7/29/2012 11:31:21 AM

Tepelenë, sekuestrohen 71 kg drogë

Lënda narkotike, me origjinë fshatin Lazarat, në Gjirokastër, po transportohej për në qytetin e Fierit nga katër persona

* Njoftim ! Keni ndonjë denoncim për korrupsion, abuzim ose shkelje të të drejtave? Mos hesht (!) dhe nëse zyrtarët janë indiferent, direkt apo indirekt të prekur në abuzime, ne jemi këtu për t'ju dhënë zë më tepër. Na shkruani në info@hermesnews.org - > DEMOKRACIA ËSHTË SHUMË ZËRA BASHKË

GJIROKASTËR - Policia e Tepelenës ka zbuluar dhe më pas ka sekuestruar në orët e para të mëngjezit të sotëm 71 kg mariuhanë, në vendin e quajtur Përroi i Luzatit , në anë të rrugës nacionale, në hyrje të qytetit të Tepelenës. Burime zyrtare nga Policia lokale bënë të ditur të dielën se, lënda narkotike, me origjinë fshatin Lazarat, në Gjirokastër, po transportohej për në qytetin e Fierit nga katër persona. Këta të fundit, për t'iu shmangur postbllokut policor, në afërsi të Ujit të Ftohtë të Tepelënës, kanë devijuar rrugën, dhe kanë kaluar në një rrugë dytësore, nga ana e sipërme e vendit ku patrullonte Policia. Pasi janë zbuluar nga uniformat blu, autorët e ngjarjes kanë hedhur çantat me lëndën narkotike dhe duke përfituar nga erësira, janë larguar nëpër pyll, ndonëse nuk kanë mundur t’i shpëtojnë identifikimit të Policisë.

HermesNews - © 2012

Dërgo me email | Stampo artikullin | Artikulli është lexuar 93 here