11/30/2006 11:47:51 AM

Gjermanet do te permiresojne infrastrukturen

Ne veçanti, autoritetet gjermane i shprehen mbështetjen Ministrit Basha për bashkëpunimin ne fushën e planifikimit urban, me një theks të veçante, sipas kërkesës së palës shqiptare, për hartimin e planeve te zhvillimit turistik te bregdetit shqiptar nga Orikumi deri ne Velipojë.

30 Nentor 2006 - Gjate vizitës të këtyre ditëve të ministrit shqiptar të Punëve Publike, Transportit dhe Telekomunikacionit, Lulzim Basha në Gjermani, pala gjermane shprehu përkushtimin e saj për ndihmë dhe mbështetje te vazhdueshme ndaj sektorit te infrastrukturës në Shqipëri, qofte me anë të përfshirjes së investitorëve gjermane apo dhe me ndihmën e specializuar të institucioneve gjermane për mbështetur zhvillimet në të gjithë sektorët, si ne sektorin e rrugëve dhe transportit detar, transportit hekurudhor, si dhe te ujësjellës – kanalizimeve nëpërmjet bankës gjermane KFW.

Të tjera çështje të prekura gjatë takimit me Ministrin Federal të Transportit, Ndërtimit dhe çështjeve Urbane te Gjermanisë, Tiefensee, dhe Sekretarin Parlamentar i kësaj Ministrie, Grosman, u diskutuan çështje me interes te përbashkët, ku nga pala shqiptare u theksuan mundësitë për bashkëpunim ne fusha e rrugëve, ndërtimi me koncesion i autostradës Milot – Rrogozhine, privatizimi i shërbimit te kolaudimit te mjeteve te transportit rrugor, njohja reciproke e lejeve te drejtimit, si dhe bashkëpunimi në fushën e planifikimit urban.

Dërgo me email | Stampo artikullin | Artikulli është lexuar 310 here