7/17/2012 4:56:56 PM

Zjarr brenda varrezës masive në Vushtri

Ngjarja ndodhi në kohën kur po bëheshin gërmime për një varrezë masive. Fillojnë hetimet

PRISHTINË - Një zjarr ka përfshirë një zonë ku po bëhen gërmime në kërkim të një varreze masive të supozuar, në komunën e Vushtrrisë në Kosovë. Njësitë e Zjarrfikësve të Forcës së Sigurisë së Kosovës dhe Vushtrrisë, Batalioni i Xhenios i FSK-së dhe EULEX-i kanë koordinuar operacionin për fikjen e zjarrit.

Alan Robinson, bashkë-drejtues i Departamentit për Mjekësi Ligjore tha se "u deshën më shumë se 7 orë për ta vënë zjarrin nën kontroll. Sipas tij, në operacion u angazhuan dy makina zjarrfikëse dhe është përdorur një makineri e rëndë për të hedhur dhe në hapësirën që po digjej.

Megjithatë, sipas njoftimit të sotëm të EULEX, dëmtimet në këtë lokacion janë shumë të mëdha. "Kjo është një pengesë e madhe për ne në vlerësimin e këtij lokacioni. Muret janë dëmtuar rëndë dhe tani duhet të rrënohen. Puna në gërmime është ndërprerë dhe EULEX-i do të bëjë vlerësimin e sigurisë për të vazhduar më tej. Në këtë moment është shumë herët që të dihet kjo", tha Robinson.

Shkaku i zjarrit nuk dihet ende, derisa EULEX-i i ka filluar hetimet. Komisioni Qeveritar për Persona të Zhdukur do të angazhohet që përmes institucioneve kompetente të mësojë edhe zyrtarisht shkakun e ndezjes së zjarrit dhe pasojat që ka shkaktuar ky zjarr.

HermesNews - © 2012

Dërgo me email | Stampo artikullin | Artikulli është lexuar 126 here