8/7/2012 10:54:36 AM

Zgjidhet sot nënkryetari i KLDsë

Në rendin e ditës janë përcaktuar dhe zëvendësimi i kryetarit të Gjykatës së Tiranës, Artan Zeneli

* Njoftim ! Keni ndonjë denoncim për korrupsion, abuzim ose shkelje të të drejtave? Mos hesht (!) dhe nëse zyrtarët janë indiferent, direkt apo indirekt të prekur në abuzime, ne jemi këtu për t'ju dhënë zë më tepër. Na shkruani në info@hermesnews.org - > DEMOKRACIA ËSHTË SHUMË ZËRA BASHKË


TIRANË - Këshilli i lartë i drejtësisë mblidhet sot për herë të parë nën drejtimin e presidentit Bujar Nishani. Në rendin e ditës janë përcaktuar zgjedhja e nënkryetarit të këtij institucioni të drejtësisë dhe zëvendësimi i kryetarit të Gjykatës së Tiranës, Artan Zeneli.

Ky i fundit u zgjodh nga Parlamenti në fund të korrikut anëtar i Gjykatës së Lartë, duke e lënë vakant detyrën në Gjykatën e Tiranës. Ndërsa nënkryetari i KLD-së, mbeti vend vakant që në muajin prill, ku u shkarkua nga detyra Kreshnik Spahiu, aktualisht kreu i Aleancës Kuq e Zi.

Presidenti i atëhershëm, Bamir Topi, në 17 Prill, propozoi gjyqtarin Ilir Mustafaj si zëvëndësuesin e tij. Kandidatura u quajt antikushtetuese në atë kohë nga ministri i Drejtësisë pasi presidenti mund të zgjidhte vetëm mes 3 anëtarëve të KLD-së të propozuar nga Kuvendi, siç kishte qenë dhe vetë Spahiu.

HermesNews - © 2012

Dërgo me email | Stampo artikullin | Artikulli është lexuar 122 here