7/16/2012 5:54:26 PM

Kush janë dhuruesit më të mëdhenj të gjakut ?

Aksion humanitar i dhurimit të gjakut në Prishtinë

PRISHTINË - “Pjesëtarët e FSK-së janë donatorë të rregullt të gjakut”, tha sot Dr. Safete Maliqi nga Qendra Kombëtare e Transfuzionit, në përfundim të aksionit humanitar për dhurimin e gjakut për dy javë, në Ministrinë e Forcës së Sigurisë dhe në të gjitha njësitë e forcës kosovare. “FSK-ja dhe nxënësit janë dhuruesit më të mëdhenj të gjakut në Kosovë”, bëri të ditur ajo.

Aksioni humanitar i dhurimit të gjakut është realizuar në bashkëpunim mes Kompanisë së Mjekësisë së FSK-së dhe të Qendrës Kombëtare të Transfuzionit të Gjakut.

Gjatë aksionit dy javor, të mbajtur në të gjitha njësitet e FSK-së, janë dhuruar mbi 450 doza gjak, për nevojat e Qendrës Kombëtare të Transfuzionit të Gjakut.

Ekipi mjekësor i Qendrës kombëtare të transfuzionit të gjakut në bashkëpunim me personelin e Kompanisë së Mjekësisë së FSK-së, sipas kalendarit vizituan të gjitha kazermat e FSK-së, për t'ju mundësuar pjesëtarëve që të dhurojnë gjak pa shkëputje nga detyrat dhe aktivitetet e punës.

Këtë vit, aksioni organizohet për herën e IVërt, edhe me pushimeve, trajnime dhe ushtrime, thirrjes për gjak i'u përgjigjën një numër i madh i pjesëtarëve të FSK-së.

HermesNews - © 2012

Dërgo me email | Stampo artikullin | Artikulli është lexuar 131 here