8/6/2012 10:15:29 AM

Sailing Regata, 26 sportistë në garë

Durrës International Sailing Regatta organizohet nga Yacht Club Albania, klubi sportiv i themeluar në Durrës në vitin 2009

DURRES - 26 sportistë nga vendi ynë, Maqedonia dhe Serbia, kanë marrë pjesë ditët e fundit në garën e parë ndërkombëtare të varkave me vela "Durrës International Sailing Regatta".

Në ceremoninë e zhvilluar me këtë rast në shëtitoren Taulantia Drejtori i politikave zhvillimore bashkinë e Durrësit, Sokol Kokomani, pasi ka përshëndetur pjesëmarrësit dhe organizatorët nënvizoi se veprimtari të tilla i japin gjallëri jetës sportive të qytetit, duke përmirsuar imazhin si një atraksion tjetër turistik gjatë sezonit veror.

Sipas burimeve të bashkisë, Durrës International Sailing Regatta organizohet nga Yacht Club Albania, klubi sportiv i themeluar në Durrës në vitin 2009. Në dy vendet fqinje, pjesmarrëse në të garë sportistët stërviten kryesisht në lumenjtë, që përshkojnë Serbinë dhge Maqedoninë. Vendi ynë përfaqësohet në këtë veprimtari të parë ndërkombëtare që organizohet në Durrës nga sportistja e talentuar, Iselda Carkanji.

Varkat e shfrytëzuara për garat e ditëve të fundit janë të tipeve Optimis dhe Laser. Sot pasdite do të organizohet ceremonia e ndarjes së çmimeve për fituesit e këtij edicioni. Qëllimi i një aktiviteti të tillë si dhe i Yacht Club Albania është që të promovojë sportin e Velës në Durrës dhe në shkallë kombëtare.

HermesNews - © 2012

Dërgo me email | Stampo artikullin | Artikulli është lexuar 125 here