6/17/2008 5:14:52 PM

'Sinoma' përzgjedh Shqipërinë per vendosjen e biznesit të tyre në Europë

Kryeministri i garantoi se qeveria që ai drejton do të vazhdojë të mbështesë investimet kineze në Shqipëri.

info@hermesnews.org

17 Qershor 2008 - Kryeministri Berisha priti sot një grup drejtuesish të Grupit shtetëror kinez “Sinoma”, të kryesuar nga Kryetari i Bordit Tan Zhongming.

Grupi “Sinoma” zë vendin e parë në botë në fabrikimin e teknologjive në fushën e prodhimit të çimentos, të fibrave të xhamit, të minierave jo metalike, teknologjive të qeramikës etj..

Zoti Zhongming i prezantoi Kryeministrit Berisha vendimin e Bordit të Kompanisë për të investuar në Shqipëri, nëpërmjet ndërtimit të fabrikave në fushat e mësipërme, si dhe për ta konsideruar Shqipërinë si qendër të biznesit të tyre, të përpunimit dhe shpërndarjes së produkteve të tyre në Europë.

Pasi i bëri një përshkrim të situatës dhe reformave ekonomike në vend, Kryeministri u sugjeroi si vendndodhje për vendosjen e biznesit të tyre parqet industriale në Elbasan dhe Spitalet në Durrës, të sapomiratuara nga qeveria. Në takim ishte i pranishëm edhe ambasadori kinez në Shqipëri.

© 2008 HermesNews

Dërgo me email | Stampo artikullin | Artikulli është lexuar 99 here