndodhte ndryshe. Unë do të sillja një shembull të tillë, të ish -Kryeministri të Hollandës i cili dha dorëheqjen për një fakt shumë të thjeshtë, pasi ish-ushtarët hollandezë që ishin me mision në Bosnje, para 6 vjetësh kishin shkelur ligjet e shtetit hollandez. Dhe kur kjo shkelje u konstatua pas 6 vjetësh Kryeministri i atij vendi doli para publikut hollandez dhe deklaroi dorëheqjen “pasi ushtarët e qeverisë time kanë shkelur ligjet e shtetit tim, stemën e Republikës së vendit tim”. Pra le ta marrim ta krahasojmë shembullin e një vendi demokratik të një politikani dhe kryeministri që ka moral (aty ku ka moral si politika dhe politikani), me atë të kryeministrit shqiptar. Pra, sot e kësaj dite Kryeminsitri aktual nuk ka bërë as një falje publike, një ndjesë publike përpara atyre që humben jetën, para atyre dhjetërave që u sakatuan, para atyre qindrave që ngelën pa shtëpi dhe pa katandi dhe sot po sakrifikohen me grevë urie dhe shteti bën shurdhin, shteti bën memecin, shteti bën qorrin, bën njeriun e pashpirt që nuk iu dhimbsen 26 veta, por as 9 të tjerë që mund të largohen nga kjo jetë si rezultat i një greve tërësisht të drejtë, tërësisht të ligjshme, tërësisht të moralshme, ku në këtë rast shteti duhet t’u përgjigjet edhe nëpërmjet mjekësisë kërkesave të tyre dhe problemeve sociale që po kalojnë.

Ekonomia shqiptare është në kolaps. Rritje çmimesh, papunësi, kjo është pasojë e krizës ekonomike botërore apo e keqqeverisjes së qeverisë Berisha?

Jemi shumë të vegjël për të ndikuar në ekonominë botërore. Lind pyetja pse kjo kosto e lartë jetese, pse kjo papunësi? Nga ana tjetër n.q.s do shikosh përfaqwsuesit e maxhorancës aktule, me në krye Kryeministrin në turin që ka marrë nëpër Shqipëri thotë se populli ka besim tek Kryeministri i tyre. Unë nuk kam parë kaq vjet jetë sa kam, qoftë dhe në diktaturë, që një kryeminsitër i një vendi të thotë që populli ka besim tek unë (flet në emër të popullit). Po nga ana tjetër Kryeminsitri aktual në mbledhjen e qeverisë, në takimet publike dhe në turin që ka marrë në gjithë vendin, deklaron se unë jam Kryeministri i fjalëve të mbajtura, kur investimet nuk kalojnë as 6-7 % për gjashtë mujorin e parë. Kur Topalli deklaron me shumë krenari, që Shqipëria ka rritjen më të madhe ekonomike 5 %, pra më të madhe dhe se Gjermania, Franca, kur Italia e ka këtë rritje 0 % Franca, 2 %, Gjermania 3, apo Spanja, Anglia. Pra mendoni për një shqiptar, që është jashtë në emigracion, dikush ka të afërmit në këto vende, kur dëgjon politikanët tanë të thonë se rritja ekonomike, e vendit tim qenka më e madhe se vendet e sipërpërmendura. Natyrshëm ai do të thoshte, pse jam unë këtu në Gjermani, Angli, Greqi, pse nuk shkoj në vendin tim, ku është një realitet më i mirë. Por në fakt realiteti është krejt ndryshe. Pra 1 milion shqiptarë që janë jashtë, pasi ekonomia shqiptare është në kolaps. Prandaj ata rrinë jashtë dhe punojnë tek një pronar grek apo italian, pasi marrin më shumë dhe nuk kthehen në atdhe. Pra, përgjegjsia e kësaj krize është tek qeveria, tek mënyra e saj të të bërit politikë, e mungesës së strategjive që kjo qeveri nuk ka në të gjitha fushat, arsimit, shëndetwsisë, infrastrukturës, energjisë elektrike, hapjen e vendeve të reja të punës, mjedisit, në bujqësi, ku sidomos këtu ku Shqipëria ka kushte për mjaft prodhime bujqësore dhe çmimet të ishin të ulta, çdo ditë e më tepër shporta me prodhimet e domosdoshme për konsumatorin shqiptarë ka çmime të përballueshme në raport me pagat që marrin. Pra propoganda që maxhoranca po bën nëpërmjet Kryeministrit në lidhje me rritjen e pagave, pensioneve, (krahasuar me rritjen e inflacionit në vend tej parametrave), është qesharake përballë ccmimeve dhe inflacionit, është ironike, demagogji. Rritja e çmimeve është shumë herë më e madhe se ajo rritje qesharake e pagave. Duke i analizuar këta tregues, prespektiva sociale, është e mjerueshme dhe sigurisht me këtë modalitet qeverisjeje nuk pritet të ketë përmirësim, por përkeqsim të gjendjes ekonomike në këtë vit të fundit të qeverisjes së Berishës.

Nga shtypi apo dhe nga opozita është bërë publike problemi i administratës. Janë larguar nga administrata specialistë dhe janë zëvendësuar me militantë, komenti juaj?

Këtë nuk e themi vetëm ne për kredo politiko -elektorale, apo gazetarët si vëzhgues. Këtë e thotë i gjithë publiku shqiptar, por edhe vetë organizmat, dhe partnerët tanë ndërkombëtarë. Si nga Brukseli ashtu dhe nga matanë oqeanit, nga SHBA theksohet se lufta kundër krimit dhe kundër korrupsionit s’ka atë efektivitet në Shqipëri, pasi në vend të bëhej reformë është bërë antireformë, pasi nga administrata janë hequr specialistët, janë hequr të trajnuarit, ku taksapaguesit shqiptarë kanë paguar për trajnimet e tyre jashtë shtetit dhe partnerët tanë ndërkombëtarë jo pak kanë investuar për trajnimet e tyre. Ne nuk themi se gjatë qeverisjes tonë janë bërë mbrekullira, por unë do të thoshja që, pati arritje të admiruesheme, se e gjetëm shtetin pa insitucione pasi ato ishin dëmtuar në ngjarjet e vitit 1996-1997. Ne arritëm të bënim një administratë profesionale (me defektet e saja), e cila kërkonte korrigjimet dhe kontrollet e duhura që niveli i saj të ishte më i lartë. Në vend që të ndodhte kjo ndodhi e kundërta që dhe këta profesionistë, dhe ata specialistë që i kishim në administratë në vend të trajtoheshin sërishmi si pasuri kombëtare u trajtuan si kundërshtarë dhe armiq politik. Dhe u zëvëndësuan me militantë partie që vlejnë shumë për të dëshiruar si nga ana profesinale, si nga ana e kualifikimeve dhe nivelit arsimor, si nga etika, aktiviteti, sfidat që dikasteri, vendi i punës, efektiviteti i qeverisjes u kërkon për momentin. Ata janë inekzistent, po ashtu dhe efektiviteti ti tyre në punë.

Berisha erdhi në pushtet me slloganin “Luftë kundër korrupsionit”, sot organizmat ndërkombëtare dhe ju si opozitë akuzoni qeverinë se jo vetëm korrupsioni nuk është luftuar, por është në të njëjtat nivele…Me gjithë këto gabime në qeverisje mos vallë opozita ka qenë e mefshtë, për të bërë presin ndaj qeverisë për të bërë zgjedhje të parakohshme, që kjo qeverisje të mos varfërojë më shumë popullin shqiptar?

Sigurisht ka komente të ndryshme. Ne jemi munduar që gjatë këtyre 3 viteve, problemet t’i bëjmë prezente. Të gjithë jemi dëshmitarë se të gjitha mangësitë i kemi bërë prezente në parlamnet, e kemi ngritur zërin për të gjitha këto mangësi. Nga ana tjetër opozita duhet të përgatitet që të vijë në pushtet në kuptimin spontan, si rezultat i rënies apo vetë rënies të mazhorancës aktuale. Pra të vijë në pushtet si rezultat i rritjes së vetëdijes së popullit shqiptar, se kjo qeveri është e korruptuar, nuk është e aftë më të qeverisë dhe se Partia Socialiste, është zgjidhja e vetme alternativa më e drejtë për përmirësimin e gjendjes në vend. I kemi kushtuar rëndësi kësaj të dytës pra ndërgjegjësimit të popullit për keqqeverisjen, sepse ai tani e sheh gjendjen në infrastrukturë, shëndetwsi, ai po e prek çdo ditë realitetin e dhimbshëm shqiptar, nuk ka rëndësi t’i thuhet popullit se nuk ka ilaçe në spaitale, pasi ai vetë është konsumtor dhe i përballon vetë shpenzimet e mjekimit dhe të njëtat probleme në arsim, në fushën e mjedisit, bujqësisë, sikundër shqiptari e di mirë krizën e vjetshëme të dritave dhe ujit. Parë në këtë këndvështrim, problemet janë të shumta prandaj ne i jemi nënshtruar një dialogu të gjerë, të plotë, gjithëpërfshirës, në gjithë territorin, që gjithë shqiptarët të japin mendimet, sugjerimet, për të fotografuar situaën reale, në mënyrë që nesër në verdiktin që ata do të japin në zgjedhjet e 2009, të rritet vetëdija elektorale, e publikut që ata votën të mos e japin për hartimet elektorale, as për flamujt e partive, por ta japin si rezultat, i kësaj vetëdije, që me të vërtetë kjo parti, do të vijë në pushtet për t’i dhënë zgjidhje problemeve që diskutuam. Pra janë 9 drejtime që ne kemi përcaktuar në platformën tonë për t’i dhwnë zgjidhje gjatë qeverisjes pas zgjedhjeve 2009. Programi që PS do të servirë në prag të zgjedhjeve elektorale do të jetë një program jo hartimesh sa për të kaluar betejën e radhës elektorale, por do të jenë programe elektorale, por mbi të gjitha qeverisjeje, me qëllim që kabineti i ri qeveritar me PS në pushtet të mos presë të fillojë punën në muajin e tretë, 5 apo 6 apo, vitin e 2, por që ditën e parë që do të ulet në Kabinetin qeveritar, apo në Kabinetin Ministror. Këtë program ne po e ndërtojmë me të gjitha shtresat apo kategoritë, sociale apo profesionale shqiptare, apo me gjithë ekspertët e partisë në bazë apo në qendër, pasi po marrim prej një kohe shumë të gjatë mendimin e kualifikuar të aleatëve tanë që nga SHBA-ja, Partia Socialdemokrate gjermane, ajo italiane etj…

Në zgjedhjet e ardhme një problem është ai i kartave të indetitetit, për zgjidhjen e këtij problemi ka shumë diskutime, ankesa, ç’rol do të luajnë kartat e indetitetit në këto zgjedhje?

Janë tre momente për zgjedhjet e ardhshme. E para është ndryshimi i sistemit politik

Pasi ai mëparshmi ishte një sistem politik i deformuar, pasi megjithëse populli votoi majtas në pushtet erdhi e djathta. Ai ishte një sistem elektoral (Kodi Elektoral), ku dominoi Dushku apo Mega Dushku, ku në parlamentin shqiptar lulëzuan një numër i madh partish. Kjo reformë kushtetuese duhet shoqëruar me rregullat elektorale, ose me Kodin Elektoral, ku Parlamenti shqiptar brenda korrikut (politika shqiptare) duhet t’i japë fund rregullave të lojës, për sistemin zgjedhor. Së dyti është regjistri i zgjedhësve dhe kartat e indetitetit, dy probleme të tjera madhore këto. Pra shoqëruar bashkë me sistemin zgjedhor tre problemet, kanë qenë detyra shtëpie, për maxhorancën aktuale nga ODHIR dhe OSBE menjëherë pas zgjedhjeve të 2005. Por ne ende s’kemi Kodin Elektoral, ende s’kemi regjistrin e zgjedhësve, s’kemi kartat e indetitetit. Unë nuk bëj pjesë në ata që jam euforik, nuk bëj pjesë në ata që janë pesimist, por bëj pjesë në ata që janë realistë, ku deklaroj që këtij vendi i duhet, Kodi Elektoral, regjistri i zgjedhësve brenda korrikut (dhe kartat e indetitetit të përfunduara dhe menjëherë të fillojë shpëndarja e tyre). Ka dhe një vështirësi tjetër që duket e vogël, vlera e këtyre e kartave kërkohet të përballohet nga buxheti i pensionistëve shiptarë, i të papunëve shqiptarë, apo i buxhetorëve. Kjo duhet parë që më parw, që në buxhetin e vitit që vjen këto shpenzime të përballohen nga Buxheti i Shtetit dhe jo nga xhepi i boshatisur i popullit shqiptar.

Vazhdojmë t’i bëjmë apel LSI-së

Humbja e zgjedhjeve të vitit 2005 komentohet edhe për shkak të shkëputjes nga gjiri i PS-së një partie të re, LSI. Në zgjedhjet e ardhshme a do të bashkwpunojë PS me LSI?

Eshtë ende herët për të folur për një bashkëpunim para, gjatë, apo pas zgjedhjeve elektorale, do të shihen modalitet që do të përcaktohet Kodi Elektoral me kualicionet parazgjedhore. Sigurisht, sistemi aktual, në përgjihësi demotivon bërjen e koalicioneve, paraelektorale. Sigurisht, sistemi elektoral ka bërë ndryshime të rëndësishme, ku kërkohet që të gjitha partitë vërtetë të peshohen, dhe të maten para elektoratit, që janë apo s’janë faktor politik në paralamentin shqiptar dhe të shikohen mundësitë e koalicioneve. Megjithatë unë do të thoshja që, është shpejtë për të diskutuar, do kemi apo jo koalicion. Kemi kohë gati dhe një vit, në politikë asnjëherë s’duhet të thuhet kurrë, sigurisht për ne kemi një avargim të mardhënieve, LSI-PS. Apeli që ne u kemi bërë, dhe vazhdojmë të bëjmë, të gjithë aletave tanë, në veçanti LSI, të dalë nga gjiri i socialistëve, është që në deklaratat dhe qëndrimet e tyre të mos ecin shumë larg, të ruajnë qetësinë, brenda përgjegjësive dhe standarteve, që duhet të jenë në planin e bashkpunimit mes aletave dhe sigurisht, PS do të jap përgjigjen në kohën e duhur në lidhje me aleancat para, gjatë dhe pas elektorale.

Jeni të bindur në fitoren e zgjedhjeve të ardhshme?

Ne për këtë po punojmë çdo ditë, çdo orë, çdo çast. Nuk po punojmë në zyrat e selisë së PS, por po punohet në të 5 400 qendrat e votimit. Po takojmë të gjitha shtresat e shoqërisë shqiptare. Ne jemi realistë dhe mundohemi që me atë apel që PS i ka bërë gjithë elektoratit, ai të bëhet i vetëdijshëm për përgjegjësinë e votës para kutisë së votimit, për një bashkim hallesh, problemesh, me qëllim që të bashkuar, jashtë antarësive të partive, për një koalicion mbarë popullor, pasi ky vend kërkon një qeverisje dinjitoze, një integrim më të përshpjetuar në BE dhe një jetë më të mirë.

Si do ta kometonte Ruçi lëvizjen e fundit të Petro Koçit?

Deklarat e fundit e Koçit është që ai është jashtë nga grupi parlamnetar i PS, kështu që PS nuk ka kohë më për të humbur, PS është parti e hapur, luajale, me demokraci të zhvilluar. Ne kemi të gjitha hapësirat ku çdo individ, të shfaqë mendimet e veta. Zgjedhja e z Koçi është zgjedhje personale. Ne nuk kemi kohë të merremi me deklarime mediatike, të askujt. Ne jemi në punë për programin e zgjedhjeve të 2009-ës.

Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi.

Dërgo me email |

Stampo artikullin |

Artikulli është lexuar 58 here