8/18/2012 4:57:45 PM

Festivali i drames ne vjeshte

Juria e këtij konkursi e përbërë nga dramaturgu Mihal Luarasi, aktorët Ndriçim Xhepa, Yllka Mujo, Sesilia Plasari, dramaturgu Bashkim Hoxha dhe studiuesi i letërsisë Basri Çapriçi nga Kosova ka marrë në shqyrtim 30 vepra të autorëve shqiptarë nga Shqipëria, Kosova dhe diaspora

TIRANË - Pritet që në fund të muajit gusht, juria e konkursit “Drama shqipe në 100-vjetorin e Shtetit Shqiptar”, të shpall fituesit që do të marrin pjesë në Festivalin Mbarëkombëtar të Dramës Shqipe, i cili do të zhvillohet në Tiranë për dy javë rresht në periudhën tetor-nëntor.

Juria e këtij konkursi e përbërë nga dramaturgu Mihal Luarasi, aktorët Ndriçim Xhepa, Yllka Mujo, Sesilia Plasari, dramaturgu Bashkim Hoxha dhe studiuesi i letërsisë Basri Çapriçi nga Kosova ka marrë në shqyrtim 30 vepra të autorëve shqiptarë nga Shqipëria, Kosova dhe diaspora.

Disa nga pjesëmarrësit dhe dramat me të cilat marrin pjesë në ketë konkurs janë Teodor Laço me “Vatani i harruar” dhe “Toka ime”, Odise Plaku me “Shtëpia e re”, Osman Goranci me “Zonja me maskë”, Bashkim Kozeli me “Ëndrra e Ismail Qemalit”, Skifter Këlliçi me “Gjyqi i tradhtisë së lartë”, Hekuran Zhiti me “Të mblidhemi në Lushnjë”, Stefan Çapaliku me “Provat gjenerale të pavarësisë”, Gazmend Krasniqi me “Edipi kërkon autor”, Agrim Shehu me “Dhimbjet e lirisë”, Sokol Angjeli - “Ditë sa njëqind vjet” dhe Ruzhdi Pulaha - “Burri që nuk vdes dot”.

HermesNews - © 2012

Dërgo me email | Stampo artikullin | Artikulli është lexuar 147 here